প্রধানমন্ত্রীগী লোইশঙ
মহাক্কী শেন্থোক শরুক ৭ হেনগৎহনবগীদমক প্রধান মন্ত্রীনা মিজো ওর্গনিক লৌমী থাগৎপা ফোঙদোকখ্রে
ওর্গনিক লৌউ মখল অসি মীয়াম অমসুং লৈবাক-লৈহাও অনিমক্কী হকচাং ফনা লৈনবা মরুওই: প্রধান মন্ত্রী
কেমিকেল য়াওদবা পোৎথোকশিংগী য়োনফম শরুক ৭ হেনগৎলে: প্রধান মন্ত্রী
Posted On:
08 JAN 2024 3:18PM by PIB Imphal
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংগা লোয়ননা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং থৌরম অদুদা শরুক য়াখি।
২০১৭ দগী ওর্গনিক লৌউ মখল পাংথোক্তুনা লাক্লবা মিজোরমগী আইজোলদগী সুয়ায়া রালতেনা প্রধান মন্ত্রীদা হায়খি নিউ দিল্লি ফাওবা য়ৌনা অরাপ্পদা লৈবা কম্পেনিশিংদা মহাক্কী পোৎথোকশিং য়োল্লে, মহাক্না মিজো মোরোক, শিং অমসুং অতোপ্পা মনা-মশিং কয়া পুথোক্লে অমসুং পোৎথোকশিং য়োনবদগী মহাক্কী শেন্থোক লুপা ২০,০০০ দগী লুপা ১,৫০,০০০ দা হেনগৎলে।
কৈথেলদা মহাক্কী পোৎথোকশিং য়োনবগী মতাংদা প্রধান মন্ত্রীনা হংবদা, রালতেনা হায়খি অৱাং-নোংপোক লমদমদা মিসন ওর্গনিক ভেলু চেন দিবলপমেন্তগী মখাদা কৈথেল অমা শেমগৎলে অমসুং লৌমীশিংনা অৱাবা লৈতনা মখোয়গী পোৎথোকশিং য়োনবা ঙম্লে। প্রধান মন্ত্রীনা হায়খি লৈবাক অসিদা লৌমী কয়া ওর্গনিক লৌউ মখল পায়খৎলকপা অসিদা অপেনবা ফাওই অমসুং অৱাং-নোংপোক্কী মনুং-হুঞ্জিনবা মফমদা লৈরিবা রালতেনা লৌউ মখল অসিদা মাঙজিল থারি। ওর্গনিক লৌউ মখল অসি মীয়াম অমসুং লৈবাক-লৈহাও অনিমক্কী হকচাং ফনা লৈনবা মরুওই।
প্রধান মন্ত্রীনা হায়খি হৌখিবা চহি ৯ দা কেমিকেল য়াওদবা পোৎথোকশিংগী য়োনফম শরুক ৭ হেনগৎলকপদগী লৌমীশিংগী শেন্থোক অমসুং পোৎথোকশিং লৈদুনা শীজিন্নরিবা মীয়ামগী হকশেলগী ফিবম ফগৎলে। ওর্গনিক লৌউ মখল পাংথোক্লিবা লৌমীশিং প্রধান মন্ত্রীনা থাগৎপা ফোঙদোকখি অমসুং লৌউ মখল অসি পায়খৎত্রিবা লৌমীশিং লৌউ মখল অসি পায়খৎনবা মহাক্না তকশিনখি।
***
(Release ID: 1994335)
Visitor Counter : 60
Read this release in:
Kannada
,
Assamese
,
Odia
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Tamil
,
Telugu
,
Malayalam