তিমোর-লেস্তেগী রাস্ত্রপতি H.E. দা. জোস রামোস হোর্তা গান্ধীনগরদা 10শুবা বাইব্রেন্ত গুজরাত গ্লোবেল সমিৎতা শরুক য়ানবগীদমক জনুৱারী 8-10, 2024 ফাওবা ভারতকী খোঙচৎতা লৈরি।

প্রধান মন্ত্রী শ্রী নরেন্দ্র মোদী অমসুং রাস্ত্রপতি হোর্তা ঙসি গান্ধীনগরদা উনখ্রে। প্রধান মন্ত্রীনা বাইব্রেন্ত গুজরাত সমিৎতা রাস্ত্রপতি হোর্তা অমসুং মহাক্কী দেলিগেশনবু তরাম্না ওকখি। মসি লৈবাক অনিগী মরক্তা রাজ্যগী মকোক নত্ত্রগা সরকারগী থাক্তা পাংথোকপা অহানবা খোঙচৎনি। প্রধান মন্ত্রীনা বাইব্রেন্ত “দিল্লী-দিলী” শম্ননবগী ভারতকী ফিরেপ অদু অমুক হন্না ফোংদোকখি। সেপ্তেম্বর 2023দা, মহাক্না তিমোর-লেস্তেদা ভারতকী মিশন হাংদোক্নবগীদমক লাওথোকখি। মহাক্না তিমোর-লেস্তেদা কেপাসিতী বিল্দিং, হ্যুমেন রিসোর্স দিবেলপমেন্ত, IT, ফিন্তেক, ইনর্জী লোইননা ত্রেদিশনেল মেদিসিন অমসুং ফার্মা য়াওনা হেল্থকেয়রদা তেংবাং পীনবা ওফর তৌখি। মহাক্না তিমোর-লেস্তেবু ইন্তর্নেশনেল সোলর এলাইন্স (ISA) অমসুং কোলিশন ফোর দিজাস্তর রেসিলেন্ত ইনফ্রাস্ত্রকচর (CDRI)দা য়াওনবগীদমক ইনভাইৎ তৌখি।

মহাক্না তিমোর-লেস্তেবু মসিগী 11শুবা মেম্বর ওইনা য়াওহন্নবগী আসিয়ানগী ইন-প্রিন্সিপল দিসিজনগীদমক রাস্ত্রপতি হোর্তাদা নুংঙাইবা ফোংদোকখি অমসুং অথুবা মতমদা মপুং ফাবা মেম্বরশিপ ফংগনি হায়না থাজবা ফোংদোকখি।

রাস্ত্রপতি হোর্তানা সমিৎতা শরুক য়ানবগীদমক ইনভাইৎ তৌরকপগীদমক প্রধান মন্ত্রীদা থাগৎপা ফোংদোকখি। মহাক্না মসিগী দিবেলপমেন্ত প্রাইওরিতীশিং মপুং ফাহনবদা, মরুওইনা হেল্থকেয়র অমসুং ITদা কেপাসিতী বিল্দিংগী লমদা ভারত্তগী মতেং নীখি।

লুচিংবা অনিনা ইন্দো-পেসিফিক্কী লমদমদা রিজনেল ইসুশিং অমসুং দিবেলপমেন্তশিংগী মতাংদা খন্ন-নৈনখি।

রাস্ত্রপতি হোর্তানা UN সেক্যুরিতী কাউন্সিলদা ভারতকী পর্মানেন্ত মেম্বরশিপকীদমক কন্না শৌগৎপা ফোংদোকখি। লুচিংবা অনিনা লম কয়াদা মখোয়গী থোইদোক হেন্দোকপা তেংবাং মখা তানা পীননবা ফিরেপ ফোংদোক্নখি। প্রধান মন্ত্রীনা ভোইস ওফ গ্লোবেল সাউথ সমিৎকী এদিশন অনিদা তিমোর-লেস্তেনা চেৎনা শরুক য়াখিবা অদুবু শিংথাখি। মখোয়না গ্লোবেল সাউথকী লৈবাকশিংনা গ্লোবেল ইসুশিংদা মখোয়গী ফিভমদা চুশিন্নবা পুরক্কদবনি হায়না য়ানখি।

ভারত অমসুং তিমোর-লেস্তেগী মরক্তা নাকল অনিগী ওইবা মরী অসি দেমোক্রেসী অমসুং প্লুরেলিতীদা য়ুম্ফম ওইবনি। ভারত 2002দা তিমোর-লেস্তেগা লোইননা দিপ্লোমেতিক্কী মরীশিং থম্নবা অহানবা লৈবাকশিংগী মনুংদা অমনি।

*****