প্রধানমন্ত্রীগী লোইশঙ
প্রধান মন্ত্রীনা পন্দিৎ মদন মোহনগী ১৬২শুবা মপোক কুমওন থৌরমদা ‘পন্দিৎ মদন মোহন মালবিয়াগী খুৎইশিংগী খোমজিনবা’ ফোঙখ্রে
ভোলুম ১১গী অহানবা সেরিজ ফোঙখ্রে
“পন্দিৎ মদন মোহনগী মপুংফাবা লাইরিক ফোঙবা অসি য়াম্না মরুওইবনি”
“মহামনা অসি অনৌবা ৱাখল্লোন অমসুং সনাতন চৎনবীগী অপুনবা অমনি”
“মালবিয়া জিগী ৱাখলশিংগী লৈনম ঐখোয়গী সরকারগী থবক্তা নমগনি”
“মহামনাগী মফমদা ভারত রত্ন পীবা অসি ঐখোয়গী সরকারগী লাইবক ফবনি”
“লৈবাক অসিগী অনৌবা নেসনেল ইজুকেসন পোলিসিদা মালবিয়া জিগী থবকশিংগী মমিসু তারে”
“অফবা লৈঙাক হায়বদি শক্তিদা য়ুম্ফম ওইবদগী থবক্তা হেন্না য়ুম্ফম ওইবা হায়বনি”
“ভারত অসি জাতি অমসুং মালেমগী মরুওইবা মহৈলোয়শঙ কয়া লিংখৎপা লৈবাক অমা ওইরক্লি”
Posted On:
25 DEC 2023 6:16PM by PIB Imphal
ঙসি নিউ দিল্লিগী বিগ্যান ভাবন্দা পাংথোকপা থৌরম অমদা, মহামনা পন্দিৎ মদন মোহন মালবিয়াগী ১৬২ শুবা মপোক কুমওন থৌরমদা, প্রধান মন্ত্রী শ্রী নরেন্দ্র মোদীনা ‘পন্দিৎ মদন মোহন মালবিয়াগী খুৎইশিংগী খোমজিনবা’গী ভোলুম ১১গী অহানবা সেরিজ ফোঙখ্রে। মহাক্না পন্দিৎ মদন মোহন মালবিয়াগী মফমদা লৈ কৎতুনা ইকায়খুম্নবা উৎখি। বরানস হিন্দু য়ুনিভর্সিতি লিংখৎলম্বা পন্দিৎ মদন মোহন মালবিয়ানা অনৌবা ভারত শেমগৎলম্বা মীওইশিংগী মরক্তা মরুওইবা মফম অমা কল্লি। মহাক লৈবাক অসিগী মীয়াম জাতিগী ৱাখল্লোন হেনগৎহন্নবা চোকথবা নাইদনা থবক তৌখিবা শক্নাইরবা পন্দিৎ অমা অমসুং নিংতম লান্মী অমা ওইনা নিংশিংলি।
নুংঙাইরবা বরদিন কুহ্মৈগী মীয়ামদা য়াইফ-পাউজেল পীরদুনা প্রধান মন্ত্রীনা হায়খি ঙসি অসি অতল জয়েন্তি পাংথোক্তুনা অমসুং পন্দিৎ মদন মোহন মালবিয়াগী মপোক কুমওন পাংথোক্তুনা ঙসিগী থৌরম অসিনা ভারত অমসুং ভারতীয়তাদা থাজবা মীওইশিং ইথিল পীবা কুহ্মৈ অমনি। প্রধান মন্ত্রী মোদীনা মহামনা পন্দিৎ মদন মোহন মালবিয়া অমসুং হান্নগী প্রধান মন্ত্রী শ্রী অতল বিহারি বাজপায়গী মফমদা কোক নোনখি। অতল জয়েন্তি থৌরমদা অফবা লৈঙাক নুমিৎ পাংথোক্লি হায়না প্রধান মন্ত্রীনা ফোঙদোকখি অমসুং মহাক্না ভারতকী নাগরিকশিংদা মহাক্কী য়াইফ-পাউজেল পীখি।
প্রধান মন্ত্রীনা হায়খি পন্দিৎ মদন মোহন মালবিয়াগী খুৎইশিংগী খোমজিনবা লাইরিক অসি নহারোলশিং অমসুং থিজিল্লবশিংদা য়াম্না মরুওইবনি। মহাক্কী থবকশিংগী খোমজিনবা অসি বি.ঐচ.য়ুগা মরী লৈনবা থবকশিং, কংগ্রেস লুচিংবশিংগা মহামনাগা ৱারি শানখিবা অমসুং বৃতিস নাগরিক ওইবগী মতাংদা মহাক্কী ৱাখল্লোনগী মমি তাগনি। মহামনাগী দাইরিগা মরী লৈনবা ভোলুম অসিনা খুন্নাই, জাতি অমসুং অধ্যতিক্কী লমদা লৈবাক অসিগী মীয়াম লমজিংগনি। খোমজিনবা অসিগী থবক ওইনা পাংথোক্নবা কাংবু অমনা কন্না হোৎনখি অমসুং আই অমসুং বি মিনিস্ত্রি, মহামনা মালবিয়া মিসন অমসুং শ্রী রাম বহাদুর রাই থাগৎপা ফোঙদোকচরি।
প্রধান মন্ত্রীনা হায়খি চহিচা কয়াগী মনুংদা মহামনাগুম্বা মীওইশিং অমুক্তং পোকই অমসুং মখোয়গী ইথিল তুংগী মীরোল কয়াদা উবা ফংগনি। লৌশিং অমসুং থবক ঙম্বদা মহাক্কী মতমগী অচৌবা পন্দিৎশিংগা মহাক্কা মান্নৈ। মহামনা অসি অনৌবা ৱাখল্লোন অমসুং সনাতন চৎনবীগী অপুনবা অমনি। লৈবাক অসিগী নিংতম ইহৌ অমসুং অধ্যতিক্কী থৱায় অমুক হিঙ্গৎহনবদা মহাক্না চপ মান্নবা থৌদাংশিং লৌখি। মহাক্না হৌজিক থেংনরিবা অৱাবশিংদা মীৎয়েং অমা থমখি অমসুং লৈবাক্কী য়াইফনবা মরুওইনা লৌদুনা তুংগী চাউখৎ-থৌরাংগী লমদা অনিশুবা মীৎয়েং অমা থমখি।
প্রধান মন্ত্রীনা হায়খি অকনবা থৌনাগা লোয়ননা মহামনানা লৈবাক অসিগীদমক থেংনখি অমসুং খ্বাইদগী খুদোংথিবা ফিবম ফাওবদা ওইথোকপা য়াবশিংগী অনৌবা মরুশিং হুল্লমখি। ঙসি ফোঙলিবা ভোলুম ১১গী মপুংফাবা লাইরিক অসিদগী মহামনাগী অসিগুম্বা থবকশিং হৌজিক মপুংফানা ময়েক শেংনা ফোঙদোক্লগনি। মহামনাগী মফমদা ভারত রত্ন পীবা অসি ঐখোয়গী সরকারগী লাইবক ফবনি। মহামনাগুম মহাক কাসিগী মীয়ামগী সেবা তৌনবা খুদোংচাবা ফংলে। কাসিদগী মীখল থেংননবা মহাক্না লাকপা মতমদা মালবিয়াগী ইমুং-মনুংগী মীওইশিংনা মহাক্কী মমিং পুখৎলকখি। মহামনানা কাসিদা মপুংফানা থাজবা থমখি অমসুং ঙসিদি সহর অসি চাউখৎপগী অনৌবা থাকশিং য়ৌরে অমসুং মসিগী হেরিতেচগী মিংচৎ অমুক হঞ্জিল্লে।
প্রধান মন্ত্রীনা হায়খি অমৃত কালদা, ভারতনা মীনাই ওইবগী ৱাখল্লোল থাদোক্লে। অদোম্না মালবিয়া জিগী ৱাখলশিংগী লৈনম ঐখোয়গী সরকারগী থবক্তা নমগনি। লৈবাক অসিগী অরিবা থৱায় লেংদনা থম্বা অমসুং মসিগী অনৌবা হকচাংদা ঙাক-শেন্দুনা থম্বা লৈবাক অমগী মঙলান মালবিয়া জিনা ঐখোয়না পীরমখি। লাইরিক তম্বদা ভারতকী গুনশিং য়াওহন্নবা মালবিয়া জিনা লাউরমখি অমসুং বরানস হিন্দু য়ুনিভর্সিতি লিংখৎখি অমসুং ভারতকী লোলশিং চাউখৎনবা কন্না হোৎনরমখি। মহাক্কী থবকশিংনা মরম ওইদুনা, নাগরিক ময়েক শীজিন্নবা হৌখি অমসুং ভারতকী লোলশিং ইকায়খুম্নবা ফংখি। ঙসি, লৈবাক অসিগী অনৌবা নেসনেল ইজুকেসন পোলিসিদা মালবিয়া জিগী থবকশিংগী মমিসু তারে।
প্রধান মন্ত্রীনা হায়খি লৈবাক অমা মপাঙ্গল কনহলবদা, লৈবাক অদুগী মহৈলোয়শঙশিং অদু য়াম্না মরুওই। মালবিয়া জিনা মহাক্কী পুন্সিদা লৈবাক্কী মরুওইবা মীওই কয়া শেমখিবা অসিগুম্বা মহৈলোয়শঙ কয়া লিংখৎলমখি। বি.ঐচ.য়ুগী মথক্তা, হরিদ্বারদা রিসিকুল মহাবিদ্যলয়, ভারতী ভাবন পুস্তকলায়া, প্রায়াগ্রাজ, সনাতন ধর্মা মহাবিদ্যলয় লিংখৎলে। হৌজিক পাল্লিবা সরকার অসিনা কোওপরেসন মিনিস্ত্রি, অয়ুস মিনিস্ত্রি, দব্লিউ.ঐচ.ও গ্লোবেল সেন্তর ফোর ত্রেদিসনেল মেদিসিন, কোলিএসন ফোর দিজাস্তর রিসিলিয়েন্ত ইনফ্রাস্ত্রকচর, ইন্সতিতুৎ ওফ মিল্লেত রিছার্স, গ্লোবেল বাইওফুয়েল এল্লাইন্স, ইন্তরনেসেল সোলার এল্লাইন্স, দাক্ষিন ফোর গ্লোবেল সাউথ, ইন্দিয়া মিদল ইস্ত য়ুরোপ ইকোনোমিক কোরিদোর, ইন-স্পেস অমসুং সমুদ্রগী লমদা সাগার য়াওনা ইন্সতিতুসন কয়া লিংখৎলে। ঙসি “ভারত অসি জাতি অমসুং মালেমগী মরুওইবা মহৈলোয়শঙ কয়া লিংখৎপা লৈবাক অমা ওইরক্লি। হায়রিবা ইন্সতিতুসনশিং অসিনা ২১শুবা চহিচাগী ভারতকী অনৌবা মাইকৈ তাকপতা নত্তনা ২১শুবা চহিচাগী মালেমগী মাইকৈশু তাক্লগনি।
মহামনা অমসুং অতল জিগী ফিদমশিংগী মতাংদা প্রধান মন্ত্রীনা হায়খি মহামনাগী মতাংদা অতল জিনা হায়খি “ কনাগুম্বা মীওই অমনা সরকারগী মতেং য়াওদনা করিগুম্বা খর পাংথোকপা মতমদা, মহামনাগী গুন অমসুং মহাক্কী থবক্না মীওই অদুগী লম্বী মৈরা অমগুম মঙাল পীগনি। অফবা লৈঙাক্তা মীৎয়েং চঙদুনা মালবিয়া জি, অতল জি অমসুং নিংতম লান্মী খুদিংমক্কী মঙলানশিং অমসুং অনিংবশিং থুংহন্নবা সরকারনা হোৎনরি। অফবা লৈঙাক হায়বদি শক্তিদা য়ুম্ফম ওইবদগী থবক্তা হেন্না য়ুম্ফম ওইবা হায়বনি। অচুম্বা ৱাখল্লোনশিং অমসুং মীকুপ-নাহুমশিংনা থৌশিলশিং শেম্লবা অমসুং মীচং-মীখাই নাইদনা মীওই খুদিংমক মহাক্কী হকশিং ফংলবা মতমদা অফবা লৈঙাক লৈগনি।
প্রধান মন্ত্রীনা হায়খি অফবা লৈঙাক্কী অচুম্বা ৱাখল্লোন অসি ঙসিগী সরকার অসিগী শক্তম অমা ওইরে অমসুং লৈবাক অসিগী মীয়াম তঙাইফদবা খুদোংচাবশিং ফংনবা কোইচেন চেনবা দরকার ওইদ্রে। মসিগী মহুত্তা, লৈঙাক অসিনা বেনিফিসরিশিংগী থোংজিলদা য়ৌরে। হৌজিক চৎথরিবা বিকসিত ভারত সংকল্প যাত্রা অসিনা সরকারগী স্কিমশিং মপুংফানা পায়খৎনবা পান্দম থম্লি। মোদী কি গরেন্তি গারিনা শুপ্নগী নুমিৎ ৪০গী মনুংদা মমাঙদা নাথৈদুনা থম্বীরম্লবা মীওইশিংদা অনৌবা অয়ুস্মান কার্দ করোর কয়া য়েন্থোকখ্রে।
অফবা লৈঙাক পুরকপদা পুকচেল শেংবা অমসুং অরোন-অথুপ লৈতবা অসি য়াম্না মরুওই। য়াইফ-থৌরাং স্কিমশিংগী লুপা করোর লাখ কয়া চাদিং তৌরবসু শেঞ্জা-থুমজা লৈতবা লৈঙাক অমা ওইখি। লায়রবশিংগী লেম্না চেঙ পীনবা লুপা করোর লাখ ৪, লায়রবশিংগী য়ুম শানবা লুপা করোর লাখ ৪ অমসুং য়ুমথোঙ খুদিংদা তোতি ঈশিং ফংহন্নবা লুপা করোর লাখ ৩ হেন্না চাদিং তৌখ্রে। করিগুম্বা পুকচেল শেংবা তেক্স থিবা মীওই অমগী শিকি অমা ফোবা মীয়ামগী য়াইফনবা অমসুং লৈবাক্কী য়াইফনবা শীজিন্নরবদি, মদু অফবা লৈঙাক্নি। অফবা লৈঙাক লাকপদগী মীওই করোর ১৩.৫ লায়রবা কোক্লে। অমম্বদা লৈরম্বা জিলা ১১০ এস্পিরেসনেল দিস্ত্রিক প্রোগ্রামনা অওনবা পুরকখ্রে। হৌজিক চপ মান্নবা মীৎয়েং এস্পিরেসনেল ব্লোকশিংদা থম্লে।
শ্রী মোদীনা হায়খি ৱাখল্লোন অমসুং থবক তৌবগী মওং হোংবদা ফলশিংশু অহোংবা পুরকই। ভাইব্রন্ত ভিলেজ স্কিম্না ঙমখৈগী শরুকশিং চাউখৎনবা মীৎয়েং চঙলে। মহৌশাগী ওইবা অমাং-অতাশিং নত্ত্রগা খুদোংথিবা লাকপদা সরকারনা য়াংনা মতেং পাংলে অমসুং কোবিদ লাইচৎ মনুং অমসুং য়ুক্রেন লান্দা সরকারনা তেংবাংগী পীবগী থবকশিং পাংথোকখি। লৈবাক ঙাকপদা অহোংবা পুরকপা অসিনা হৌজিক খুন্নাইগী ৱাখল খনবদসু অহোংবা পুরক্লে। মীয়াম অমসুং সরকারগী মরক্তা থাজনবা হেনগৎলে। মসিগী থাজবা অসি লৈবাক অসিগী মশানা মশাবু থাজবদা মমি তারে অমসুং অজাদি কা অমৃত কালদা চাউখৎলবা ভারত অমা শেমগৎনবা থৌনা অমা ওইরে।
লোইশিল্লকপদা, প্রধান মন্ত্রীনা হায়খি মহামনা অমসুং অতল জিগী ৱাখলশিং খঙদুনা অজাদি কা অমৃত কালদা চাউখৎলবা ভারত অমা ওইহন্নবা মঙলান মঙফাওনহনগদবনি। খাংবা কনবগা লোয়ননা মাইপাকপগী লম্বীদা লৈবাক অসিগী মীওই খুদিংমক্না মতেং পাংগনি হায়বগী থাজবা থম্লি।
থৌরম অদুদা শরুক য়াখিবশিংগী মনুংদা ইনফোর্মেসন অমসুং ব্রোদকাস্তিংগী য়ুনিয়ন মিনিস্তর শ্রী অনুরাগ থাকুর, লোল অমসুং জর্জতিসগী য়ুনিয়ন মিনিস্তর শ্রী অর্জুন রাম মেঘৱাল, মহামনা মালবিয়া মিসনগী সেক্রেতরি শ্রী প্রভুনরয়ান শ্রীভাস্তবা অমসুং পন্দিৎ মদন মোহন মালবিয়া সমপুরনা বঙ্গামেগী চীফ ইদিতর শ্রী রামবহাদুর রাইনা য়াওখি।
নুঙগীৱারোল
অমৃত কালদা, লৈবাক অসিগীদমক কৎথোকখিবা নিংতম লান্মীশিং মপুংফানা ইকায়খুম্নবা উৎপা হায়বসি প্রধান মন্ত্রীগী পান্দমনি। ‘কল্লেক্তেৎ ৱার্কস ওফ পন্দিৎ মন্দন মোহন মালবিয়া’ অসি মাইকৈ অসিদা থাংজিনবা থবক অমনি।
ভোলুম ১১গী ইংলিস অমসুং হিন্দী অনিমক্কী লাইরিক অসি লমায় ৪,০০০ রোম পাল্লি অমসুং লৈবাক অসিগী মফম খুদিংমক্তগী খোমজিনবা পন্দিৎ মোহন মালবিয়াগী খুৎইশিং অমসুং ৱারোলশিংগী খোমজিনবা অমনি। হায়রিবা ভোলুমশিং অসিদা মহাক্কী ফোঙদ্রিবা চিথিশিং, আর্তিকলশিং অমসুং ৱারোলশিং, মেমোরেন্দমশিং; মহাক্না ১৯০৭দা হৌদোকখিবা হিন্দীগী চয়োলগী চেফোঙ ‘অভয়ুদয়া’গী ইদিতোরিএলশিং; মতম মতমগী মতুংইন্না মহাক্না ইবা পম্ফলেতশিং অমসুং লাইরিকমচাশিং; ১৯০৩ অমসুং ১৯১০গী মরক্তা অগ্রাগী য়ুনাইতেদ প্রোভিন্সকী লেজিসলেতিপ কাউন্সিলদা পীখিবা ৱারোলশিং; রোয়াল কম্মিসনগী মমাঙদা পীখিবা ৱারোলশিং; ১৯১০ অমসুং ১০২০গী মরক্তা ইম্পরিয়েল লেজিসলেতিপ কাউন্সিলদা পুথোকখিবা বীলশিং; বরানস হিন্দু য়ুনিভর্সিতি লিংখৎত্রিঙৈ মমাং অমসুং মতুংদা ইখিবা চিথিশিং, আর্তিকলশিং অমসুং ৱারোলশিং অমসুং মহাক্না ১৯২৩ অমসুং ১৯২৫গী মরক্তা ইখিবা দাইরি অমা য়াওরি।
মহামনা পন্দিৎ মদন মোহন মালবিয়াগী ফিদমশিং অমসুং গুনশিং শন্দোক্নবা কৎথোক্লবা মহৈলোয়শঙ অমা, মহামনা মালবিয়া মিসন্না পন্দিৎ মদন মোহন মালবিয়ানা ইরম্বশিং অমসুং ৱারোলশিং থিজিনবা অমসুং খোমজিনবগী থবক পাংথোকপনি। শক্নাইরবা পাউমী শ্রী রাম বহাদুর রাইনা লুচিংবা মিসনগী কৎথোক্লবা কাংবু অমনা, লোল অমসুং তেক্স শেমদোক-শাদোকপা তৌদনা পন্দিৎ মদন মোহন মালবিয়াগী অশেংবা সাহিত্যগী লমদা থবক তৌরি। ইনফোর্মেসন অমসুং ব্রোদকাস্তিং মিনিস্ত্রিগী মখাদা লৈবা পব্লিকেসন দিবিজন্না হায়রিবা লাইরিকশিং অসি ফোঙবনি।
***
(Release ID: 1990335)
Visitor Counter : 55
Read this release in:
Kannada
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam