বিকসিত ভারত সঙ্কল্প য়াত্রানা ঙসি অচৌবা মাইলস্তোন অমা লানখ্রে। নুমিৎ ৫০গী অতেনবা মতমগী মনুংদা মীওই করোর ১০ হেনবনা য়াত্রা অসিদা শরুক য়াখ্রে। মসিগী অঙকপা মশিং অসিনা বিকসিত ভারতকী শেয়র্দ ভিজন অমগী মায়কৈদা লৈবাক পুম্বগী মীওইশিং পুন্সিনবদা য়াত্রা অসিগী অচৌবা ইম্পেক্ত অমসুং লম্বা লৈতবা তৌবা ঙম্বা অদু তাক্লি।

তাঞ্জা চানরুদনা, বিকসিত ভারত সঙ্কল্প য়াত্রাদা শরুক য়ারিবা মীওইশিংগী মশিং অসি ওস্ত্রেলিয়া, কানাদা, জর্মনী, ফ্রান্স, ইতালী অমসুং সাউথ আফ্রিকাগুম্বা মরুওইবা লৈবাক খরগী অপুনবা মীশিংদগীসু হেল্লে। য়াত্রা অসিনা ফংলিবা অচৌবা সপোর্তনা বিকসিত ভারত অমা শেমগৎপদা নাগরিকশিংনা চাউনা কত্থোক্লিবা অদু উৎলে।

অরুনাচল প্রদেশকী লুহুপ মনী অঞ্জাওদগী গুজরাতকী নোংচুপ সমুদ্র তোর্বানদা দেবভুমি দ্বারকা ফাওবা, লদাখকী উনগী চিংদোল কাদুনা অমসুং অন্দমানগী শংবান্নবা সমুদ্র তোর্বানগী লৈতেং ফজহনবা ফাওবা, বিকসিত ভারত সঙ্কল্প য়াত্রানা হৌজিক লৈবাক্কী মনুং হুঞ্জিনবা কাচিন কোয়াদা কম্ম্যুনিতীশিংদা য়ৌশিন্দুনা রিজন পুম্নমক কোন্সিল্লি। য়াত্রা অসিনা ৱেলফেয়র স্কিমশিংবু গ্রাসরুত লেবেলদা য়ৌহনবা অমসুং মীয়ামদা মসিগী দাইরেক্ত কানবা ফংহনবা শোইহন্দনা ভারতকী পাকচাউবদা পুক্নিং চংবা অমসুং আশাগী মৈরিক অমা পোকহল্লে।

পোপুলেসন ফিগরশিং, সোর্স

নবেম্বর ১৫, ২০২৩দা মসি হৌদোকখিবদগী হৌরগা, মীওই করোর ৭.৫ হেনবনা ২০৪৭ ফাওবদা বিকসিত ভারত অমা শেমগৎপদা ৱারেপ লৌবা অমা ওইরিবা - মখোয়গী “সঙ্কল্প” ৱাশক লৌখি – হপ্তা খরগী মনুংদা নাগরিকশিংগী মরক্তা য়াত্রাগী ইলেক্ত্রিফায়িং ইফেক্ত উবা ফংলে।

য়াত্রাগী ইম্পেক্ত অসি য়াম্না লুথবা অমসুং পুন্সীদা অহোংবা পুরকপনি। য়াত্রা মনুংদা আয়ুশ্মান কার্দ করোর ১.৭ হেন্না ইসু তৌখ্রে অমসুং হেল্থ কেম্পশিংদা নাগরিক করোর ২.২ হেন্না স্ক্রীন তৌখ্রে। ফাইনান্সিয়েল ইন্দিপেন্দেন্সকী মায়কৈদা খোং থাংজিন্দুনা বেনেফিসরী লাখ ৭.৫ হেনবনা পি.এম. স্বনিধি স্কিমগী কানবা লৌখ্রে। য়াত্রা মনুংদা অনৌবা পি.এম. কিসান বেনেফিসরী লাখ ৩৩ হেন্না মমিং চনখ্রে। দ্রোন দেমোন্সত্রেসন ৮৭০০০ হেন্না পাংথোকখ্রে মদুনা ফার্মরশিংদা তেক্নোলোজীগী ওইবা তেংবাং ফংহল্লে।

বিকসিত ভারত সঙ্কল্প য়াত্রা অসি খোংচৎ অমদগী হেল্লবনি; মসি লৈবাক পুম্বদা নিল্লিবা থবক তৌনবা শক্তি লৈবা খোঞ্জেল অমনি। অহোংবা পুরক্নবগীদমক ঙসি হোৎনরিবশিং, চাউখৎপা তুংলমচৎ অমগী ৱাশক শক্লি। খোংথাং অসিনা লৈবাক্কী নাগরিক পুম্নমকপু শক্তি লৈহন্নবা অমসুং ২০৪৭ ফাওবদা চাউখৎপা লৈবাক ওইরক্নবা মসিগী পন্থুংদা ভারতপু হেন্না নকশিন্না পুরক্নবা অচৌবা ৱারেপ অমা লৌবগী পান্দম থম্লি।

****