নোর্থ ইস্তর্ন দেবেলপমেন্ত ফাইনান্স কোর্পোরেসন লিমিতেদ (নেদফি)না এন.ই. রিজনদা অনৌবা ইন্দস্ত্রীয়েল অমসুং সর্বিস সেক্তর প্রোজেক্তশিং লিংখৎপা লাইথোকহনবদা মরুওইবা থৌদাং অমা লৌরি। কোর্পোরেসন অসিনা ২০২৩গী জনুৱারী ১দগী ২০২৩গী নবেম্বর ৩০ ফাওবগী মরক্তা তোঙান তোঙানবা সেক্তরশিং – এজুকেসন অমসুং ত্রেনিং ফুদ প্রোসেসিং, হেন্দলুম অমসুং হেন্দিক্রাফ, হেল্থকেয়র, হোতেল অমসুং তুরিজম, মাইক্রোফাইনান্স অসিনচিংবদা মথংশিৎনা অপুনবা লুপা করোর ৭৬৬.৪৭ অমসুং লুপা করোর ৫৪৭.১১গী সেঙ্কসনশিং অমসুং দিসবর্সমেন্তশিংগা লোয়ননা চাউরাক্না প্রোজেক্ত ৫৩৩৮ মতেং পাংখ্রে।

মাইক্রো অমসুং স্মোল ওন্ত্রপ্রাইজেস (এম.এস.ই.) সেক্তর দেবেলপ তৌনবগীদমক, কোর্পোরেসন্না পোতেন্সিয়েল ফার্সত জেনরেসন লোকেল এন্ত্রেপ্রিন্যুরশিং মশক খংদোক্নবা অমসুং য়োকখৎনবা অমদি মখোয়বু মায় পাক্না তৌবা ঙম্বা ইন্দস্ত্রীয়েল প্রোজেক্তশিং লিংখৎপদা মতেং পাংনবগীদমক অরাইবা তর্মশিংদা শেল ফংহন্নবা খোংথাংশিং লৌখৎলি। মাইক্রো অমসুং স্মোল ওন্ত্রপ্রাইজেস সেক্তরগী মখাদা কোর্পোরেসনগী ক্রিদিৎ স্কিমশিং ইন্তরেস্তকী কন্সেস্নেল রেৎতা ফংহল্লি। মসিদসু নত্তনা নেদফিনা রিজন অসিদা এম.এস.এম.ই. অমসুং মাইক্রোফাইনান্স সেক্তরশিংগী প্রমোসন অমসুং দেবেলপমেন্তকী মায়কৈদা ইনিসিয়েতিবশিং/ এক্তিবিতীশিং পায়খৎলি।

রিজনগী অনসর্ব অমসুং অন্দরসর্ব এরিয়াশিংদা গ্রাস-রুত স্মোল বোরোৱরশিংবু মতেং পাংনবা – ইনকম নেম্বা মীওইশিংবু লোন পীনবগীদমক মাইক্রো ফাইনান্স ইন্সতিত্যুসন (এম.এফ.আই.)বু হোলসেল মাইক্রো-ক্রিদিৎকীদমক “নেদফি মাইক্রো ফাইনান্স স্কিম” অমসুং ফার্ম অমসুং নন-ফার্ম সেক্তরশিংদা ইনকম জেনরেতিং এক্তিবিতীশিংগীদমক বিজিনেস কোরেস্পোন্দেন্তশিংগী খুত্থাংদা মাইক্রো ওন্ত্রেপ্রিন্যুরশিংদা দাইরেক্ত ওইনা শেলগী তেংবাং ফংহন্নবা “নেদফি মাইক্রো-লেন্দিং স্কিম” হৌদোকখি। রিফর তৌরিবা মতমগী মনুংদা এন.এম.এফ.এস.গী মখাদা অপুনবা ওইনা লুপা করোর ৪০.৮৪ অমসুং লুপা করোর ১০৩১.৪৯গী শেলগী তেংবাং পীখি; অদুগা এন.এম.এল.এস.কী মখাদা বোরোৱর ৪২৬৫দা লুপা করোর ৫২.৬০গী তেংবাং পীখি। মসিনা বেনেফিসরী লাখ মাপল হেনবগী ইকোনোমিক স্তেতস ফগৎহনখি, মদুদা চাদা ৯০দি নুপীশিংনি।

নেদফিনা মিনিস্ত্রী ওফ দেবেলপমেন্ত ওফ নোর্থ ইস্তর্ন রিজন (এম.দোনর)গা খুৎশম্নদুনা রিজন অসিদা স্তার্ত-অপ ভেঞ্চরশিং পুক্নিং থৌগৎনবা নোর্থ ইস্ত ভেঞ্চর ফন্দ (এন.ই.ভি.এফ.), দেদিকেতেদ ভেঞ্চর কেপিতেল ফন্দ অমা লিংখৎখি। ফন্দগীদমক কেপিতেল কমিতমেন্ত লুপা করোর ১০০ (এম.দোনর লুপা করোর ৪৫.০০, নেদফি লুপা করোর ৩০ অমসুং সিদবি লুপা করোর ২৫)নি। ফন্দ অসিনা রিজনগী স্তার্ত-অপশিংগী মরক্তা থৱায় য়াম্না য়াওহল্লে। ২০২৩গী নবেম্বর ৩০ ফাওবদা অপুনবা প্রোজেক্ত ৬৭দা লুপা করোর ৯৮.১৮গী ইনভেস্তমেন্ত কমিতমেন্ত পীখ্রে।

নোর্থ ইস্তর্ন দেবেলপমেন্ত ফাইনান্স কোর্পোরেসন লিমিতেদ (নেদফি) অসি ১৯৯৫গী ওগস্ত ৯দা কম্পেনিজ এক্ত ১৯৫৬গী মখাদা রেজিস্তার তৌখিবা পব্লিক লিমিতেদ কম্পেনী অমনি। নেদফিনা নোর্থ ইস্তর্ন রিজনদা ইন্দস্ত্রিয়েল, ইনফ্রাস্ত্রকচর অমসুং এগ্রি-এলাইদ প্রোজেক্তশিং লিংখৎনবগীদমক মাইক্রো, স্মোল, মেদিয়ম অমসুং লর্জ এন্ত্রপ্রাইজশিংদা শেলগী তেংবাং অমদি এম.এফ.আই./এন.জি.এ.শিংগী খুত্থাংদা মাইক্রোফাইনান্স ফংহল্লি। শেলগী তেংবাং খক্তা নত্তনা কোর্পোরেসন্না রাজ্য সরকারশিং, প্রাইবেত সেক্তরশিং অমসুং ওতেপ্পা এজেন্সীশিংদা কন্সলতেন্সী অমসুং এদবাইজরী সর্বিসশিং ওফর তৌরি।

****