وزیر اعظم جناب نریندر مودی نے آج لکشدیپ کے کاوارتی میں 1150 کروڑ روپے سے زیادہ کے ترقیاتی پروجیکٹوں کا افتتاح کیا، قوم کو وقف کیا اور ان کا سنگ بنیاد رکھا۔ آج کے ترقیاتی منصوبے ٹیکنالوجی، توانائی، آبی وسائل، صحت کی دیکھ بھال اور تعلیم سمیت مختلف شعبوں کا احاطہ کرتے ہیں۔ وزیر اعظم نے لیپ ٹاپ اسکیم کے تحت طلباء کو لیپ ٹاپ دیئے اور بیٹی بچاؤ بیٹی پڑھاؤ کے تحت اسکولی طلباء کو سائیکلیں دیں۔ انہوں نے کسانوں اور ماہی گیرمستفیدین  کو  پی ایم کسان کریڈٹ کارڈ بھی دئیے۔

اس موقع  پر  ایک اجتماع سے خطاب کرتے ہوئے، وزیر اعظم نے کہا کہ  لکشدیپ کی خوبصورتی  بیان سے باہر ہے اور  اور انہوں نے شہریوں سے ملنے کے لیے اگاتی، بنگارام اور کاوارتی کا دورہ کرنے کا ذکر کیا۔ ‘‘اگرچہ لکشدیپ کا جغرافیائی رقبہ چھوٹا ہے، لیکن لوگوں کے دل سمندر کی طرح گہرے ہیں’’،  پرجوش وزیر اعظم نے ان کی موجودگی پر شکریہ ادا کرتے ہوئے  یہ بات کہی ۔

وزیراعظم نے دور دراز، سرحدی یا ساحلی اور جزیرہ نما علاقوں کو طویل عرصے تک نظر انداز کرنے کا عندیہ دیا۔ انہوں نے کہا کہ ‘‘ہماری حکومت نے اب  ایسے علاقوں کو اپنی ترجیحات میں شامل کیا ہے’’۔ انہوں نے علاقے کے لوگوں کو  بنیادی ڈھانچہ ، کنکٹویٹی ، پانی، صحت اور بچوں کی دیکھ بھال سے متعلق منصوبوں کے لیے مبارکباد دی۔

وزیر اعظم نے لکشدیپ کی ترقی کے لیے حکومت کی کوششوں پر روشنی ڈالی اور پی ایم آواس یوجنا (گرامین) کی  100فیصد عمل آوری کے حصول ہر  استفادہ کنندہ کو مفت راشن دستیاب کرائے جانے، پی ایم کسان کریڈٹ کارڈ اور آیوشمان کارڈ کی تقسیم، اور ترقی کے علاوہ  آیوشمان آروگیہ مندر ہیلتھ اینڈ ویلنس سنٹرکے بارے میں بھی بتایا۔ وزیراعظم نے کہا کہ ‘‘مرکزی حکومت تمام سرکاری اسکیموں کو ہر مستفید کنندہ تک پہنچانے کی کوشش کرتی ہے’’،   براہ راست بینیفٹ ٹرانسفر کے ذریعے مستحقین کو رقم کی تقسیم کے دوران حاصل ہونے والی شفافیت کا ذکر کرتے ہوئے، وزیر اعظم نے کہا کہ اس سے بدعنوانی پر کافی حد تک قابو پایا گیا ہے۔ انہوں نے لکشدیپ کے لوگوں کو یقین دلایا کہ ان کے حقوق چھیننے کی کوشش کرنے والوں کو کسی بھی قیمت پر بخشا نہیں جائے گا۔

وزیر اعظم نے 2020 میں 1000 دنوں کے اندر تیز انٹرنیٹ کو یقینی بنانے کے بارے میں ان کی طرف سے دی گئی گارنٹی کو یاد کیا۔ کوچی-لکشدیپ جزائر سب میرین آپٹیکل فائبر کنکشن (کے ایل آئی ایس او ایف سی  ) پروجیکٹ کو آج لوگوں کے لیے وقف کیا گیا ہے اور یہ لکشدیپ کے لوگوں کے لیے 100 گنا تیز انٹرنیٹ کو یقینی بنائے گا۔ اس سے سرکاری خدمات، طبی علاج، تعلیم اور ڈیجیٹل بینکنگ جیسی سہولیات میں بہتری آئے گی۔ انہوں نے مزید کہا کہ لکشدیپ کو لاجسٹک ہب کے طور پر ترقی دینے کی صلاحیت کو اس سے تقویت ملے گی۔ کدمت میں کم درجہ حرارت والے  تھرمل ڈی سیلینیشن (ایل ٹی ٹی ڈی ) پلانٹ کا حوالہ دیتے ہوئے وزیراعظم نریندر  مودی نے کہا کہ لکشدیپ میں ہر گھر کو پائپ سے پانی فراہم کرنے کا کام تیزی سے آگے بڑھ رہا ہے۔

وزیر اعظم مودی نے لکشدیپ پہنچنے پر معروف ماہر ماحولیات جناب علی مانیک فان کے ساتھ اپنی بات چیت کے بارے میں بات کی اور لکشدیپ جزیرے کے تحفظ کے لیے ان کی تحقیق اور اختراع پر روشنی ڈالی۔ انہوں نے سال 2021 میں  جناب علی مانیکفان کو پدم شری سے نوازنے پر موجودہ حکومت کے تئیں بے حد اطمینان کا اظہار کیا۔ وزیر اعظم نے اس بات پر زور دیا کہ مرکزی حکومت لکشدیپ کے نوجوانوں کی اختراع اور تعلیم کی راہ ہموار کر رہی ہے انہوں نے آج طلبا کو  لیپ ٹاپ  اور سائیکلیں  دینے کا ذکر کیا۔ وزیر اعظم نے پچھلے سالوں میں لکشدیپ میں کسی بھی اعلیٰ تعلیمی ادارے کی عدم موجودگی کی نشاندہی کی جس کی وجہ سے نوجوانوں کی جزیروں سے نقل مکانی ہوئی۔ اعلیٰ تعلیم کے ادارے کھولنے کی سمت میں اٹھائے گئے اقدامات کے بارے میں جانکاری دیتے ہوئے جناب مودی نے اینڈروٹ اور کدمت جزیروں میں آرٹس اور سائنس کے تعلیمی اداروں اور منی کوئے میں پولی ٹیکنک انسٹی ٹیوٹ کی شروعات کا ذکر کیا انہوں نے مزید کہا  ‘‘اس سے لکشدیپ کے نوجوانوں کو بہت فائدہ ہو رہا ہے’’۔

پی ایم مودی نے حج یاتریوں کے لیے اٹھائے گئے اقدامات کا ذکر کیا جس سے لکشدیپ کے لوگوں کو بھی فائدہ پہنچا ہے۔ انہوں نے حج ویزا میں آسانی اور ویزا کے عمل کو ڈیجیٹلائز کرنے اور خواتین کے لیے بغیر محرم کے حج پر جانے کی اجازت  کے بارے میں بھی ذکر کیا۔ انہوں نے کہا کہ ان کوششوں کی وجہ سے عمرہ کے لیے جانے والے ہندوستانیوں کی تعداد میں نمایاں اضافہ ہوا ہے۔

وزیر اعظم نے سمندری غذا کی عالمی منڈی میں اپنا تعاون  بڑھانے کے لیے ہندوستان کی کوششوں کواجاگر  کیا۔ جس سے لکشدیپ کو فائدہ ہوا کیونکہ مقامی ٹونا مچھلی جاپان کو برآمد کی جا رہی ہے۔ وزیر اعظم  مودی نے برآمدی معیاری مقامی مچھلی کے امکانات پر زور دیا جو ماہی گیروں کی زندگیوں کو بدل سکتی ہے۔ انہوں نے سمندری سواروں کی کاشت کاری کے امکانات کی تلاش کے بارے میں بھی بتایا۔ انہوں نے علاقے کے نازک ماحولیات کے تحفظ پر زور دیا اور کہا کہ کاوارتی میں شمسی توانائی کا پلانٹ، جو لکشدیپ کا پہلا بیٹری سے چلنے والا شمسی توانائی کا منصوبہ ہے، اس طرح کے اقدامات کا حصہ ہیں۔

آزادی کے امرت کال میں ہندوستان کو ایک ترقی یافتہ ملک بنانے میں لکشدیپ کے کردار پر روشنی ڈالتے ہوئے، وزیر اعظم نے مرکز کے زیر انتظام علاقے کو بین الاقوامی سیاحتی نقشے پر شامل کرنے کی حکومت کی کوششوں کا ذکر کیا۔ انہوں نے کہا کہ لکشدیپ کو یہاں حال ہی میں ختم ہونے والی جی 20 میٹنگ کا حوالہ دیتے ہوئے بین الاقوامی سطح پر پہچان ملی ہے۔ سودیش درشن اسکیم کے تحت وزیر اعظم نے یہ اطلاع دی۔

وزیر اعظم نے بتایا کہ لکشدیپ کی منزل کے لیے مخصوص ماسٹر پلان تیار کیا جا رہا ہے۔ انہوں نے کہا کہ لکشدیپ میں دو نیلے جھنڈے والے ساحل ہیں اور انہوں نے کدمت اور سوہیلی جزیروں پر واٹر ولا پراجیکٹس کی ترقی کا ذکر کیا۔ وزیراعظم مودی نے کہا کہ لکش دیپ کروز سیاحت کے لیے ایک اہم مقام بن رہا ہے،  انہوں نے بتایا کہ سیاحوں کی آمد میں پانچ سال پہلے کے مقابلے پانچ گنا اضافہ ہوا ہے۔ وزیر اعظم  مودی نے ہندوستان کے شہریوں کو بیرون ملک جانے کا فیصلہ کرنے سے پہلے ملک میں کم از کم پندرہ مقامات کا دورہ کرنے کی اپنی واضح اپیل کا اعادہ کیا۔ انہوں نے ان لوگوں پر بھی زور دیا جو غیر ملکی سرزمین پر جزیرے والے ممالک کا دورہ کرنا چاہتے ہیں کہ وہ لکشدیپ کا دورہ کریں۔ انہوں نے مزید کہا کہ ‘‘ایک بار جب آپ لکشدیپ کی خوبصورتی کا مشاہدہ کریں گے، تو دنیا کے دیگر مقامات انہیں پھیکے نظر آئیں گے۔’’

وزیر اعظم نے لکشدیپ کے لوگوں کو یقین دلایا کہ مرکزی حکومت ان کے رہنے کی آسانی، سفر میں آسانی اور کاروبار کرنے میں آسانی کو یقینی بنانے کے لیے ہر ممکن قدم اٹھاتی رہے گی۔ وزیر اعظم نے  یہ  بات کہہ کر اپنی بات مکمل کی کہ لکشدیپ ایک وکست  بھارت کی تشکیل میں ایک مضبوط کردار ادا کرے گا۔

اس موقع پر لکشدیپ کے لیفٹیننٹ گورنر جناب پرفل پٹیل بھی موجود تھے۔

پس منظر

ایک تبدیلی کے اقدام میں، وزیر اعظم نے کوچی-لکشدیپ جزائر سب میرین آپٹیکل فائبر کنکشن (کے ایل آئی –ایس اوایف سی) پروجیکٹ شروع کرکے لکشدیپ میں انٹرنیٹ کی رفتار کی سست رفتار کے چیلنج پر قابو پانے کا عزم کیا تھا جس کا اعلان 2020 میں لال قلعہ میں یوم آزادی کی تقریر کے دوران کیا گیا تھا۔ یہ منصوبہ اب مکمل ہو چکا ہے اور اس کا افتتاح وزیر اعظم نے کیا۔ اس سے انٹرنیٹ کی رفتار 100 گنا سے زیادہ بڑھ جائے گی (1.7 جی  بی پی ایس سے 200 جی بی پی ایس تک)۔ آزادی کے بعد پہلی بار لکشدیپ کو سب میرین آپٹک فائبر کیبل کے ذریعے جوڑا جائے گا۔ وقف شدہ آبدوز اوایف سی لکشدیپ جزائر میں مواصلاتی بنیادی ڈھانچے میں ایک مثالی تبدیلی کو یقینی بنائے گی، تیز اور زیادہ قابل اعتماد انٹرنیٹ خدمات، ٹیلی میڈیسن، ای گورننس، تعلیمی اقدامات، ڈیجیٹل بینکنگ، ڈیجیٹل کرنسی کا استعمال، ڈیجیٹل خواندگی وغیرہ کو قابل بنائے گی۔

وزیراعظم نے کدمت میں  کم درجہ حرارت والے تھرمل ڈی سیلینیشن (ایل ٹی ٹی ڈی ) پلانٹ قوم کے نام وقف کیا۔ اس سے روزانہ 1.5 لاکھ لیٹر پینے کا صاف پانی فراہم ہوگا۔ وزیر اعظم نے اگاتی اور منیکوئے جزیروں کے تمام گھرانوں میں فنکشنل ہاؤس ہولڈ ٹیپ کنیکشن (ایف ایچ  ٹی سی ) کو بھی قوم کے نام وقف کیا۔ لکشدیپ کے جزیروں میں پینے کے پانی کی دستیابی ہمیشہ ایک چیلنج رہی کیوں کہ ایک مرجان جزیرہ ہونے کی وجہ سے اس میں زمینی پانی کی دستیابی کم سے کم ہے۔ یہ پینے کے منصوبے جزائر کی سیاحتی صلاحیت کو مضبوط بنانے میں بھی مدد کریں گے، جس سے مقامی روزگار کے مواقع بڑھیں گے۔

دوسرے پروجیکٹ جو قوم کے لیے وقف کئے گئے  ہیں ان میں کاواراتی میں سولر پاور پلانٹ  بھی شامل ہے، جو لکشدیپ کا پہلا بیٹری سے چلنے والا شمسی بجلی پروجیکٹ ہے۔ یہ ڈیزل پر مبنی پاور جنریشن پلانٹ، نئے انتظامی بلاک اور کاواراتی میں انڈیا ریزرو بٹالین (آئی آر بی این ) کمپلیکس میں 80 مین بیرک پر انحصار کم کرنے میں مدد کرے گا۔

وزیر اعظم نے کلپینی میں بنیادی صحت کی دیکھ بھال کی سہولت کی تزئین و آرائش اور پانچ جزیروں اندروتھ، چیتلٹ، کدمت، اگاتی اور منیکوئے میں پانچ ماڈل آنگن واڑی مراکز (نند گھر) کی تعمیر کا سنگ بنیاد رکھا۔

********

  ش ح۔ ح ا۔رم

U-3207