ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಕಳೆದ ಅಂದರೆ 2023ರ ಅಕ್ಟೋಬರ್ 31ರಂದು ದೇಶದ ಯುವಕರಿಗಾಗಿ ʻಮೇರಾ ಯುವ ಭಾರತ್ (ಎಂವೈ ಭಾರತ್)' ವೇದಿಕೆಗೆ ನವದೆಹಲಿಯ ಕರ್ತವ್ಯ ಪಥ್‌ನಲ್ಲಿ ಚಾಲನೆ ನೀಡಿದ್ದರು. ಅದು ಯುವ ಸಬಲೀಕರಣ ಮತ್ತು ಯುವಜನತೆಗೆ ಪ್ರಮುಖವಾದ, ತಂತ್ರಜ್ಞಾನ-ಚಾಲಿತ ಸೌಲಭ್ಯವಾಗಿ ರೂಪಿಸಲಾದ ವೇದಿಕೆಯಾಗಿದ್ದು ಆ ಮೂಲಕ ಯುವಜನರು ತಮ್ಮ ಆಕಾಂಕ್ಷೆಗಳನ್ನು ಸಾಕಾರಗೊಳಿಸಲು ಮತ್ತು "ವಿಕ್ಷಿತ್ ಭಾರತ್" (ಅಭಿವೃದ್ಧಿ ಹೊಂದಿದ ಭಾರತ) ರಚನೆಗೆ ಕೊಡುಗೆ ನೀಡಲು ಸಮಾನ ಅವಕಾಶಗಳನ್ನು ಒದಗಿಸುವ ಪ್ರಮುಖ ಗುರಿಯೊಂದಿಗೆ ಮುನ್ನಡೆಸಿದ್ದರು. ಇದು ʻಫಿಜಿಟಲ್ ಪ್ಲಾಟ್‌ಫಾರ್ಮ್' (ದೈಹಿಕ + ಡಿಜಿಟಲ್) ದೈಹಿಕ ಚಟುವಟಿಕೆಯನ್ನು ಒಳಗೊಂಡಿರುವ ಜೊತೆಗೆ ಡಿಜಿಟಲ್ ಸಂಪರ್ಕಕ್ಕೆ ಅವಕಾಶ ನೀಡುವುದು ವಿಶೇಷ.

ದೇಶಾದ್ಯಂತ ಯುವಕರು ʻಎಂವೈ ಭಾರತ್‌ʼ ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳಬಹುದು (https://www.mybharat.gov.in/ ) ಮತ್ತು ಪೋರ್ಟಲ್‌ನಲ್ಲಿ ಲಭ್ಯವಿರುವ ವಿವಿಧ ಅವಕಾಶಗಳು ಮತ್ತು ಈವೆಂಟ್‌ಗಳಿಗೆ ಸೈನ್ ಅಪ್ ಆಗಬಹುದಾಗಿದೆ. 18.12.2023ರವರೆಗೆ ಪೋರ್ಟಲ್‌ನಲ್ಲಿ ಯುವಕರ ನೋಂದಣಿ 26 ಲಕ್ಷ ದಾಟಿದೆ.

ಈ ವೇದಿಕೆ ಬಗ್ಗೆ ವ್ಯಾಪಕ ಪ್ರಚಾರ, ನೋಂದಣಿಗಾಗಿ ಫೇಸ್‌ಬುಕ್, ಎಕ್ಸ್ (ಟ್ವಿಟರ್), ಯೂಟ್ಯೂಬ್, ಕೂ, ಇನ್‌ಸ್ಟಾಗ್ರಾಮ್‌ನಂತಹ ವಿವಿಧ ಸಾಮಾಜಿಕ ಮಾಧ್ಯಮ ವೇದಿಕೆಗಳ ಮೂಲಕ ಮತ್ತು ಯುವ ವ್ಯವಹಾರಗಳ ಇಲಾಖೆಯ ಮೂಲಕ ಉತ್ತೇಜಿಸಲಾಗಿದೆ.

*****