য়ুমলৈ-কৈরৈ মন্ত্রালয়

ঙসি নিউ দিল্লিদা, য়ুনিয়ন হোম মিনিস্তর অমসুং য়ুনিয়ন কোপরেসন মিনিস্তর শ্রী অমিত সাহ শরুক য়াদুনা, ভারত সরকার, অসাম সরকার অমসুং য়ুনাইতেদ লিবরেসন ফ্রন্ত ওফ অসাম(উলফা)গী মরক্তা মেমোরেন্দম ওফ সেত্তলমেন্ত অমা খুৎয়েক পীনখ্রে


এগ্রিমেন্ত অসি প্রধান মন্ত্রী শ্রী নরেন্দ্র মোদীগী শান্তি, নুংঙাইবা অমসুং লালহৌবগী ইরাং লৈতবা অৱাং-নোংপোক অমা ওইহন্নবা অমসুং তুংকোইবা শান্তি, নুংঙাই-য়াইফবা পুরক্নবা অমসুং অসাম হিরম খুদিংমক্তা চাউখৎনবা পান্দমগী শিংথানিঙাই ওইবা মাইপাক অমনি

হোম মিনিস্তরনা হায়খি হৌখিবা চহি ৫ দা খুৎয়েক পীনখিবা য়ানচে খুদিংমক মোদী সরকারনা য়ানখিবা মতমদগী ঙনখৎনা থবক ওইনা পাংথোক্লে অমসুং ফিবম খুদিংমক্তা থবক ওইনা পাংথোক্নবা হোৎনরি, মসি লালহৌবগী ইরাং লৈতবা অৱাং-নোংপোক্কী প্রধান মন্ত্রীগী অশানবা মীৎয়েং য়াওদনা ওইথোক্লোই

প্রধান মন্ত্রী মোদীগী লমজিং মখাদা, লালহৌবগী ইরাং, হিংশা অমসুং মুক্নবা লৈতবা অৱাং-নোংপোক অমগী পান্দমগা লোয়ননা হোম এফেয়ার্স মিনিস্ত্রিনা থবক পায়খৎলে

হৌখিবা চহি ৫দা, অৱাং-নোংপোক্কী তোঙান-তোঙানবা রাজ্যশিংগা লোয়ননা শান্তি অমসুং ঙমখৈগা মরী লৈনবা য়ানচে ৯ খুৎয়েক পীনখ্রে, য়ানচেশিং অদুনা অৱাং-নোংপোক্কী অয়াম্বা শরুক শান্তি পুরক্লে

উলফাগী মুক্নবদা, নাকল অনিমক্কী মীওই লিশিং ১০ রোম হাৎখ্রে, মখোয় লৈবাক অসিগী নাগরিকশিংনি, অদুবু ঙসিদি মসিগী ৱাথোক অসি মপুংফানা ৱারোইশিন পুরক্লে

২০১৪দা মোদী সরকার শেম্লবা মতুংদা, অসামদা হিংশাগী থৌদোকশিং চাদা ৮৭, শিবা চাদা ৯০ অমসুং মীফা-মীপুন চাদা ৮৪ হন্থরে

হৌজিক ফাওবদা অসাম মথন্থদা কেদর ৭৫০০ চঙজখ্রে, মসি ঙসিগী ৭৫০ অসিগী মথক্তনি, অসাম মথন্থদা কেদর ৮২০০ হেন্না চঙজরকপা অসি শান্তিগী অনৌবা যুগ অমা হৌরকপনি

উলফানা পাম্লিবশিং ফংহন্নবা ভারত সরকারগী হোম এফেয়ার্স মিনিস্ত্রিনা অকক্নবা মতমগী মনুংদা থবক পায়খৎকনি অমসুং মসি য়েংশিন্নবা কম্মিতি অমসু শেমগনি

হিরম খুদিংমক্তা অসাম চাউখৎনবা ভারত সরকারনা অচৌবা পেকেজ অমা অমসুং অচৌবা প্রোজেক কয়া পীবা হায়না য়ানরে, য়ানচেগী ৱারোল খুদিংমক মোদী সরকারনা থবক ওইনা পাংথোক্কনি

Posted On: 29 DEC 2023 7:20PM by PIB Imphal

ঙসি নিউ দিল্লিদা, য়ুনিয়ন হোম মিনিস্তর অমসুং য়ুনিয়ন কোপরেসন মিনিস্তর শ্রী অমিত সাহ শরুক য়াদুনা, ভারত সরকার, অসাম সরকার অমসুং য়ুনাইতেদ লিবরেসন ফ্রন্ত ওফ অসাম(উলফা)গী মরক্তা মেমোরেন্দম ওফ সেত্তলমেন্ত অমা খুৎয়েক পীনখ্রে। এগ্রিমেন্ত অসি প্রধান মন্ত্রী শ্রী নরেন্দ্র মোদীগী শান্তি, নুংঙাইবা অমসুং লালহৌবগী ইরাং লৈতবা অৱাং-নোংপোক অমা ওইহন্নবা অমসুং তুংকোইবা শান্তি, নুংঙাই-য়াইফবা পুরক্নবা অমসুং অসাম হিরম খুদিংমক্তা চাউখৎনবা পান্দমগী শিংথানিঙাই ওইবা মাইপাক অমনি। য়ানচে খুৎয়েক পীনবা থৌরম অদুদা অসামগী চীফ মিনিস্তর দোক্তর হিমান্তা বিশ্বা শর্মা অমসুং হোম এফেয়ার্স মিনিস্ত্রি অমসুং অসাম সরকারগী সেনিয়র ওফিসিএলশিং শরুক য়াখি।

থৌরম অদুদা শ্রী অমিত সাহনা হায়খি মতম শাংনা হিংশাগী চৈথেং ফংদুনা লাক্লবা অৱাং-নোংপোক অমসুং অসামদা শান্তি লৈরগদবা মরম্না ঙসি অসামগী সনাগী নুমিৎ অমনি। ২০১৪ দা শ্রী নরেন্দ্র মোদীনা প্রধান মন্ত্রী ওইরবা মতুংদা, দিল্লি অমসুং অৱাং-নোংপোক্কী মরক্তা লৈরিবা অহোবা মেনশিন্নবা থবকশিং পায়খৎলে অমসুং পুকচেল শেংনা মীওই খুদিংমক্কা ৱারি শানবা হৌরে। প্রধান মন্ত্রী মোদীগী লমজিং মখাদা, লালহৌবগী ইরাং, হিংশা অমসুং মুক্নবা লৈতবা অৱাং-নোংপোক অমগী পান্দমগা লোয়ননা হোম এফেয়ার্স মিনিস্ত্রিনা থবক পায়খৎলে। হৌখিবা চহি ৫দা, অৱাং-নোংপোক্কী তোঙান-তোঙানবা রাজ্যশিংগা লোয়ননা শান্তি অমসুং ঙমখৈগা মরী লৈনবা য়ানচে ৯ খুৎয়েক পীনখ্রে, য়ানচেশিং অদুনা অৱাং-নোংপোক্কী অয়াম্বা শরুক শান্তি পুরক্লে।

য়ুনিয়ন হোম মিনিস্তরনা হায়খি রেকোর্দ ওইনা কেদর ৯০০ চঙজখ্রে অমসুং অসামগী লমগী চাদা ৮৫ দগী অফস্পা লৌথোক্লে। ভারত সরকার, অসাম সরকার অমসুং উলফাগী মরক্তা ঙসি খুৎয়েক পীনখিবা নাকল অহুমগী য়ানচে অসিনা মরম ওইদুনা, অসামদা হিংশা চৎথবা লুপ খুদিংমক মুৎথৎপদা মোদী সরকার মাইপাক্লে। ঙসিগী য়ানচে অসি অসাম অমসুং অৱাং-নোংপোক শীনবা থুংনা শান্তি পুরক্নবা য়াম্না মরুওইবনি। ঙসিগী য়ানচে অসিগী মখাদা, হিংশাগী থবক থাদোকপা, মখোয়গী খুৎলায়শিং অমসুং মরুশিং থাদোকপা অমসুং মখোয়গী খুৎলায় পায়বা লুপ থিংবা হায়না উলফাগী মীহুৎশিনা য়ারে। মসিগী মথক্তা, মখোয়গী কেদরশিংনা শীজিন্নরিবা কেম্প খুদিংমক থাদোকপা অমসুং লৈবাক অসিগী আইন অমসুং অপুনবগী শক্তম ঙাক্না শান্তি ওইবা গনতন্ত্রিক ওইবা থবকশিং পাংথোকপা হায়না উলফানা য়ারে।

শ্রী অমিত সাহনা হায়খি উলফাগী মুক্নবদা, নাকল অনিমক্কী মীওই লিশিং ১০ রোম হাৎখ্রে, মখোয় লৈবাক অসিগী নাগরিকশিংনি, অদুবু ঙসিদি মসিগী ৱাথোক অসি মপুংফানা ৱারোইশিন পুরক্লে। হিরম খুদিংমক্তা অসাম চাউখৎনবা ভারত সরকারনা অচৌবা পেকেজ অমা অমসুং অচৌবা প্রোজেক কয়া পীবা হায়না য়ানরে, য়ানচেগী ৱারোল খুদিংমক মোদী সরকারনা থবক ওইনা পাংথোক্কনি। ২০১৪দা মোদী সরকার শেম্লবা মতুংদা, অসামদা হিংশাগী থৌদোকশিং চাদা ৮৭, শিবা চাদা ৯০ অমসুং মীফা-মীপুন চাদা ৮৪ হন্থরে। হৌজিক ফাওবদা অসাম মথন্থদা কেদর ৭৫০০ চঙজখ্রে, মসি ঙসিগী ৭৫০ অসিগী মথক্তনি, অসাম মথন্থদা কেদর ৮২০০ হেন্না চঙজরকপা অসি শান্তিগী অনৌবা যুগ অমা হৌরকপনি।

য়ুনিয়ন হোম মিনিস্তরনা হায়খি মোদী সরকারনা ২০১৯ দা এন.এল.এফ.তি এগ্রিমেন্ত, ২০২০দা ব্রু অমসুং বোরো, ২০২১ দা কার্বি ২০২২ দা অদিবাসি এগ্রিমেন্ত, অসাম-মেঘালয় বোর্দর এগ্রিমেন্ত, অসাম-অরুনাচল প্রদেস এগ্রিমেন্ত অমসুং ২০২৩দা য়ু.এন.এল.এফগা য়ানচে খুৎয়েক পীনখ্রে অমসুং ঙসিনা উলফাগা খুৎয়েক পীনরে। ঙসিগী য়ানচে অসিগা লোয়ননা, অৱাং-নোংপোক শীনবা থুংনা অমসুং মরুওইনা অসামদা শান্তিগী অনৌবা যুগ অমা হৌরগনি।

শ্রী অমিত সাহনা হায়খি উলফানা পাম্লিবশিং ফংহন্নবা ভারত সরকারগী হোম এফেয়ার্স মিনিস্ত্রিনা অকক্নবা মতমগী মনুংদা থবক পায়খৎকনি অমসুং মসি য়েংশিন্নবা কম্মিতি অমসু শেমগনি। হৌখিবা চহি ৫ দা খুৎয়েক পীনখিবা য়ানচে খুদিংমক মোদী সরকারনা য়ানখিবা মতমদগী ঙনখৎনা থবক ওইনা পাংথোক্লে অমসুং ফিবম খুদিংমক্তা থবক ওইনা পাংথোক্নবা হোৎনরি, মসি লালহৌবগী ইরাং লৈতবা অৱাং-নোংপোক্কী প্রধান মন্ত্রীগী অশানবা মীৎয়েং য়াওদনা ওইথোক্লোই।

***



(Release ID: 1991879) Visitor Counter : 73