দিশেম্বর ২৬,২০২৩দা মুম্বাইগী নেভেল দোগয়ার্দতা পাংথোকপা নিংথিরবা থৌরম অমদা রক্ষ মন্ত্রী শ্রী রাজনাথ সিংহ শরুক য়াদুনা ভারত নেভিদা প্রোজেক ১৫বি স্তিল্থ গাইদেদ মিসাইল দিস্ত্রোয়র আই.এন.এস ইম্ফাল থবক হৌহনখ্রে। থৌরম অদুদা ভারত নেভিগী ৱারসিপ দিজাইন বিউরোনা দিজাইন তৌবা অমসুং মজাগাউন দোগ সিপবিল্দরস লিমিতেদ(এম দি এল), মুম্বাইনা শাবা ইন্দিজিনিয়স ‘বিশাখাপত্নম’ ক্লাস দিস্ত্রোয়র মরিগী মনুংদা অহুমশুবা শীজিন্নবা হৌখ্রে।

থৌরম অদুদা ৱা ঙাংবদা রক্ষ মন্ত্রী শ্রী রাজনাথ সিংহনা হায়খি আই.এন.এস ইম্ফাল অসি ঙাক-শেনগী লমদা ‘অত্মানিভারতা’গী খুদম অমনি অমসুং লৈবাক্কী ঙাক-শেনগী লমদা ভারত নেভি, এম.দি.এল অমসুং অতোপ্পা মরী লৈনবশিংগী থবক্কী মমি অমনি। আই.এন.এস ইম্ফাল অশি ভারতকী সমুদ্রগী শক্তি হেনগৎলকপগী খুদম অমনি অমসুং মসি মখা তানা মপাঙ্গল কনখৎহনগনি। ইন্দো-পেসিফিক লমদমদা ঐখোয়গী ৱাখল্লোন ‘ জালমেভ য়াস্যা, বালমেভ তস্যা’( সমুদ্রগী মপু ওইবা মীওই অদুদা শক্তি পুম্নমক লৈগনি) অসি আই.এন.এস ইম্ফালনা মপাঙ্গল কনখৎহনগনি।

জহাজ অসি মিতর ১৬৩ শাংবা, মিতর ১৭ পাকপা অমসুং তন ৭,৪০০ দিসপ্লেসমেন্ত লৈবা অমনি অমসুং ভারত্তা শাবা খ্বাইদগী কনবা লালগী জহাজশিংগী মনুংদা অমনি। মসি শক্তি লৈরবা গ্যাস তর্বাইন মরিনা উংবনি অমসুং মসিদা কম্বাইন গ্যাস আমসুং গ্যাস কনফিগুরেসন য়াওরি অমসুং নোত ৩০ হেন্না য়াংনা হোনবা ঙম্মী।

রক্ষ মন্ত্রী শ্রী রাজনাথ সিংহনা হায়খি আই.এন.এস ইম্ফাল অসি লৈবাক অসিগী শক্তি ময়ামগী অপুনবনি। জহাজ অসিদা ব্রাহমোস এরোস্পেসনা ব্রাহমোস মিসাইলশিং হাপচিল্লে। ভারত হেভি ইলেক্ত্রিকেলস লিমিতেদনা রেপিদ গুন মাউন্ত অমসুং ভারত ইলেক্ত্রিকেলস লিমিতেদনা মেদিয়ম রেঞ্জ মিসাইলশিং হাপ্লে। লার্সেন অমসুং তৌব্রোনা তোর্পেদো তুব লঞ্চরশিং হাপ্লে। মচাক কয়ানা আই.এন.এস ইম্ফাল শেম্বগুম, শীনফম খুদিংমক্কী মীওইশিংনা বিকসিত ভারত অমা ওইনবা পুন্না থবক তৌমিন্নগদবনি। নাগরিক খুদিংমক ভারতকী সেকুরিতি অমসুং চাউখৎপগী গারিনি। কনাগুম্বা অমনা থবক তৌবা মতমদা, লৈবাক্কী হেন্না য়াইফনবা ৱাখল চেনগদবনি।

রক্ষ মন্ত্রী শ্রী রাজনাথ সিংহনা হায়খি লৈবাক্কী ঙাক-শেনগী থবকশিং পায়খৎলিবা সর্বিস অহুম মতমগা চুনবা মওংদা শেমগৎনবা সরকারনা চপ মান্নবা থবকশিং পায়খৎলি। মমাঙগী সরকারশিংনা কংফালগী শরুক্তা কিহল্লকপা খক্তা ঙাকথোক্নবা মীৎয়েং থমখি। হিমালয়না অৱাংদা অমসুং তমথিরবা পাকিস্থান্না নোংচুপতা লৈরি, ভারতকী ললোন-ইতিক্কী পোৎ-চৈ অয়াম্বা সমুদ্রদগী লাকপনি। মালেমগী ললোন-ইতিক অসি ভারতকী ওইনা য়াম্না মরুওইবনা নেভিগী তৌবা ঙম্বা লেপ্তনা হেনগৎহনবা দরকার ওই।

রক্ষ মন্ত্রী শ্রী রাজনাথ সিংহনা হায়খি হন্দক অরাবিয়া সিদা ললোন-ইতিক্কী জহাজশিং ‘কেম প্লুতো’ অমসুং  রেদ সিদা ‘সাই বাবা’দা খুৎথারকখ্রে। ভারতনা মপাঙ্গল ফগৎলকপদা ফোর্স খর কল্লকপনা থল্লে। খুৎ থারকপা অসি ভারত সরকারনা হকচিন্না লৌই অমসুং নেভিনা মসিগী সর্ভিলিয়েন্স হেনগৎহল্লে। থৌদোক অদুদা চেন্নবশিং অথুবা মতমদা ৱায়েল ফংলগনি অমসুং মখোয়গী মথক্তা অকনবা থবক লৌখৎকনি।

শ্রী রাজনাথ সিংহনা হায়খি ভারত মহাসাগর লমদমদা  অপুনবা ঙাক-শেনগী থবক পায়খৎপদা ভারতনা থৌদাং লৌরি; মরুপ-মপাং ওইবা লৈবাকশিংগা পুন্দুনা, ঈশিং লম্বীগী ললোন-ইতিক হেন্না চাউখৎনবা ঐখোয়না সমুদ্রগী লম্বীশিং ঙাক-শেনগনি। ঐখোয়গী নেভিগী তৌবা ঙম্বা অমসুং মপাঙ্গলদা ঐখোয়না মপুংফানা থাজবা থম্লি।
চীফ ওফ নেভেল স্তাফ এদমিরেল আর হরি কুমারনা হায়খি আই.এন.এস ইম্ফাল অসি ভারত নেভিগী ঙাক-শেনগী লমদা অত্মানিরভরগী মাইকৈদা মাইপাকগী খুদম অমনি। মসি সরকারগী এক ভারত শ্রেস্থা ভারতগী পান্দমগী খুদম অমনি। জহাজ অসিনা সমুদ্রদগী শিংনরকপশিং থেংনবা খক নত্তনা মসিনা অপুনবা লৈবাক অমগী থৌনাশু উৎকনি। লৈবাক অসিগী অপুনবা থুগাইনবা হোৎনরকপশিং আই.এন.এসনা থেংনগনি।

চীফ ওফ নেভেল স্তাফনা হায়খি মরিশুবা প্রোজেক ১৫বি স্তিল্থ গাইদেদ মিসাইল দিস্ত্রোয়র সুরত ২০২৪দা থবক হৌরগনি। আই.এন.এস ইম্ফাল থবক হৌদ্রিঙৈদা, চপ মান্নবা ক্লাসকী দিস্ত্রোয়র অনি আই.এন.এস বিশাখাপত্নম অমসুং আই.এন.এস মোরমুগাউ নেভিদা ২০২১ অমসুং ২০২২দা থবক হৌখ্রে।

এদমিরেল আর হরি কুমারনা হায়খি ললোন-ইতিক্কী জহাজশিংদা পাইরেসি অমসুং দ্রোননা লান্দারকপা থেংননবা ভারত নেভিনা প্রোজেক ১৫বি অমসুং ১৫এগী দিস্ত্রোয়র মরি শীজিন্নরে। হায়রিবা শিংনরকপশিং অসি থেংননবা পি৮১ এয়রক্রাফ, দোরনিয়রশিং, সি গার্দিয়ানশিং, হেলিকোপ্তরশিং অমসুং কোস্ত গার্দ জহাজশিং শীজিন্নরে।

চীফ ওফ নেভেল স্তাফনা হায়খি লৈবাক অসিগী জিলা খুদিং, ব্লোক খুদিং অমসুং খুঙ্গং খুদিংদগী য়ামদ্রবদা অগ্নিবীর অমা হাপ্নবা পান্দম থম্লি। লাল্লোং অসি লৈবাক অসিগী কাচিন-কোয়া খুদিংমক্তগী নহা ওইরিবা নুপা অমসুং নুপীশিং পুক্নিং চিংশিন্নবনি অমসুং মখোয়দা মমা লৈবাক নুংশিবগী ৱাখল্লোন পোকহনগনি। পান্দম অসিগী মখাদা লৈবাক শীনবা থুংনা লৈবাক্কী খনবা মীওইশিং শেমগৎকনি।

আই.এন.এস অসি অৱাং-নোংপোক্কী সহর অমগী মমিং লৌদুনা থোনবা অহানবা লালগী জহাজ অমনি। লৈবাক অসিদা অমসুং ভারত নেভিদা লমদম অসি অমসুং মনিপুরনা লৌরিবা থৌদাং অমসুং মরুওইবা অদু খঙদুনা মমিং অসি থোনবনি। মসিগী কিল মে ১৯,২০১৭দগী শেম্বা হৌখি অমসুং জহাজ অসি এপ্রিল ২০,২০১৯দা শঙ্গাখি। এ্রপ্রিল ২৮,২০২৩দা জহাজ অসি অহানবা ওইনা সমুদ্রদা হোনবা হৌখি অমসুং থা তরুক য়ৌদনা চাংয়েং কয়া পাংথোক্লবা মতুংদা ওক্তোবর ২০,২০২৩দা খুৎশীন্নখি। আই.এন.এস ইম্ফাল শাবদা অমসুং চাংয়েং তৌবদা লৌখিবা মতম অসি লৈবাক অসিনা শাজবা দিস্ত্রোয়র অমগী ওইনা খ্বাইদগী তেনবা মতমনি। জহাজ অসি থবক হৌদ্রিঙৈ মমাংদা, অহানবা ওইনা ব্রাহমোস মিসাইলশিং মাইপাক্না চাংয়েং তৌখ্রে।

জহাজ থবক হৌবগী থৌরম অদুদা মহারাস্ত্রাগী চীফ মিনিস্তর শ্রী একনাথ সিন্দে, ফ্লেগ ওফিসার কমান্দিং-ইন-চীফ ৱেস্তর্ন নেভেল কমান্দ ভাইস এদমিরেল দিনেস কে ত্রিপাথি অমসুং দিরেক্তর(ফাইনান্স), এম.দি.এলগী চিয়ারমেন অমসুং মেনেজিং দিরেক্তর শ্রী সঞ্জিব সিংহালশু শরুক য়াখি। জহাজ অদুদা পর্সোনেল ৩১৫ য়াওখি অমসুং গন্নরি অমসুং মিসাইল স্পিসিএলিস্ত কেপ্তেন কে.কে চৌধুরিনা লুচিংলি।

আই.এন.এস ইম্ফালদা অনৌবা খুৎলায়শিং অমসুং সেন্সরশিং, লৈমাইদগী লৈমাইদা কাপ্পা য়াবা মিসাইলশিং, অতিয়াদগী অতিয়াদা কাপ্পা য়াবা মিসাইলশিং, এন্তি-সবমেরিন ৱারফিয়ার রোকেত লঞ্চরশিং অমসুং তোর্পেদো লঞ্চরশিং, এ.এস.দব্লিউ হেলিকোপ্তরশিং, রাদারশিং, সোনার অমসুং ইলেক্ত্রোনিক ৱারফিবার সিস্তেমশিং য়াওরি। জহাজ অসি নিউক্লিয়ার, বাইওলোজিকেল অমসুং কেমিকেলগী লালশিং থেংনবা ঙমগনি

***