হৌখিবা চহি অহুম অসিদা দের তু দ্রীম (D2D) কন্তেস্তশিংদা ফংখিবা এপ্লিকেসনশিংগী অকুপ্পা মরোলশিং অদু মখাদা শন্দোক্না পীজরিঃ

দের তু দ্রীম (D2D) ১.০ (২০১৯), (D2D) ২.০ (২০২০) অমসুং (D2D) ৩.০ (২০২১) অসি মাই পাক্না পাংথোকখি, হায়রিবা অসিদা এপ্লিকেসন ৫,৬০০ হেন্না ফংখি অমসুং মসিদগী তেক্নোলোজী/ৱাখল্লোন ৮৬ মশক খঙদোকখি অমসুং লনাই ইন্নোভেতরশিং অমসুং স্তার্ত-অপশিংদা লুপা করোর ৩.৯৭ গী মনা শেল পীখি। DRDO নসু তেক্নোলোজী দিবেলপমেন্ত ফন্দ (TDF) স্কিমগী খুথাংদা মখোয়বু প্রোতোতাইপ খঙহন্নবা খ্বাইদগী মনা পীখিবা ৱাখল্লোনশিং অদুবু শৌগৎলি। দের তু দ্রীমগী স্তার্ত-অপ কেতেগোরীগী অথোইবশিং অদুদা TDF স্কিমগী মখাদা পুন্না প্রোজেক্ত নিপালদা লুপা করোর ৬.৯৩ গী মনা পীখি।

লনাই ইন্নোভেতরশিং (চহি ১৮ মথক্কী ভারত মচা) অমসুং স্তার্ত-অপশিং ( প্রোমোসন ওফ ইন্দস্ত্রী & ইন্তর্নেল ত্রেদকী বিভাগতা ভারত মচা ফাউন্দরগা লোইননা রেজিস্তর তৌখ্রবা) না D2D কন্তেস্ততা শরুক য়াবা য়াগনি। D2D কন্তেস্ত অসিদা ফংলিবা এন্ত্রীশিং/এপ্লিকেসনশিং অসি তাঙ্কক অনি থোকপা থৌরাংদা খায়দোকপা য়াইঃ   

দিরেক্তর জেনরেল (মরি লৈনবা তেক্নিকেল ক্লসতর) না মকোক চিংবা দোমেন এক্সপর্ত কম্মিতীনা স্ক্রীন তৌবা।

ইন্দিপেন্দেন্ত এক্সপর্ত কম্মিতীনা শোর্তলিস্ত অমসুং রেঙ্ক খন্দোকপা। খনবগী ক্রাইতেরিয়া অসিদা য়াওরিবশিংদি, তোপ তোপ্পা মগুন, পানবা য়াবা, চৎনবা য়াবা, তেক্নিকেলগী কান্নবা অমসুং মপুং ফাবনি।

D2D গী অথোইবশিং অদু লনাই অমসুং স্তার্ত-অপ কেতেগোরীশিংদা শেলগী মনা পীখি। অথোইবশিং অদুবু হৈশিংবা অমসুং থবক্তা পাংথোকপা য়াবদা য়ুম্ফম ওইদুনা ঙাকশেল মন্ত্রালয়গী দিফেন্স রিসর্চ & দিবেলপমেন্ত ওর্গানাইজেসন (DRDO) গী TDF স্কিমগী মখাদা প্রোতোতাইপশিং খঙনবগীদমক পুক্নিং থৌগৎকনি অমসুং মখা তানা শেন্থং পীথনবগীদমক্তা খন্নগনি।

হায়রিবা ই-পাউ অসি ঙসি লোক সভাদা রকশা রাজ্য মন্ত্রী শ্রী অজয় ভত্তনা শ্রী জি.এম. সিদ্দেশ্বর অমসুং শ্রীমতী পুনম মহাজনদা অইবা পাউখুম ওইনা পীখিবনি।

***