ಗಣಿಬಾಧಿತ ಪ್ರದೇಶಗಳಲ್ಲಿ ಜಿಲ್ಲಾ ಖನಿಜ ಪ್ರತಿಷ್ಠಾನದಿಂದ [ಡಿಎಂಎಫ್] ಅಭಿವೃದ್ಧಿ ಮತ್ತು ಕಲ್ಯಾಣ ಯೋಜನೆಗಳು ಮತ್ತು ಕಾರ್ಯಕ್ರಮಗಳನ್ನು ಅನುಷ್ಠಾನಗೊಳಿಸುವ ಕುರಿತಂತೆ 16.09.2015 ರಂದು ಪ್ರಧಾನ ಮಂತ್ರಿ ಖನಿಜ ಕ್ಷೇತ್ರ ಕಲ್ಯಾಣ ಯೋಜನೆಯ [ಪಿಎಂಕೆಕೆಕೆವೈ] ಮಾರ್ಗಸೂಚಿಯನ್ನು ಗಣಿ ಸಚಿವಾಲಯ ಹೊರಡಿಸಿದೆ. ಪಿಎಂಕೆಕೆಕೆವೈ ಅಡಿ ವಿವಿಧ ಯೋಜನೆಗಳನ್ನು ಕೈಗೆತ್ತಿಕೊಳ್ಳುವ ಕುರಿತಂತೆ ಜಿಲ್ಲಾ ಖನಿಜ ಪ್ರತಿಷ್ಠಾನದಿಂದ ಹಣ ಮಂಜೂರು ಮಾಡಲಾಗಿದೆ. ಪಿಎಂಕೆಕೆಕೆವೈ ಯೋಜನೆ ಪ್ರಕಾರ ಗಣಿಬಾಧಿತ ಪ್ರದೇಶ ಮತ್ತು ಜನರನ್ನು ಗುರುತಿಸುವಂತೆ ಡಿಎಂಎಫ್ ಗಳಿಗೆ ನಿರ್ದೇಶನ ನೀಡಲಾಗಿದೆ. 60% ರಷ್ಟು ಹಣವನ್ನು ಆದ್ಯತಾ ವಲಯಗಳಿಗೆ ವೆಚ್ಚ ಮಾಡುವಂತೆ ಸೂಚಿಸಲಾಗಿದೆ. (i) ಕುಡಿಯುವ ನೀರು ಪೂರೈಕೆ. (ii) ಪರಿಸರ ನಿಯಂತ್ರಣ ಮತ್ತು ಮಾಲೀನ್ಯ ನಿಯಂತ್ರಣ ಕ್ರಮಗಳು, (iii) ಆರೋಗ್ಯ ಆರೈಕೆ; (iv) ಶಿಕ್ಷಣ, (v) ಮಹಿಳೆಯರು ಮತ್ತು ಮಕ್ಕಳ ಕಲ್ಯಾಣ, (vi) ಹಿರಿಯ ನಾಗರಿಕರು ಮತ್ತು ದಿವ್ಯಾಂಗ ಜನರ ಕಲ್ಯಾಣ, (vii) ಕೌಶಲ್ಯಾಭಿವೃದ್ಧಿ: (viii) ನೈರ್ಮಲ್ಯ ಮತ್ತು 40% ರಷ್ಟು ಹಣವನ್ನು ಇತರೆ ಆದ್ಯತೆಗಳಾದ (i) ಭೌತಿಕ ಮೂಲ ಸೌಕರ್ಯ, (ii) ನೀರಾವರಿ: (iii) ಇಂಧನ ಮತ್ತು ಜಲ ಸಂವರ್ಧನೆ ಮತ್ತು (iv) ಗಣಿ ಜಿಲ್ಲೆಯಲ್ಲಿ ಗುಣಮಟ್ಟದ ಪರಿಸರ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಉತ್ತರಪ್ರದೇಶದಲ್ಲಿ ಪ್ರಧಾನ ಮಂತ್ರಿ ಖನಿಜ ಕ್ಷೇತ್ರ ಕಲ್ಯಾಣ ಯೋಜನೆ [ಪಿಎಂಕೆಕೆಕೆವೈ]ಯಡಿ ನಡೆದ ಕಾಮಗಾರಿ ವಿವರಗಳನ್ನು ಅನುಬಂಧ – 1 ರಲ್ಲಿ ನೀಡಲಾಗಿದೆ.

ಜಿಲ್ಲಾ ಖನಿಜ ಪ್ರತಿಷ್ಠಾನಗಳಿಗೆ [ಡಿಎಂಎಫ್] ಗಣಿ ಸಚಿವಾಲಯದಿಂದ ಕೇಂದ್ರದ ಯಾವುದೇ ಅಯವ್ಯಯ ನಿಗದಿ ಮಾಡಲು ಅವಕಾಶವಿಲ್ಲ. ಕೇಂದ್ರ ಸರ್ಕಾರ ನಿಗದಿಪಡಿಸಿದ ನಿಗದಿತ ಶೇಕಡಾವಾರು ರಾಯಧನದ ಪ್ರಕಾರ ಗಣಿಗಾರಿಕೆಗೆ ಗುತ್ತಿಗೆ ಪಡೆದಿರುವವರಿಂದ ಶಾಸನಬದ್ಧ ಕೊಡುಗೆಗಳ ಮೂಲಕ ಡಿಎಂಎಫ್ ಗೆ ಧನ ಸಹಾಯ ನೀಡಲಾಗುತ್ತದೆ.

ಅನುಬಂಧ – 1 ಪ್ರಶ್ನೆಯ ಭಾಗ [ಬಿ]ಗೆ ಉತ್ತರವಾಗಿ ಉಲ್ಲೇಖಿಸಲಾಗಿದೆ

ಸಂಖ್ಯೆ –2887

ಈ ಮಾಹಿತಿಯನ್ನು ಕೇಂದ್ರ ಕಲ್ಲಿದ್ದಲು, ಗಣಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಶ್ರೀ ಪ್ರಹಲ್ಲಾದ್ ಜೋಶಿ ಅವರು ಲೋಕಸಭೆಗೆ ನೀಡಿರುವ ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ.

****