ਡਾ. ਜਿਤੇਂਦਰ ਸਿੰਘ, ਕੇਂਦਰੀ ਵਿਗਿਆਨ ਅਤੇ ਟੈਕਨੋਲੋਜੀ ਰਾਜ ਮੰਤਰੀ (ਸੁਤੰਤਰ ਚਾਰਜ); ਪ੍ਰਧਾਨ ਮੰਤਰੀ ਦਫ਼ਤਰ ਵਿੱਚ ਰਾਜ ਮੰਤਰੀ; ਪਰਸੋਨਲ, ਜਨਤਕ ਸ਼ਿਕਾਇਤਾਂ ਅਤੇ ਪੈਨਸ਼ਨਾਂ  ਰਾਜ ਮੰਤਰੀ; ਪਰਮਾਣੂ ਊਰਜਾ ਵਿਭਾਗ ਅਤੇ ਪੁਲਾੜ ਰਾਜ ਮੰਤਰੀ, ਭਾਰਤ ਸਰਕਾਰ ਉੱਤਰੀ ਬਲਾਕ, ਨਵੀਂ ਦਿੱਲੀ ਵਿਖੇ ਸੁਸ਼ਾਸਨ ਦਿਵਸ ਨੂੰ ਲਾਂਚ ਅਤੇ ਉਦਘਾਟਨ ਕਰਨਗੇ।

ਇਸ ਖਾਸ ਮੌਕੇ 'ਤੇ ਡਾ. ਜਿਤੇਂਦਰ ਸਿੰਘ ਆਈਜੀਓਟੀ ਕਰਮਯੋਗੀ ਪਲੈਟਫਾਰਮ 'ਤੇ 3 ਨਵੀਆਂ ਵਿਸ਼ੇਸ਼ਤਾਵਾਂ ਲਾਂਚ ਕਰਨਗੇ: ਮਾਈ ਆਈਜੀਓਟੀ, ਬਲੈਂਡਡ ਪ੍ਰੋਗਰਾਮ ਅਤੇ ਕਿਉਰੇਟਿਡ ਪ੍ਰੋਗਰਾਮ।

ਮਾਈ ਆਈਜੀਓਟੀ ਵਿਅਕਤੀਗਤ ਅਧਿਕਾਰੀ ਦੇ ਹੋਮ ਪੇਜ 'ਤੇ ਟੀਚਾਗਤ ਸਿਖਲਾਈ ਕੋਰਸ ਪ੍ਰਦਾਨ ਕਰਦਾ ਹੈ, ਜੋ ਸਿੱਧੇ ਤੌਰ 'ਤੇ ਉਸ ਅਧਿਕਾਰੀ ਦੀਆਂ ਵਿਲੱਖਣ ਸਮਰੱਥਾ ਨਿਰਮਾਣ ਲੋੜਾਂ ਨੂੰ ਪੂਰਾ ਕਰਦਾ ਹੈ ਜਿਵੇਂ ਕਿ ਉਨ੍ਹਾਂ ਦੇ ਮੰਤਰਾਲਿਆਂ/ਵਿਭਾਗਾਂ ਲਈ ਸਮਰੱਥਾ-ਨਿਰਮਾਣ ਯੋਜਨਾ ਵਿੱਚ ਚਿੰਨ੍ਹਤ ਕੀਤਾ ਗਿਆ ਹੈ। ਇਸ ਨਾਲ ਉੱਚ ਵਿਅਕਤੀਗਤ, ਕੇਂਦਰਿਤ ਅਤੇ ਟੀਚਾਗਤ ਸਮਰੱਥਾ-ਨਿਰਮਾਣ ਦੀ ਸਹੂਲਤ ਮਿਲਦੀ ਹੈ, ਜਿਸ ਨਾਲ ਵਿਅਕਤੀਗਤ ਅਤੇ ਸੰਗਠਨਾਤਮਕ ਮੁਹਾਰਤ ਦੀਆਂ ਜ਼ਰੂਰਤਾਂ ਦੇ ਵਿਚਕਾਰ ਬਿਲਕੁਲ ਦਰੁਸਤ ਸਬੰਧ ਯਕੀਨੀ ਬਣਦਾ ਹੈ। ਇਸ ਪਲੈਟਫਾਰਮ 'ਤੇ ਉਪਲਬਧ 830 ਉੱਚ ਗੁਣਵੱਤਾ ਵਾਲੇ ਈ-ਲਰਨਿੰਗ ਕੋਰਸਾਂ ਦੇ ਨਾਲ ਹੁਣ ਤੱਕ 28 ਲੱਖ ਤੋਂ ਵੱਧ ਉਪਭੋਗਤਾ ਪਲੈਟਫਾਰਮ 'ਤੇ ਸ਼ਾਮਲ ਹੋ ਚੁੱਕੇ ਹਨ।

ਆਈਜੀਓਟੀ-ਕਰਮਯੋਗੀ ਪਲੈਟਫਾਰਮ 'ਤੇ ਲਿਆਂਦੇ ਗਏ ਪ੍ਰੋਗਰਾਮ ਅਧਿਕਾਰੀਆਂ ਦੀਆਂ ਗਤੀਸ਼ੀਲ ਸਿਖਲਾਈ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਸਾਰੇ ਪੱਧਰਾਂ 'ਤੇ ਸਿਖਲਾਈ ਵਿਧੀਆਂ ਤੱਕ ਬਰਾਬਰ ਪਹੁੰਚ ਦੀ ਸਹੂਲਤ ਪ੍ਰਦਾਨ ਕਰਨਗੇ। ਬਲੈਂਡਡ ਪ੍ਰੋਗਰਾਮ ਔਨਲਾਈਨ ਸਿਖਲਾਈ ਦੇ ਭਾਗਾਂ ਦੇ ਨਾਲ ਰਵਾਇਤੀ ਔਫਲਾਈਨ (ਵਿਅਕਤੀਗਤ) ਕਲਾਸਰੂਮ ਕੋਰਸਾਂ ਨੂੰ ਜੋੜਦੇ ਹਨ। ਇਹ ਅਧਿਕਾਰੀਆਂ ਅਤੇ ਫੈਕਲਟੀ ਨੂੰ ਔਨਲਾਈਨ ਕੋਰਸਾਂ ਦੀ ਲਚਕਤਾ ਅਤੇ ਸਹੂਲਤ ਦਾ ਲਾਭ ਉਠਾਉਣ ਦੇ ਯੋਗ ਬਣਾਉਂਦਾ ਹੈ ਅਤੇ ਕਲਾਸਰੂਮ ਵਿੱਚ ਆਹਮੋ-ਸਾਹਮਣੇ ਗੱਲਬਾਤ ਦੇ ਅਨਮੋਲ ਲਾਭਾਂ ਨੂੰ ਬਰਕਰਾਰ ਰੱਖਦਾ ਹੈ।

ਆਈਜੀਓਟੀ ਕਰਮਯੋਗੀ 'ਤੇ ਚੁਣੇ ਗਏ ਪ੍ਰੋਗਰਾਮਾਂ ਨੂੰ ਮੰਤਰਾਲਿਆਂ/ਵਿਭਾਗਾਂ ਅਤੇ ਸਿਖਲਾਈ ਸੰਸਥਾਵਾਂ ਦੀਆਂ ਵਿਭਿੰਨ ਸਿੱਖਣ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਕੋਰਸ ਪ੍ਰਦਾਤਾ ਇੱਕ ਅਨੁਕੂਲ ਸਿਖਲਾਈ ਯਾਤਰਾ ਪ੍ਰਦਾਨ ਕਰਨ ਲਈ ਇੱਕ ਪ੍ਰੋਗਰਾਮੇਟਿਕ ਪਹੁੰਚ ਨਾਲ ਆਈਜੀਓਟੀ ਦੇ ਭੰਡਾਰ ਤੋਂ ਸੰਬੰਧਿਤ ਸਮੱਗਰੀ, ਸਰੋਤਾਂ ਅਤੇ ਮੁਲਾਂਕਣਾਂ ਨੂੰ ਤਿਆਰ ਕਰਨ ਦੇ ਯੋਗ ਹੋਣਗੇ।

ਇਸ ਵਿਸ਼ੇਸ਼ ਦਿਨ 'ਤੇ, ਡਾ. ਜਿਤੇਂਦਰ ਸਿੰਘ ਕਰਮਯੋਗੀ ਡਿਜੀਟਲ ਲਰਨਿੰਗ ਲੈਬ (ਕੇਡੀਐੱਲਐੱਲ) ਦੁਆਰਾ ਡੀਓਪੀਟੀ ਦੀ ਸਾਲਾਨਾ ਸਮਰੱਥਾ ਨਿਰਮਾਣ ਯੋਜਨਾ (ਏਸੀਬੀਪੀ) ਦੇ ਹਿੱਸੇ ਵਜੋਂ ਦੋ ਮਹੀਨਿਆਂ ਦੇ ਅਰਸੇ ਵਿੱਚ ਵਿਕਸਤ ਕੀਤੇ ਗਏ 12 ਡੋਮੇਨ ਵਿਸ਼ੇਸ਼ ਸਮਰੱਥਾ ਨਿਰਮਾਣ ਈ-ਲਰਨਿੰਗ ਕੋਰਸ ਵੀ ਲਾਂਚ ਕਰਨਗੇ। ਡੀਓਪੀਟੀ ਕੇਡੀਐੱਲਐੱਲ ਦਾ ਉਦਘਾਟਨ ਮਾਨਯੋਗ ਰਾਜ ਮੰਤਰੀ (ਪੀਪੀ) ਦੁਆਰਾ ਅਗਸਤ 2021 ਵਿੱਚ ਸਿਵਲ ਸੇਵਕਾਂ ਦੀ ਸਮਰੱਥਾ ਨੂੰ ਵਧਾਉਣ ਲਈ ਈ-ਲਰਨਿੰਗ ਕੋਰਸ ਵਿਕਸਿਤ ਕਰਨ ਲਈ ਕੀਤਾ ਗਿਆ ਸੀ। ਡੀਓਪੀਟੀ ਲਈ ਸਲਾਨਾ ਸਮਰੱਥਾ ਨਿਰਮਾਣ ਯੋਜਨਾ 27 ਸਤੰਬਰ 2023 ਨੂੰ ਮਾਨਯੋਗ ਮੰਤਰੀ ਡਾ. ਜਿਤੇਂਦਰ ਸਿੰਘ ਵਲੋਂ ਲਾਂਚ ਕੀਤੀ ਗਈ ਸੀ। ਇਹ 12 ਕੋਰਸ ਨਾ ਸਿਰਫ਼ ਡੀਓਪੀਟੀ ਵਿੱਚ ਕੰਮ ਕਰਦੇ ਸਿਵਲ ਸੇਵਕਾਂ ਦੀਆਂ ਡੋਮੇਨ ਯੋਗਤਾ ਲੋੜਾਂ ਨੂੰ ਸਿੱਧੇ ਤੌਰ 'ਤੇ ਪੂਰਾ ਕਰਨਗੇ, ਸਗੋਂ ਹੋਰ ਸਰਕਾਰੀ ਸੰਸਥਾਵਾਂ ਨੂੰ ਰੋਜ਼ਾਨਾ ਦੇ ਆਧਾਰ 'ਤੇ ਕੰਮਕਾਜੀ ਮਾਮਲਿਆਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਸੰਭਾਲਣ ਵਿੱਚ ਮਦਦ ਕਰਨਗੇ।

ਡਾ. ਜਿਤੇਂਦਰ ਸਿੰਘ ਕੇਂਦਰੀ ਸਕੱਤਰੇਤ ਵਿੱਚ ਮੱਧ ਪ੍ਰਬੰਧਨ ਸਿਵਲ ਸੇਵਕਾਂ ਦੀ ਸਮਰੱਥਾ ਨਿਰਮਾਣ ਲਈ ਵਿਕਾਸ (VIKAS-ਵੇਰੀਏਬਲ ਅਤੇ ਇਮਰਸਿਵ ਕਰਮਯੋਗੀ ਐਡਵਾਂਸਡ ਸਪੋਰਟ) ਨਾਮਕ ਇੱਕ ਨਵਾਂ ਮਿਸ਼ਰਤ ਸਿਖਲਾਈ ਪ੍ਰੋਗਰਾਮ ਵੀ ਲਾਂਚ ਕਰਨਗੇ। ਵਿਕਾਸ ਆਈਜੀਓਟੀ ਦੇ ਨਾਲ ਇੱਕ ਮਿਸ਼ਰਤ ਪ੍ਰੋਗਰਾਮ ਹੈ, ਜਿਸ ਵਿੱਚ ਕੇਂਦਰ ਸਰਕਾਰ ਵਿੱਚ ਲੋੜੀਂਦੀ ਕਾਰਜਸ਼ੀਲ, ਵਿਹਾਰਕ ਅਤੇ ਤਕਨੀਕੀ ਯੋਗਤਾਵਾਂ ਦੇ ਵਿਕਾਸ 'ਤੇ ਧਿਆਨ ਕੇਂਦਰਿਤ ਕਰਦੇ ਹੋਏ 33 ਘੰਟੇ ਆਈਐੱਸਟੀਐੱਮ 'ਤੇ 30 ਘੰਟੇ ਦੀ ਔਫਲਾਈਨ ਸਿਖਲਾਈ ਸ਼ਾਮਲ ਹੈ।

*****

ਐੱਸਐੱਨਸੀ/ਪੀਕੇ