انتظامی اصلاحات اور عوامی شکایات کے محکمے (ڈی اے آر پی جی) نے 4 جنوری 2024 کو سی ایس او آئی، کے جی، نئی دہلی میں ابھرتی ہوئی اور مستقبل کی ای گورننس کے اقدامات، ای کامرس کے اقدامات، اور ابھرتی ہوئی ٹیکنالوجیز کے موضوع پر ایک اہم اجلاس کا اہتمام کیا۔

اس اجلاس نے ای-خدمات کی فراہمی، ای گورننس اور جدید ٹیکنالوجی کے نفاذ کے میدان میں اہم کھلاڑیوں کے درمیان علم کے تبادلے کو فروغ دینے کی ایک اہم کوشش کی نشاندہی کی۔ ڈیلوئٹ، پی ڈبلیو سی، پرائمس پارٹنرز، کے پی ایم جی، کیو سی آئی اور ای وائی سمیت سرکردہ تنظیموں کے 15 ڈومین ماہرین اور ممتاز نمائندوں نے انتظامی اصلاحات اور عوامی شکایات کے محکمے (ڈی اے آر پی جی) کے افسران کے ساتھ اجلاس میں شرکت کی۔

انتظامی اصلاحات اور عوامی شکایات کے محکمے (ڈی اے آر پی جی) کے سکریٹری جناب وی سرینواس نے سیاق و سباق طے کرتے ہوئے بحث کا آغاز کیا۔ انہوں نے بتایا کہ کس طرح گزشتہ چند سالوں میں پورے ملک میں ای-خدمات کی فراہمی کا افق وسیع ہوا ہے، جس میں ریاستوں اور مرکز کے زیر انتظام علاقوں کی طرف سے این ای ایس ڈی اے وے فارورڈ نومبر، 2023 کی رپورٹ میں 1574 لازمی ای-خدمات کی ترسیل کی اطلاع دی گئی ہے، جبکہ این ای ایس ڈی اے 2019 کی رپورٹ میں صرف 872 خدمات کی اطلاع دی گئی ہے۔ . مزید برآں نومبر 2023 میں این ای ایس ڈی اے وے فارورڈ میں کل 16088 ای خدمات کی اطلاع دی جا رہی ہے جو کہ اپریل 2023 میں 11,614 تھی۔ انہوں نے اس بات پر روشنی ڈالی کہ کس طرح ریاستوں اور مرکز کے زیر انتظام علاقے نے خدمات کی فراہمی کی توجہ کو یکساں سروس پورٹلز پر منتقل کیا ہے تاکہ ای-خدمات حاصل کرنے کے لیے واحد مرکز ہو۔ متعدد ریاستوں نے پہلے ہی اس پیمانے پر 100 فیصد کامیابی حاصل کر لی ہے۔

اس کے بعد ای-گورننس حکمت عملی ڈومین کے شعبے کے ماہرین نے کامیابیوں، ابھرتے ہوئے منظر نامے اور ای گورننس اور ای کامرس کی مستقبل کی سمت، بشمول ابھرتی ہوئی ٹیکنالوجیز پر روشنی ڈالی، اور کچھ عالمی بہترین طور طریقوں کے مطالعات کا اشتراک کیا۔

صنعتی شعبے کے رہنماؤں نے کئی اہم موضوعات پر بات کی۔ جناب سنتوش مشرا، پارٹنر، پی ڈبلیو سی نے اس بات پر تبادلہ خیال کیا کہ ای-سروسز کو جین اے آئی کے استعمال کے ذریعے اور ذمہ دار اے آئی فریم ورک کی تعمیر کے ذریعے شامل ہونا چاہیے۔ جناب این ایس این مورتی، پارٹنر، ڈیلوئٹ نے تبادلہ خیال کیا کہ کس طرح جین اے آئی ذاتی نوعیت کے تجربے، ترسیل کو بہتر بنانے، اختراعی حل کے ذریعے فیصلہ سازی کو بااختیار بنا سکتا ہے۔ جناب نیلیا ورما، سی ای او، پرائمس پارٹنرز نے بتایا کہ مؤثر سروس ڈیلیوری کی کلید صرف ٹیکنالوجی پر نہیں بلکہ سروس پر توجہ مرکوز کرنا ہے۔ انہوں نے اس بات پر زور دیا کہ سروس ڈیلیوری کے لیے ایک یونٹ کے طور پر شہری شناخت کا انتظام اور خاندان - ڈیٹا مینجمنٹ، سروس گارنٹی اور صارف کی رازداری کو برقرار رکھنے کے علاوہ بہت بہتر نتائج حاصل کر سکتے ہیں۔ جناب چندن کے سنگھ اور سبھدیپ بسواس کی کے پی ایم جی ٹیم نے زور دیا کہ جین اے آئی پبلک سیکٹر میں خدمات کی فراہمی کے مستقبل کی قیادت کرے گا۔ انہوں نے مستقبل میں متوقع اےآئی  راستے پر تبادلہ خیال کیا، بشمول ابھرتے ہوئے رجحانات اور ان چیلنجوں پر جن سے حکومتوں کو اے آئی کے حوالے سے نمٹنا پڑے گا۔ جناب آر این شکلا، سینئر ڈائریکٹر،کیو سی آئی، نے ای کامرس سیکٹر کے بارے میں تبادلہ خیال کیا اور لائف سائیکل اپروچ پر مبنی ایک مربوط سروس ڈیلیوری پلیٹ فارم بنانے پر توجہ دی۔ ای وائی سے جناب انوراگ دوا نے اطلاعاتی معیاری ضوابط پر روشنی ڈالی اور کہا کہ اخراجات کا فریم ورک بناکر معاشی ترقی اور نتائج پر توجہ مرکوز کرنے کی ضرورت ہے۔

جناب وی سرینواس، سکریٹری، انتظامی اصلاحات اور عوامی شکایات کے محکمے (ڈی اے آر پی جی) نے اجلاس کا اختتام آگے کا راستہ طے کرنے کے لئے درج ذیل امور پر توجہ مرکوز کرتے ہوئے کیا:

• خدمات کی فراہمی کو آسان بنانے کے لیے ہمہ گیر چہرے کی تصدیق کے عمل کو فروغ دینا
• ای گورننس کے اقدامات میں بھاشینی، سروس پلس وغیرہ کو شامل کرنا
• لازمی ای سروسز کو 160 سے زیادہ کرنے کی بے پناہ صلاحیت
• ای-آفس کے تجزیات اور سائبر سکیورٹی اقدامات پر توجہ
• شکایت کے ازالے میں اے آئی کا استعمال
• ٹیکنالوجی کے استعمال کے ذریعے ایک یونٹ کے طور پر خاندانوں تک پہنچنا
• ای کامرس کے اقدامات کی طرف جائیں
• بہترین طور طریقوں کو پھیلانے کے لیے میڈیا کی مضبوط رسائی
• ریاست / مرکز کے زیر انتظام حکومت کے ساتھ تعاون
• جین اے أئی کے اچھے طور طریقوں کو مزید سیکھنے اور پھیلانے کے لیے ہیکاتھون کی ضرورت ہے۔

اس اجلاس نے بہترین طور طریقوں، کامیابی کی کہانیوں اور انتظامی اصلاحات کے حصول اور ڈیجیٹل تبدیلی کے منظر نامے کی تشکیل میں سیکھے گئے اسباق کو مشترک کرنے کے لیے ایک پلیٹ فارم کے طور پر کام کیا۔

۔۔۔۔۔۔۔۔۔۔۔

ش ح۔ م ع۔ع ن

(U: 3287)