بندرگاہوں، جہاز رانی اور آبی گزرگاہوں کی وزارت(ایم او پی ایس ڈبلیو) کے تحت، ان لینڈ واٹر ویز اتھارٹی آف انڈیا 8 جنوری 2023 کو کولکاتہ میں 'ان لینڈ واٹر ویز ڈیولپمنٹ کونسل'کی  افتتاحی میٹنگ کی میزبانی کرے گی ۔ بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال کی زیر صدارت ایم وی گنگا کوئین جہاز پر دن بھر کی میٹنگ میں بندرگاہوں، جہاز رانی اور آبی گزرگاہوں کے وزرائے مملکت  جناب شری پد نائک اور جناب شانتنو ٹھاکر سمیت آبی گزرگاہوں کی ریاستوں اور مرکزی حکومت کی اہم شخصیات موجود رہیں گی۔ اس تقریب میں مرکزی حکومت کے متعدد سینئر افسران اور اس شعبے کے ماہرین کے ساتھ ساتھ مختلف ریاستی حکومتوں کے وزراء اور ان کے پرنسپل سکریٹریوں / سکریٹریوں کی شرکت بھی نظر آئے گی ۔

بندرگاہوں، جہاز رانی اور آبی گزرگاہوں اور آیوش کے وزیر جناب سربانند سونووال میٹنگ کے دوران "ہریت نوکا - اندرون ملک جہازوں کی ماحول دوست منتقلی کے لیے رہنما خطوط" اور "ریور کروز ٹورازم روڈ میپ 2047" سمیت متعدد اہم اقدامات کی نقاب کشائی کریں گے۔ مزید برآں، اس تقریب میں متعدد مفاہمت کی یادداشتوں (ایم او یو) پر دستخط کی توقع ہے، جو اندرون ملک آبی گزرگاہوں اور متعلقہ شعبوں کو آگے بڑھانے کے لیے باہمی تعاون کی کوششوں کی نشاندہی کرتے ہیں۔

آئی ڈبلیو ڈی سی  کی افتتاحی میٹنگ کے دوران ہندوستان میں اندرون ملک آبی گزرگاہوں کی ترقی میں اہم مسائل کو حل کرنے کے مسلسل نشستوں کے ساتھ ایک جامع ایجنڈا بھی پیش کیا جائے گا۔ نشستوں  میں فیئر وے کی ترقی، نجی شعبے کی مصروفیت اور بہترین طریقہ کار، اندرون ملک آبی نقل و حمل (آئی ڈبلیو ٹی) میں کارگو ٹرانسپورٹ کی کارکردگی کو بہتر بنانا، مسافروں کی نقل و حمل کے لیے ماحول دوست جہازوں کے فروغ اور ترقی کو فروغ دینا، ریور کروز ٹورازم کے معاشی فوائد کی تلاش اور دوسروں کے درمیان پائیدار طریقوں پر زور دینا جیسے مختلف موضوعات کا احاطہ کیا جائے گا ۔

واضح رہے کہ وزارت نے اندرون ملک آبی نقل و حمل  (آئی ڈبلیو ٹی) کے ماڈل شیئر کو موجودہ 2فیصد سے بڑھا کر 5فیصد کرنے کا ایک جرات مندانہ مقصد مقرر کیا ہے، جو میری ٹائم انڈیا وژن 2030 میں بیان کردہ اہداف کے مطابق ہے۔ مزید برآں، اولوالعزم میری ٹائم امرت کال ویژن 2047 اس کے ایک حصے کے طور پر ، وزارت کا مقصد موجودہ آئی ڈبلیو ٹی کارگوکے حجم کو تقریباً 120 ایم ٹی پی اے سے 500 ایم ٹی پی اے تک بڑھانا ہے، جو ملک میں اندرون ملک آبی گزرگاہوں کی ترقی میں ایک نمایاں چھلانگ کی نشاندہی کرتا ہے۔

ریاست مغربی بنگال میں، ساگرمالا پروگرام 16,300 کروڑ روپے  مالیت کے 62 پروجیکٹوں کے ساتھ سمندری ترقی کو فعال طور پر چلا رہا ہے۔ قابل ذکر بات یہ ہے کہ تقریباً 1,100 کروڑ روپے مالیت کے19 منصوبے کامیابی کے ساتھ مکمل ہو چکے ہیں، جبکہ 43 منصوبے، جن کی کل لاگت تقریباً 15 ہزار کروڑ روپے ہے، نفاذ کے مختلف مراحل میں ہیں۔ ان اقدامات میں سے، بندرگاہوں، جہاز رانی اور آبی گزرگاہوں کی وزارت (ایم او پی ایس ڈبلیو) کی جانب سے تقریباً 650 کروڑ روپے کی جزوی فنڈنگ کے ساتھ 11 منصوبے نمایاں پیش رفت کر رہے ہیں۔ان میں سے چھ منصوبے ، جن کی مالیت تقریباً 400 کروڑ روپے ہے ، تکمیل کو پہنچ چکے ہیں، جبکہ 250 کروڑ روپے مالیت کے باقی پانچ منصوبے نفاذ کے مختلف مراحل میں ہیں۔

قابل ذکر کامیابیوں میں سڑک کے رابطے میں بہتری، بندرگاہ اور تجارتی صارفین کو سہولت فراہم کرنا، اور کولکاتہ پورٹ کےای جے سی یارڈ میں پٹریوں کی اپ گریڈیشن کے لیے 47 کروڑ روپے کا پروجیکٹ شامل ہے، جس کے نتیجے میں حفاظت اور کارکردگی میں اضافہ ہوا ہے۔ آنے والے پروجیکٹوں میں آئی آئی ٹی کھڑگپور میں ساگرمالا کی 100فیصدمالی امداد سے اندرون ملک اور ساحلی سمندری ٹیکنالوجی کے مرکز کا قیام اور دریائے ہگلی/بھاگیرتھی بلاک اور پی ایس کلیانی نادیہ ضلع کے بائیں کنارے پر کٹاؤ مخالف کام،  17.7 کروڑ روپے کی پہل جس کا مقصدساحلی کٹاؤ کو روکنا اور مقامی برادریوں کے ذریعہ معاش کی حفاظت کرنا شامل ہے ۔

حکومت ہند کے ذریعہ اکتوبر 2023 میں اندرون ملک آبی گزرگاہوں کی ترقی کے کونسل کا قیام ریاستوں اور مرکز کے زیر انتظام علاقوں کی فعال شرکت کے ساتھ اندرون ملک آبی گزرگاہوں اور کارگو کی بہتر کارکردگی، مسافروں کی نقل و حرکت، اور دریائی کروزکی سیاحت کے لیے متعلقہ اندرون ملک آبی نقل و حمل (آئی ڈبلیو ٹی) ماحولیاتی نظام کی جامع ترقی کے لیے حکومت کی وابستگی کو واضح کرتا ہے۔ 

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

3347