کانکنی  کی وزارت ساحل سے دور علاقوں میں معدنیات (ترقیات و ضوابط) ایکٹ، 2002 [او اے ایم ڈی آر ایکٹ] کا انتظام سنبھالتی ہے۔ یہ ایکٹ علاقائی سمندر، براعظمی سمندری کنارہ، خصوصی اقتصادی زون اور ہندوستان کے دیگر سمندری علاقوں میں معدنی وسائل کی ترقی اور اس سے متعلقہ  اُمور یا اس سے متعلقہ معاملات کیلئے ضابطے  فراہم کرتا ہے۔

او اے ایم ڈی آر ایکٹ میں حال ہی میں 17 اگست 2023 کوترمیم کی گئی ہے، جس نے سمندر سے دور علاقوں میں کا م کاج حقوق کی تقسیم کے طریقہ کار کے طور پر شفاف اور غیر صوابدیدی نیلامی کےعمل  کو متعارف کرایا ہے۔ اس کے علاوہ کانکنی سے متاثرہ افراد کے لیے کام کرنے کے لیے ایک ٹرسٹ کے قیام اور کھوج کو بڑھانے، کسی بھی آفت کی صورت میں ریلیف فراہم کرنے وغیرہ کے لیے بھی انتظام کیا گیا ہے۔ ترمیم شدہ ایکٹ  نے صوابدیدی تجدید کے عمل کو بھی ختم کیا ہے اور پچاس سال کی یکساں لیز کی مدت فراہم کی ہے، جامع لائسنس متعارف کرایا ہے،نیز مختلف آپریٹنگ حقوق کے حدود متعین کیے ہیں، جامع لائسنس اور پروڈکشن لیز وغیرہ کی آسانی سے منتقلی کے لیے التزام کیا ہے۔

  مزید برآں، وزارت نے ہندوستان کے خصوصی اقتصادی زون میں کچھ بلاکس کی نشاندہی کی ہے، یعنی علاقائی پانی سے پرے (12 سمندری میل)، معدنیات چونے کیچڑ اور پولی میٹالک نوڈولس کے لیے۔ اس سلسلے میں، وزارت نے متعلقہ وزارتوں/محکموں سے آپریٹنگ حقوق کی فراہمی کے لیے آف شور بلاکس کی دستیابی کے لیے تبصرے/ان پٹ مانگے ہیں تاکہ پروجیکٹوں کے ساتھ کسی بھی قسم کی اوورلیپنگ سے بچا جا سکے۔

ترمیم شدہ ایکٹ کی دفعات کو لاگو کرنے کے لیے کانکنی کی  وزارت نے ضابطوں سے متعلق دو مسودے  یعنی (i) سمندری علاقوں کے معدنی نیلامی کے قوانین اور (ii) معدنی وسائل کے قوانین کے سمندری علاقوں کی موجودگی وضع کیے ہیں۔ مذکورہ مسودہ قوانین کو وزارت کی باضابطہ ویب سائٹ یعنی https://mines.gov.in/webportal/home  پر 26دسمبر 2023 کو اپ لوڈ کر دیا گیا ہے تاکہ 30 دنوں کی مدت  یعنی 25جنوری 2024 تک  تمام متعلقہ فریقوں سے ان کی رائے حاصل کی جا سکے ۔

سمندر سے دور علاقوں میں معدنیات کی نیلامی سے متعلق ضابطوں کا مسودہ وسیع پیمانے پر ایم ایم ڈی آر  ایکٹ کے تحت وضع کردہ   معدنیات  (نیلامی) ضوابط 2015 پر مبنی ہے۔ سمندر سے دور علاقوں میں معدنیات کی نیلامی سے متعلق ضابطوں کی نمایاں خصوصیات حسب ذیل ہیں:

1. بولی:جامع لائسنس اور پروڈکشن لیز آگے بڑھتے ہوئے آن لائن الیکٹرانک نیلامی کے ذریعے دی جائے گی۔
2.  پیشگی ادائیگی: سمندر سے دور نیلامی کے قوانین  میں تخمینہ وسائل کی قیمت کے 0.50فیصد سے کم یا 100 کروڑ روپے کے برابر رقم کی پیداواری لیز کے لیے پیشگی ادائیگی کا تصور کیا گیا ہے۔ یہ  رقم مرکزی حکومت کو تین قسطوں 20فیصد، 20فیصد اور 60 فیصد میں ادا کی جائے گی۔
3.   کارکردگی کی یقینی فراہمی: کارکردگی کی یقینی فراہمی  کی رقم (a) تخمینہ شدہ وسائل کی قیمت کے 0.50فیصد یا پیداواری لیز کی صورت میں 100 کروڑ روپے کے برابر ہوگی۔ اور (b) تخمینہ شدہ وسائل کی قیمت کا 0.25 فیصد یا جامع لائسنس کی صورت میں 50 کروڑ روپے ہوگی۔
4. پیداواری لیز کی نیلامی کے لیے مجموعی  مالیت کی ضروریات کا انحصار معدنی بلاک میں تخمینہ شدہ وسائل کی قیمت پر ہوگا۔ تاہم، مجموعی مالیت کی ضرورت 200 کروڑ روپے سے زیادہ نہیں ہوگی۔
5.  جامع لائسنس کی نیلامی کے لیے مجموعی  مالیت کے تقاضے بلاک میں تخمینہ شدہ  وسائل کی قیمت پر منحصر ہوں گے۔ تاہم مجموعی  مالیت کی ضرورت 100 کروڑ روپےسے زیادہ نہیں ہوگی۔

مزید برآں، ان بلاکس کے لیے جن کے معدنی وسائل کی مقدار کا تخمینہ لگایا جانا ممکن نہیں ہے کہ تخمینہ شدہ وسائل کی قیمت کا اندازہ لگایا جا سکے، ان کی مجموعی مالیت کی ضرورت 25 کروڑ روپے ہوگی۔

6.  بولی کی زرضمانت: بولی کی زرضمانت تخمینہ شدہ  وسائل کی مالیت کے 0.25 فیصد یا 10 کروڑ روپے کے برابر ہوگی، اس میں سے جو بھی کم ہو۔

ان بلاکس کے لیے جن کے معدنی وسائل کی تخمینہ مقدار کا اندازہ  لگانا ممکن نہیں ہے کہ تخمینہ شدہ  وسائل کی قیمت کا اندازہ لگایا جا سکے، بولی کی زرضمانت فی معیاری بلاک 5 لاکھ روپے ہوگی۔

سمندری ساحل سے دور علاقوں میں   معدنی وسائل سے متعلق ضابطوں کا مسودہ وسیع پیمانے پر ایم ایم ڈی آر ایکٹ کے تحت بنائے گئے معدنیات (معدنی مواد کے شواہد) ضوابط  2015 پر مبنی ہے۔ یہ مسودہ قوانین مختلف قسم کے معدنیات اور ذخائر کی تلاش کے اصول فراہم کرتا ہے۔ ضابطوں کا مسودہ  کم از کم کھو ج کے جی2 لیول (عام کھوج) پروڈکشن لیز کے لیے نیلامی کے لیے بلاک پر غور کرنے کی تجویز فراہم کرتا ہے۔ تاہم کنسٹرکشن گریڈ سلیکا سینڈ اور لائم مڈ یا کیلکیریئس مڈ کے بلاکس کی صورت میں، لیز پر پروڈکٹ کی نیلامی جی3 کی  دریافت  کی سطح پر بھی کی جا سکتی ہے۔ جامع لائسنس دینے کے لیے، بلاک کو جی4 کی سطح تک تلاش کیا جانا چاہیے یا معدنی بلاک کی معدنی صلاحیت کی نشاندہی کی جانی چاہیے۔

کانکنی کی وزارت او اے ایم ڈی آر ایکٹ کے تحت دیگر قواعد وضوابط  وضع کرنے کا عمل  بھی  انجام دے رہی ہے۔اس میں  ساحل سے دور علاقوں میں معدنیات کا تحفظ اور ترقی ضوابط ،  ساحل سمندر سے دور معدنی رعایت سے متعلق ضوابط، سمندر سے دور علاقوں میں معدنیات سے متعلق ٹرسٹ کے ضابطے وغیرہ  جیسے اُمور شامل ہیں۔

۔۔۔۔۔۔۔۔۔۔۔

ش ح۔ م ع۔ع ن

(U: 3051)