ઇલેક્ટ્રોનિક ટોલ કલેક્શન સિસ્ટમની કાર્યક્ષમતા વધારવા અને ટોલ પ્લાઝા પર સીમલેસ હિલચાલ પૂરી પાડવા માટે, NHAI એ 'એક વાહન, એક FASTag' પહેલ કરી છે જેનો ઉદ્દેશ બહુવિધ વાહનો માટે એક FASTagનો ઉપયોગ કરવા અથવા એકથી વધુ FASTag ને ચોક્કસ વાહન સાથે લિંક કરવાના વપરાશકર્તા વર્તનને નિરુત્સાહિત કરવાનો છે. NHAI FASTag વપરાશકર્તાઓને RBI માર્ગદર્શિકા અનુસાર KYC અપડેટ કરીને તેમના નવીનતમ FASTagની ‘Know Your Customer’ (KYC) પ્રક્રિયા પૂર્ણ કરવા માટે પણ પ્રોત્સાહિત કરી રહ્યું છે. 31મી જાન્યુઆરી 2024 પછી બેંકો દ્વારા માન્ય બેલેન્સ સાથે પરંતુ અપૂર્ણ KYC સાથેના FASTags નિષ્ક્રિય/બ્લેકલિસ્ટ કરવામાં આવશે.

અસુવિધા ટાળવા માટે, વપરાશકર્તાઓએ ખાતરી કરવી જોઈએ કે તેમના નવીનતમ FASTagનું KYC પૂર્ણ થયું છે કે નહીં. FASTag વપરાશકર્તાઓએ પણ 'એક વાહન, એક FASTag'નું પાલન કરવું જોઈએ અને તેમની સંબંધિત બેંકો દ્વારા અગાઉ જારી કરાયેલા તમામ FASTags કાઢી નાખવા જોઈએ. ફક્ત નવીનતમ FASTag એકાઉન્ટ જ સક્રિય રહેશે કારણ કે અગાઉના ટૅગ્સ 31મી જાન્યુઆરી 2024 પછી નિષ્ક્રિય/બ્લેકલિસ્ટ કરવામાં આવશે. વધુ સહાયતા અથવા પ્રશ્નો માટે, FASTag વપરાશકર્તાઓ નજીકના ટોલ પ્લાઝા અથવા તેમના સંબંધિત રજૂકર્તા બેંકોના ટોલ-ફ્રી ગ્રાહક સંભાળ નંબર પર પહોંચી શકે છે.

RBIના આદેશનું ઉલ્લંઘન કરીને કોઈ ચોક્કસ વાહન માટે બહુવિધ FASTags અને KYC વિના FASTags જારી કરવામાં આવ્યા હોવાના તાજેતરના અહેવાલો પછી NHAIએ આ પહેલ કરી છે. આ ઉપરાંત, કેટલીકવાર વાહનની વિન્ડસ્ક્રીન પર FASTags ઇરાદાપૂર્વક ફિક્સ કરવામાં આવતાં નથી, જેના પરિણામે ટોલ પ્લાઝા પર બિનજરૂરી વિલંબ થાય છે અને સાથી રાષ્ટ્રીય ધોરીમાર્ગ વપરાશકર્તાઓને અસુવિધા થાય છે.

લગભગ 98 ટકાના પ્રવેશ દર અને 8 કરોડથી વધુ વપરાશકર્તાઓ સાથે, FASTag એ દેશમાં ઇલેક્ટ્રોનિક ટોલ કલેક્શન સિસ્ટમમાં ક્રાંતિ લાવી છે. ‘વન વ્હીકલ, વન ફાસ્ટેગ’ પહેલ ટોલ કામગીરીને વધુ કાર્યક્ષમ બનાવવામાં અને રાષ્ટ્રીય ધોરીમાર્ગના વપરાશકર્તાઓ માટે સીમલેસ અને આરામદાયક મુસાફરી સુનિશ્ચિત કરવામાં મદદ કરશે.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com