مورارجی دیسائی نیشنل انسٹی ٹیوٹ آف یوگا (ایم ڈی این آئی وائی)، آیوش کی وزارت نے آج یکم  جنوری کو ایم ڈی این آئی وائی میں بڑے پیمانے پر سوریہ نمسکار کے مظاہرے کا اہتمام کیا، جس نے زندگی کے مختلف شعبوں سے تعلق رکھنے والے سینکڑوں یوگا کے شائقین کو  اپنی  طرف راغب کیا۔

اس تقریب میں جناب  ستیہ جیت پال، ڈپٹی ڈائرکٹر جنرل، آیوش وزارت کے ساتھ محترمہ  وجے لکشمی بھردواج، ڈائریکٹر، ایم ڈی این آئی وائی موجود تھیں۔ سینئر افسران، عملہ، ایم ڈی این آئی وائی کے طلباء اور یوگا کے شوقین افراد نے بھی پروگرام میں شرکت کی۔

سوریہ نمسکار ایک روحانی مشق ہے، جس میں آسن، پرانایام اور مراقبہ کی تکنیک شامل ہیں۔ سوریہ نمسکار کے ہر قدم کا اپنا منتر ہوتا ہے اور اس کا جسم کی اہم توانائی (پران) پر براہ راست اہم اثر پڑتا ہے۔ سوریہ نمسکار کی باقاعدہ مشق ذہنی اور جسمانی دونوں شعبوں میں توانائی کے متوازن نظام کی طرف لے جاتی ہے۔ یہ ترتیب ارتکاز اور دماغ کے سکون کو فروغ دینے کے علاوہ پٹھوں اور اعضاء کو متحرک کرتی ہے۔

یہ سوریہ نمسکار کا اجتماعی مظاہرہ 1 سے 14 جنوری 2023 تک(مکر سکرانتی کے دن سورج کے جنوبی سے شمالی نصف کرہ تک کے سفر کی یاد میں) وزارت آیوش کی طرف سے ہندوستان بھر میں سورج کے مختلف مندروں پر  منعقد کیے جانے والے پروگراموں کے سلسلے کا حصہ ہے۔

ایک ساتھ 108 مقامات پر منعقد ہونے والے کامیاب پروگرام کے بعد اور گجرات میں سوریہ نمسکاروں کے لیے گنیز ورلڈ ریکارڈ حاصل کرنے کے بعد؛ ایم ڈی این آئی وائی نے تسلسل کے لیے اس سیریز کے دوسرے ایونٹ کی میزبانی کی۔

سوریہ نمسکار 8 آسنوں کا ایک مجموعہ ہے جو جسم اور دماغ کے تال میل کے ساتھ 12 مراحل میں انجام دیا جاتا ہے۔ یہ ترجیحی طور پر صبح سویرے (سورج طلوع)کے وقت کیا جاتا ہے۔

ایم ڈی این آئی وائی کے ماحول میں 500 سے زیادہ یوگا سادھکوں نے سوریہ نمسکار کا مظاہرہ کیا۔ پروگرام کا احاطہ دوردرشن نے کیا اور آیوش اور ایم ڈی این آئی وائی کی وزارت کے مختلف سوشل میڈیا پلیٹ فارمز کے ذریعے بھی نشر کیا گیا۔

************

ش ح۔ ا ک ۔  ر ب

 (U: 3181)