নহারোল অমসুং শান্ন-খোৎনবগী মন্ত্রালয়
কেন্দ্রগী ইনফোর্মেসন অমদি ব্রোদকাস্তিং অমসুং স্পোর্তস মন্ত্রী শ্রী অনুরাগ সিংহ থাকুরনা দিয়ুদা নেহরু য়ুবা কেন্দ্রনা পাংথোকপা থৌরমদা শরুক য়াখ্রে
দিয়ু মালালা ওদিতোরিয়মদা ‘মাই ভারত মেরা য়ুবা ভারত’ থীমদা য়ুথ দাইলোগ প্রোগ্রাম অমা পাংথোকখি
শ্রী অনুরাগ থাকুরনা খেলো ইন্দিয়া, ফিৎ ইন্দিয়া অমসুং দ্রগ ফ্রী ইন্দিয়াগী স্লোগান পীখি
ভারত্তা অহানবা ওইনা দিয়ুদা মলতিস্পোর্ত বীচ গেম্স পাংথোকখি
Posted On:
04 JAN 2024 9:49PM by PIB Imphal
দাদ্রা অমদি নগর হভেলি অমসুং দামন অমদি দিয়ু অমসুং লক্ষদ্বীপ য়ুনিয়ন তেরীতোরীশিংগী এদমিনিস্ত্রেতর শ্রী প্রফুল পতেলগী লুচিং অমসুং লীচিং মখাদা দিয়ু বীচ গেম্স- ২০২৪ পাংথোকখ্রে। তোঙান তোঙানবা প্রোগ্রামশিংগী শরুক ওইনা ‘মাই ভারত মেরা য়ুবা ভারত’ থীমগী মখাদা দিয়ুগী মালালা ওদিতোরিয়মদা য়ুথ দাইলোগ প্রোগ্রাম অমসু পাংথোকখি। কেন্দ্রগী ইনফোর্মেসন, ব্রোদকাস্তিং অমসুং স্পোর্তস মন্ত্রী শ্রী অনুরাগ সিংহ থাকুরগী চিয়ারমেনশিপ মখাদা অমসুং দাদ্রা অমদি নগর হভেলি অমসুং দামন অমদি দিয়ু অমসুং লক্ষদ্বীপ য়ুনিয়ন তেরীতোরীশিংগী এদমিনিস্ত্রেতর শ্রী প্রফুল পতেল অমসুং এম.পি. লালুভাই পতেলনা শরুক য়াবা নেহরু য়ুবা কেন্দ্রনা পাংথোকপা থৌরমদা নহাশিংগা লোয়ননা ৱারী ৱাতাই শান্নখি।
কেন্দ্রগী ইনফোর্মেসন অমদি ব্রোদকাস্তিং অমসুং য়ুথ এফিয়ার্স অমদি স্পোর্তসকী কেবিনেৎ মন্ত্রী শ্রী অনুরাগ থাকুরনা নহাশিংবু অচেৎপা অমসুং চাউখৎপা ভারত অমা শেমগৎপদা মাংলোমদা চংশিন্নবা অপীল তৌরদুনা হায়খি মদুদি লৈবাক্কী নহাশিংগী ইনর্জী অসি লৈবাক শেমগৎপদা শিজিন্নগদবনি অমসুং নহাশিংনা দেবেলপ ইন্দিয়া ২০৪৭ অমগী মাংলান মংফাওনহনবদা থৌদাংলৌগদবনি।
খেলো ইন্দিয়া, ফিৎ ইন্দিয়া অমসুং দ্রগ ফ্রী ইন্দিয়াগী স্লোগান পীরদুনা নহাশিংদা স্পোর্তসপু মখোয়গী পুন্সীগী শরুক অমা ওইহন্নবা, মশা মউ ফনা লৈনবা অমদি দ্রগতগী লাপথোক্না লৈনবা অমসুং পাঙ্গল কনবা ওইনবা অপীল তৌখি। মহাক্না মখা তাখি মদুদি দিয়ুনা অহানবা ওইনা বীচ গেম ফেস্তিবেল পাংথোক্লি। ফেস্তিবেল অসিনা স্পোর্তসকী লমদা অতোপ্পা রিভোলুসন অমা পুরক্লগনি অমসুং য়ুনিয়ন তেরিতোরী অসিদা কলচর অমসুং তুরিজম হেনগৎহল্লগনি।
![](https://static.pib.gov.in/WriteReadData/userfiles/image/111111111111XSI2.jpeg)
![](https://static.pib.gov.in/WriteReadData/userfiles/image/2222222222222WY5O.jpeg)
থৌরমগী ৱারোলদা এদমিনিস্ত্রেতরনা হায়খি মদুদি ঐখোয়গী নহারোল খক্তনা লৈবাক অসিদা অচুম্বা মায়কৈ পীবা ঙমগনি অমসুং মসিগীদমক মখোয় হকচাং অমসুং ৱাখল মপুং ফানা ফনা লৈগদবনি। স্পোর্ত অসিমক্না নহাশিংদা ফীৎনেস পীরগনি; পান্দম অসিগীদমক দিয়ু বীচ গেম্স-২০২৪ পাংথোক্লিবনি। এদমিনিস্ত্রেতরনা হায়খি মদুদি ঐহাক্না থাজবা থমলি মদুদি মসিনা বীচ গেম্সকী কলচর দেবেলপ তৌরগনি, য়ুনিয়ন তেরিতোরী অসিগী স্পোর্তস তেলেন্তশিং প্রমোত তৌরগনি অমসুং য়ুনিয়ন তেরিতোরী অসিগী তুরিজম পোতেন্সিয়েল হেনগৎলগনি। থৌরম অসিনা লোকেলশিংদা নত্তনা তুরিস্তশিংসু পুক্নিং চিংশিল্লগনি।
থৌরম অসিদা দিয়ুগী পব্লিক রিপ্রজেন্তেতিবশিং, সেনিয়র এদমিনিস্ত্রেতিব ফিসরশিং, স্পোর্তসমেন, মহৈরোইশিং অমসুং মশিং য়াম্লবা নহাশিংনা শরুক য়াখি।
***
(Release ID: 1995348)
Visitor Counter : 74