প্ৰধানমন্ত্ৰীৰ কাৰ্যালয়
প্ৰধানমন্ত্ৰীৰ প্ৰধান সচিবে মুম্বাইত বিকশিত ভাৰত সংকল্প যাত্ৰাত অংশগ্ৰহণ কৰে
Posted On:
04 JAN 2024 6:50PM by PIB Guwahati
প্ৰধানমন্ত্ৰীৰ প্ৰধান সচিব ডঃ পিকে মিশ্ৰই আজি মুম্বাইৰ গোৰেগাঁও পূবত বিকশিত ভাৰত সকল্প যাত্ৰাত অংশগ্ৰহণ কৰে।
কাৰ্যসূচীটোত ১৫০০ তকৈও অধিক লোকৰ উৎসাহপূৰ্ণ অংশগ্ৰহণ দেখা গৈছিল। প্ৰধান সচিবে সকলো অংশগ্ৰহণকাৰীৰ সৈতে, বিকশিত ভাৰতৰ সংকল্প গ্ৰহণ কৰে। মেৰী কাহানি মেৰী জুবানী উদ্যোগৰ অধীনত, বিভিন্ন কেন্দ্ৰীয় চৰকাৰৰ আঁচনিৰ হিতাধিকাৰীসকলে তেওঁলোকৰ অভিজ্ঞতা আৰু সফলতাৰ কাহিনী ভাগ বতৰা কৰে।
অনুষ্ঠানটোত প্ৰধানমন্ত্ৰীৰ ৰেকৰ্ড কৰা ভিডিঅ' বাৰ্তা আৰু বিকশিত ভাৰত সংকল্প যাত্ৰাৰ উদ্দেশ্যৰ ওপৰত নিৰ্মিত চলচ্চিত্ৰখনো প্ৰদৰ্শন কৰা হয়।
প্ৰধান সচিবে মুদ্ৰা যোজনা, প্ৰধানমন্ত্ৰী স্বনিধি আদি আঁচনিৰ হিতাধিকাৰীসকলক প্ৰমাণপত্ৰ আৰু লাভালাভ বিতৰণ কৰে।
প্ৰধান সচিবে চৰকাৰী আঁচনিসমূহৰ ষ্টলসমূহো পৰিদৰ্শন কৰে যিবোৰ মুখ্য চৰকাৰী আঁচনিসমূহৰ বিষয়ে সজাগতা বিয়পাবলৈ আৰু এতিয়ালৈকে এই আঁচনিসমূহৰ সুবিধা লাভ কৰিবলৈ সক্ষম নোহোৱা সকলো হিতাধিকাৰীৰ ওচৰ চপাৰ বাবে স্থাপন কৰা হৈছিল।
প্ৰধানমন্ত্ৰীৰ প্ৰধান সচিবেও অংশগ্ৰহণকাৰীসকলক সম্বোধন কৰে। তেওঁ বিকশিত ভাৰতৰ প্ৰধানমন্ত্ৰীৰ দৃষ্টিভংগীৰ বিষয়ে কয় আৰু নাগৰিকসকলক সম্পূৰ্ণ উদ্যমেৰে যাত্ৰাত অংশগ্ৰহণ কৰিবলৈ আহ্বান জনায়। তেওঁ চৰকাৰী আঁচনি ৰূপায়ণ আৰু সমাজৰ অন্তিমগৰাকী লোকেও যাতে এই আঁচনিসমূহৰ সুবিধা লাভ কৰে সেই সন্দৰ্ভতো আলোচনা কৰে।
প্ৰধান সচিবে মুম্বাই চহৰত সফল বিকশিত ভাৰত সংকল্প যাত্ৰা আয়োজন কৰাৰ বাবে বিএমচি প্ৰশাসনক প্ৰশংসা কৰে।
***************
DS/TS/KG
(Release ID: 1993901)
Visitor Counter : 142
Read this release in:
Kannada
,
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam