ரசாயனங்கள் மற்றும் பெட்ரோகெமிக்கல் தொழில் நமது பொருளாதாரத்தில் முக்கிய இடம் வகிக்கிறது, இது பல துறைகளுக்கு முதுகெலும்பாகச் செயல்படுகிறது. இறக்குமதியைச் சார்ந்திருப்பதைக் குறைப்பதற்கும், உள்கட்டமைப்பை மேம்படுத்துவதற்கும், வணிகச் சூழலை மேம்படுத்துவதற்கும் பாராட்டத்தக்க நடவடிக்கைகளை எடுத்துள்ள இத்துறை 2023-ஆம் ஆண்டில் மேற்கொண்ட  பிரதான செயற்பாடுகள் பின்வருமாறு:

பிளாஸ்டிக் பூங்காக்கள் அமைக்கும் திட்டத்தின் கீழ், தேவையான அதிநவீன உள்கட்டமைப்பு மற்றும் பொது வசதிகளுடன் தேவைக்கேற்ப பிளாஸ்டிக் பூங்காக்களை அமைப்பதை இத்துறை ஊக்குவிக்கிறது. பல்வேறு மாநிலங்களில் இதுவரை 10 பிளாஸ்டிக் பூங்காக்களுக்கு ஒப்புதல் அளிக்கப்பட்டு, அவை பல்வேறு நிலைகளில் செயல்படுத்தப்பட்டு வருகின்றன.

சிறப்பு மையங்களைப் பொறுத்தவரை, தற்போதுள்ள தொழில்நுட்பத்தை மேம்படுத்துவதற்கும் பாலிமர்கள் மற்றும் பிளாஸ்டிக்கின் புதிய பயன்பாடுகளின் வளர்ச்சியை ஊக்குவிப்பதற்கும் கல்வி மற்றும் ஆராய்ச்சி நிறுவனங்களுக்கு மானியம் வழங்குவது இதன் நோக்கமாகும். இதுவரை 13 சிறப்பு மையங்களுக்கு ஒப்புதல் அளிக்கப்பட்டுள்ளது.

பெட்ரோகெமிக்கல்ஸ் ஆராய்ச்சி மற்றும் புத்தாக்க ஊக்குவிப்பு  திட்டத்தின் கீழ், பெட்ரோகெமிக்கல்ஸ், தயாரிப்புகள், செயல்முறைகள் மற்றும் பிற தொடர்புடைய துறைகளில் சிறந்த கண்டுபிடிப்புகளை அரசு  கௌரவிக்கிறது. பெட்ரோகெமிக்கல் துறையில் ஆராய்ச்சி மற்றும் மேம்பாட்டை மேம்படுத்தவும், மேலும் திறமையான எரிசக்தி நுகர்வு, பிளாஸ்டிக் கழிவு மேலாண்மை மற்றும் புதிய தயாரிப்புகளை உருவாக்கவும் இத்திட்டம் முயல்கிறது.

ரசாயனத் துறையைப் பொறுத்தவரை, பெரும்பாலான இறக்குமதிகள் 'இதர' பிரிவின் கீழ் வருகின்றன, இதனால் தனிப்பட்ட பொருட்களின் வர்த்தக போக்கைப்  பகுப்பாய்வு செய்வது கடினம். இந்தச் சிக்கலை நிவர்த்தி செய்ய, டி.சி.பி.சி அத்தியாயங்கள் 29 மற்றும் 38 இன் கீழ் அதிக இறக்குமதி மதிப்பு ரசாயனங்களை அடையாளம் காணும் பயிற்சியைத் தொடங்கியுள்ளது மற்றும் 28 பூச்சிக்கொல்லி தயாரிப்புகளுக்கு பிரத்யேக ஒத்திசைவு அமைப்பு (ஹெச்.எஸ்) குறியீடுகளை முன்மொழிகிறது. புதிய ஹெச்.எஸ் குறியீடுகளை உருவாக்குவது இறக்குமதியில் வர்த்தக நுண்ணறிவை வளர்க்க உதவுகிறது.

பி.ஐ.எஸ் சட்டம், 2016 இன் பிரிவு 16 இன் கீழ், மனித, விலங்கு அல்லது தாவர ஆரோக்கியம், சுற்றுச்சூழலின் பாதுகாப்பு, நியாயமற்ற வர்த்தக நடைமுறைகளைத் தடுத்தல் மற்றும் தேசிய பாதுகாப்பு ஆகியவற்றைப் பாதுகாக்க உள்நாட்டு உற்பத்தியாளர்கள் மற்றும் வெளிநாட்டு விநியோகஸ்தர்கள் இருவரும் பி.ஐ.எஸ் அளவுருக்களை பூர்த்தி செய்வதற்காக சில ரசாயனங்களுக்கு பி.ஐ.எஸ் தரநிலைகளை கட்டாயமாக்கும் நடைமுறையை  டி.சி.பி.சி தொடங்கியுள்ளது. இத்துறை 61 கியூ.சி.ஓ.க்களை அறிவித்துள்ளது, அவற்றில் 30 செயல்படுத்தப்பட்டுள்ளன. 2023-ஆம் ஆண்டில், 12 கியூ.சி.ஓக்கள் செயல்படுத்தப்பட்டுள்ளன.

ரசாயனங்கள் மற்றும் பெட்ரோகெமிக்கல்ஸ் துறை, இந்திய தொழில் கூட்டமைப்புடன் (சி.ஐ.ஐ) இணைந்து 24.05.2023 அன்று புதுதில்லியில் 'ரசாயனங்கள் மற்றும் பெட்ரோகெமிக்கல்ஸ்: பசுமை தொழில்நுட்பங்கள் மற்றும் டிஜிட்டல்மயமாக்கல் மூலம் நிலையான மாற்றங்கள்' என்ற தலைப்பில் பி 20 சர்வதேச மாநாட்டை நடத்தியது. இந்த நிகழ்வில் ரசாயன மற்றும் பெட்ரோகெமிக்கல் துறையின் முன்னணி தொழில்துறை தலைவர்கள் மற்றும் ஜி 20 நாடுகளைச் சேர்ந்த சுமார் 520 பிரதிநிதிகள் கலந்து கொண்டனர்.

டி.சி.பி.சி இந்தியாவில் உலகளாவிய ரசாயனங்கள் மற்றும் பெட்ரோகெமிக்கல்ஸ் உற்பத்தி மையம் குறித்த இரண்டு நாள் உச்சிமாநாட்டை 2023 ஜூலை 27-28 தேதிகளில் புதுதில்லியில் நடத்தியது. இந்த மாநாட்டில் வெளிநாடுகளைச் சேர்ந்த 56 பிரதிநிதிகள் உட்பட தொழில்துறையைச் சேர்ந்த மொத்தம் 517 பிரதிநிதிகள் கலந்து கொண்டனர்.

ரசாயனங்கள் மற்றும் பெட்ரோகெமிக்கல் தொடர்பான இறக்குமதி / ஏற்றுமதி பிரகடனங்களில் சுங்கத்துறை கூடுதல் தகுதிகளை கட்டாயமாக்கியுள்ளது. இது 01.10.2023 முதல் அமல்படுத்தப்பட்டுள்ளது.

ரசாயனத் துறைக்கான தானியங்கி வழியில் 100% அந்நிய நேரடி முதலீடு அனுமதிக்கப்படுகிறது, மேலும் முதலீட்டாளருக்கு ஒரு சில அபாயகரமான ரசாயனங்களைத் தவிர வேறு எந்த சிறப்பு அனுமதியும் இல்லை.

இந்தியாவில் மொத்த அந்நிய நேரடி முதலீட்டில் ரசாயனங்கள் ஆறாவது இடத்தில் உள்ளது, இது இந்தியாவின் மொத்த அந்நிய நேரடி முதலீட்டில் 3% ஆகும், இது அனைத்து துறைகளிலும் 2021-22 நிதியாண்டில் அதிகபட்சமாக 91% வளர்ச்சியை பதிவு செய்துள்ளது.

ஏப்ரல் முதல் நவம்பர் 2023 வரையிலான காலகட்டத்தில் ஹெச்.ஓ.சி.எல் நிறுவனத்தின் விற்பனை வருவாய் கடந்த ஆண்டின் இதே காலகட்டத்துடன் ஒப்பிடும்போது 23.79% வளர்ச்சியைப் பதிவு செய்துள்ளது. 2023 ஏப்ரல் முதல் நவம்பர் வரையிலான காலகட்டத்தில் விற்பனை வருவாய் ரூ.462.85 கோடியாகவும், 2022 ஏப்ரல் முதல் நவம்பர் வரையிலான காலகட்டத்தில் ரூ.373.91 கோடியாகவும் இருந்தது.

ரசாயனம் மற்றும் பெட்ரோ கெமிக்கல்ஸ் துறை https://chemicals.gov.in என்ற  புதிய இணையதளத்தை அறிமுகப்படுத்தி, இணையதளத்தைத்  தொடர்ந்து புதுப்பிக்க அறிவுறுத்தல்களை வழங்கியுள்ளது.

முக்கிய சாதனைகள்

இந்திய அரசின் வேளாண்மை மற்றும் விவசாயிகள் நல அமைச்சகத்தின் வேளாண்மை மற்றும் விவசாயிகள் நலத் துறையின் நிதியுதவியுடன் தேசிய அளவில் பூச்சிக்கொல்லி எச்சங்கள் கண்காணிக்கப்படுகின்றன

விதைப்பதற்கு முன் விதை சுத்திகரிப்புக்கான பரந்த-ஸ்பெக்ட்ரம் செயல்பாட்டிற்கு சுஸ்போ-குழம்பு ஜெல் சூத்திரம் உகந்ததாக மேம்படுத்தப்பட்டு உருவாக்கப்பட்டுள்ளது.

கரையக்கூடிய பாலிமரிக் மென்படலங்களின் வளர்ச்சி நடைபெற்று வருகிறது. கொசுப்புழுக்கள் உற்பத்தியாவதைத் தடுக்க தேங்கியுள்ள நீர்நிலைகளில் வைக்கப்படும் வகையில் இந்த மென்படலங்கள் வடிவமைக்கப்பட்டுள்ளன. இந்த அணுகுமுறை சுற்றுச்சூழலுக்கு உகந்தது, ஏனெனில் இது மற்ற உயிரினங்களுக்கு தீங்கு விளைவிக்காமல் கொசுக்களை மட்டுமே குறிவைக்கிறது.

அஜ்மீரில் உள்ள ஐ.சி.ஏ.ஆர்-தேசிய விதை மசாலா ஆராய்ச்சி மையத்துடன் (என்.ஆர்.சி.எஸ்.எஸ்) இணைந்து விதை மசாலாக்களின் பூச்சிகளைக் கட்டுப்படுத்துவதற்கான உருவாக்க மேம்பாட்டுப் பணிகள் நடைபெற்று வருகின்றன.

நாடு முழுவதும் பல்வேறு வேளாண் பூச்சிகளைக் கட்டுப்படுத்த உள்நாட்டில் கிடைக்கும் தாவரவியல் மற்றும் உயிர் பூச்சிக்கொல்லிகளின் பயன்பாட்டை பிரபலப்படுத்துவதற்கான முயற்சிகளை ஐ.பி.எஃப்.டி மேற்கொண்டு வருகிறது. பயன்படுத்த பாதுகாப்பான மற்றும் பூச்சிக்கொல்லி எச்சங்கள் இல்லாத உணவுப் பொருட்களை வழங்குவதன் மூலம் பயிர் உற்பத்தியை அதிகரிப்பதற்கான பயிற்சி பட்டறைகள் விவசாயிகளுக்கு நடத்தப்படுகின்றன.

*** 

 PKV/BR/KRS