নোর্থ ইস্তর্ন রিজনেল এগ্রিকলচরেল মার্কেতিং কোর্পোরেসন লিমিতেদ (নেরামাক) দিভেলপমেন্ত ওফ নোর্থ ইস্তর্ন রিজন মন্ত্রালয়গী মখাদা লৈবা পি.এস.য়ু. অমনি‍। মসিনা লমদমসিগী লৌমীশিং/ পোত্থোক পুথোক্লিবশিংদা মখোয়গী পোত্থোকশিংগী শেন্দোং লৈবা মমল ফংহন্নবা, লোয়ননা লমদমসিদা লৌউ-শিংগী থবক থৌরমশিং, পোৎ লৌবা, প্রোসেসিং অমদি মার্কেতিংগী ইনফ্রাস্ত্রকচর হেনগৎহন্নবা মতেঙ পীরি‍।

নেরামাক্না ইং ২০২৩দা মাগী অমব্রেলা ব্রান্দ ‘এন.ই. ফ্রেস’কী মখাদা কিহোম, এভোকেদো, চাকহাউ, কাজু, ইলাইচি অচৌবা, উশিংশা, অমদি কালা মির্চনচিংবা পোত্থোক এম.তি. ১৪০ হেন্না লৌখি‍। মসিনা তগৎ তগৎ তেকপা কিহোম অমদি অতৈ মনা মশিংশিংগী কৈথেলগী মরীশু ফংহনখি‍। নেরামাক্তা রিতেল সেগমেন্ততা পোত্থোক ১৩০+ গী পোলাং লৈ‍। লমদমসিগী ওন্ত্রপ্রিন্যুর/ এম.এস.এম.ই. ৩০ রোম্না মখোয়গী প্রোসেস তৌরবা পোত্থোকশিং ব্রান্দিং অমদি মার্কেতিং তৌনবগীদমক নেরামাক্কা খুৎশম্ননা চৎমিন্নখ‍ি‍। রিতেল পোত্থোকশিং কমখ্যা অমদি দিমাপুর রেলৱে স্তেসনশিংদা লৈবা ৱন স্তেসন ৱন প্রদক্ত (ও.এস.ও.পি.) স্তোল অনি য়াওনা ময়োল্লম তরেত্তা লৈবা নেরামাক্কী স্তোল/ রিতেল আউতলেৎ ১২গী খুত্থাঙদা য়োল্লি‍।

জি.আই. তেগ তৌরবা পোত্থোকশিং য়োন্নবগীদমক নেরামাক্না ‘নেরামাক প্রিমিয়ম’ কৌবা ব্রান্দ অমসু হৌদোকখি‍। চহি অসিগী মনুংদা নেরামাক্না জি.আই. রেজিস্তর তৌরবা এগ্রি-হোর্তি পোত্থোক ১৩ মক্কী ওইনা এন.ই.আর.গী লৌমী ১৩০৮গী য়ুজর ওথোরাইজেসন রেজিস্ত্রেসন তৌবদা মতেঙ পাংখি‍। মসিনা অৱাং নোংপোক লমদমদা এগ্রি-হোর্তি সেক্তর চাওখৎহন্নবগী মশক থোকপা পন্দোল অমা ওইরি‍।

ভারত লৈঙাক্কী লৌউ-শিংউ অমদি লৌমীশিংগী য়াইফ-থৌরাং মন্ত্রালয়গী “ফোর্মেসন এন্দ প্রমোসন ওফ ১০,০০০ ফার্মর প্রদুসর ওর্গনাইজেসন্স (এফ.পি.ও.)” স্কীমগী মখাদা এন.ই.আর. শিনবা থুংনা লৌমী ১৫,৫০০ কোনশিন্দুনা এফ.পি.ও. ২০৫ শেমখ্রে‍।

নেরামাক্না থৌরম ১৭ শরুক য়াখি/শিন লাংখি অমদি লৌমী/ ওন্ত্রপ্রিন্যুর ২০০০ রোম কোনশিনখি‍। চহিসিদা, অগরতলাদা নেরামাক্কী কেসিউ প্রোসেসিং প্লান্ত (সি.পি.পি.) অমুক হিঙ্গৎহনখি অমদি এন.ই.সি.গী ফন্দগী তেঙবাংগা লোয়ননা থবক তৌবা হৌখি অমদি মেঘালয়গী বিরনিহাত্তা লৈবা ইন্তিগ্রেতেদ জিঞ্জর প্রোসেসিং প্লান্ত (আই.জি.পি.পি.) পি.পি.পি. মোদতা হিঙ্গৎহনখি‍।

নোর্ত ইস্ত কেন এন্দ বেম্বু দিভেলপমেন্ত কাউন্সি, (এন.ই.সি.বি.দি.সি.)না লৌমী ৭৫০ শীজিন্নদুনা অসামগী দিস্ত্রক্ত অহুমদা লম হেক্তর ৯০০দা পাম্বী চারা লাখ ৩.৩০ মপুং থানা থাখি‍।

কেপাসিতী বিল্দিং, স্কিল অপগ্রেদ তৌবা অমদি ত্রেনিং পাঙথোকপনা এন.ই.সি.বি.দি.সি.গী মপুং ওইবা থবক থৌরমশিংনি‍। মতম অসিদা, এন.ই.সি.বি.দি.সি.না ত্রেনিং/ স্কিল দিভেলপমেন্ত ত্রেনিং প্রোগ্রাম ২১ পাঙথোকখি অমদি মীওই ৪৬৩ হেনবদা লী অমদি ৱাগী ত্রেনিং পীখি‍।

ভারত লৈঙাক্কী দোনর মন্ত্রালয়গী নোর্থ ইস্তর্ন কাউন্সিল (এন.ই.সি.)না শেল থাদবা নগালেন্দগী দিমাপুরগী সোভিমা খুঙ্গংদা শেমগৎপা বেম্বু বেজ ক্রাফ্ত কন্সেন্ত্রেসন সেন্তর (প্রোজেক্ত শেঞ্জং লুপা লাখ ৪৪৮.৪৬) শাবা লোইখ্রে অমদি নবেম্বর ২২, ২০২৩দা মীওই কয়া য়াওবা থৌরম অমদা নগালেন্দগী মুখ্য মন্ত্রী শ্রী নৈফিউ রিওনা শঙ্গাখ্রে‍। সেন্তর অসিনা নগালেন্দগী হান্নদগী চৎনরকপা অমদি মতমসিগী ওইবা হেন্দলুম অমদি হেন্দিক্রাফ্তশিংবু লমদমসিগী অমদি মালেমগী কৈথেলগীদমক শেমগৎ শাগৎপদা মীৎয়েঙ থমগনি‍।

অসাম অমদি মনিপুরগী এন.ই.সি.বি.দি.সি. ক্লস্তরশিংগী খুৎহৈবশিংদা শিনফমগী হেল্থ সেফ্তী কিত ১১৫ রোমসু য়েন্থোকখি‍।

*****