துறைமுகங்கள், கப்பல் போக்குவரத்து மற்றும் நீர்வழி அமைச்சகத்தின் கீழ் உள்ள இந்திய உள்நாட்டு நீர்வழி ஆணையம், 2024 ஜனவரி 8 ஆம் தேதி கொல்கத்தாவில் முதல் 'உள்நாட்டு நீர்வழி மேம்பாட்டு கவுன்சில்' கூட்டத்தை நடத்த உள்ளது.

இந்த ஒரு நாள் கூட்டத்தை மத்திய துறைமுகங்கள், கப்பல் மற்றும் நீர்வழிகள் மற்றும் ஆயுஷ்துறை அமைச்சர் திரு சர்பானந்தா சோனோவால் எம்.வி கங்கா குயின் கப்பலில் தொடங்கி வைக்கிறார்.

துறைமுகங்கள், கப்பல் மற்றும் நீர்வழிகள் துறையின் இணையமைச்சர்கள் திரு ஸ்ரீபத் நாயக் மற்றும் திரு சாந்தனு தாக்கூர், நீர்வழி மாநிலங்கள் மற்றும் மத்திய அரசின் முக்கிய அதிகாரிகள் இந்த நிகழ்வில் பங்கேற்கின்றனர். 

துறைமுகங்கள், கப்பல் போக்குவரத்து மற்றும் நீர்வழிகள் மற்றும் ஆயுஷ்துறை  அமைச்சர் திரு சர்பானந்தா சோனோவால், "ஹரித் நௌகா - உள்நாட்டு கப்பல்களின் பசுமை மாற்றத்திற்கான வழிகாட்டுதல்கள்" மற்றும் "நதி கப்பல் சுற்றுலா வரைபடம் 2047" உள்ளிட்ட அற்புதமான முன்முயற்சிகளையும் இந்த கூட்டத்தின்போது வெளியிடுவார்.

மேலும், உள்நாட்டு நீர்வழிகள் மற்றும் அதனுடன் தொடர்புடைய துறைகளை மேம்படுத்துவதற்கான கூட்டு முயற்சிகளைக் குறிக்கும் வகையில் இந்த நிகழ்வில் பல புரிந்துணர்வு ஒப்பந்தங்கள் கையெழுத்திடப்படும் என்று எதிர்பார்க்கப்படுகிறது.

இந்தியாவில் உள்நாட்டு நீர்வழிகளை மேம்படுத்துவதில் உள்ள முக்கியப் பிரச்சினைகள் குறித்து விவாதிக்கும் தொடர்ச்சியான அமர்வுகள் நடைபெற உள்ளன.இந்த அமர்வுகளில் நியாயமான மேம்பாடு, தனியார் துறை ஈடுபாடு மற்றும் சிறந்த நடைமுறைகள், உள்நாட்டு நீர் போக்குவரத்தில் சரக்கு போக்குவரத்து செயல்திறனை மேம்படுத்துதல், பயணிகள் போக்குவரத்திற்கான சுற்றுச்சூழலுக்கு உகந்த கப்பல்களின் மேம்பாடு மற்றும் மேம்பாட்டை ஊக்குவித்தல், நதி கப்பல் சுற்றுலாவின் பொருளாதார நன்மைகளை ஆராய்தல் மற்றும் நிலையான நடைமுறைகளை வலியுறுத்துதல் போன்ற தலைப்புகளில் விவாதங்கள் நடைபெறுகின்றன. 

கடல்சார் இந்தியா தொலைநோக்குத் திட்டம் 2030 இல் சுட்டிக் காட்டப்பட்டுள்ள இலக்குகளுடன் இணைந்து, உள்நாட்டு நீர் போக்குவரத்தின் மாதிரி பங்கை தற்போதைய 2% லிருந்து 5% ஆக உயர்த்த அமைச்சகம் ஒரு திடமான இலக்கை நிர்ணயித்துள்ளது.

மேலும், லட்சிய கடல்சார் அமிர்த கால தொலைநோக்குத் திட்டம் 2047 இன் ஒரு பகுதியாக, தற்போதுள்ள உள்நாட்டு நீர் போக்குவரத்தின் சரக்கு போக்குவரத்து அளவை ஆண்டுக்கு சுமார் 120 மில்லியன் மெட்ரிக் டன்னில் (எம்.டி.பி.ஏ) இருந்து 500 எம்.டி.பி.ஏ-க்கும் அதிகமாக அதிகரிப்பதை அமைச்சகம் நோக்கமாகக் கொண்டுள்ளது, இது நாட்டில் உள்நாட்டு நீர்வழிகளின் வளர்ச்சியில் குறிப்பிடத்தக்க முன்னேற்றத்தைக் குறிக்கிறது.

----

ANU/AD/BS/DL