دفاع کے وزیر مملکت جناب اجے بھٹ نے آج لوک سبھا میں جناب جی ایم سدیشور اور محترمہ پونم مہاجن کےسوال کے  تحریری جواب میں بتایا کہ گزشتہ تین سالوں کے دوران ڈیئر ٹو ڈریم (ڈی 2 ڈی ) مقابلوں کے تحت موصول ہونے والی درخواستوں کی تفصیلات درج ذیل ہیں:

ڈیئر ٹو ڈریم (ڈی 2 ڈی) ) 1.0 (2019)، ڈی 2 ڈی)  ( 2.0 (2020 اور ڈی 2 ڈی  ( 3.0 (2021 کامیابی کے ساتھ انجام پا چکے ہیں، جس میں 5,600 سے زیادہ درخواستیں موصول ہوئی ہیں اور ان میں سے 86 ٹیکنالوجیز / آئیڈیاز کو تسلیم کیا گیا ہے اور انفرادی اختراع کرنے والوں اور اسٹارٹ اپس کو 3.97 کروڑ روپے کی انعامی رقم دی گئی ہے ۔  ڈی آر ڈی او  بہترین ایوارڈ یافتہ آئیڈیاز کو ٹیکنالوجی ترقیاتی فنڈ (ٹی ڈی ایف ) اسکیم کے ذریعے اس کی نقل تیار کرنے میں بھی  تعاون   فراہم کرتا ہے ۔  ٹی ڈی ایف  اسکیم کے تحت 6.93 کروڑ روپے کی لاگت سے کل آٹھ پروجیکٹس اسٹارٹ اپ زمرے کے جیتنے والوں کو ڈیئر ٹو ڈریم کے تحت دیے گئے ہیں ۔

انفرادی اختراع کار (ہندوستانی شہری جس کی عمر 18 سال سے زیادہ ہے) اور اسٹارٹ اپس (صنعت اور داخلی تجارت کو فروغ دینے کے محکمے اور ہندستانی بانی کے ساتھ رجسٹرڈ) ڈی 2 ڈی  مقابلہ میں حصہ لینے کے اہل ہیں ۔  ڈی 2 ڈی  مقابلہ کے تحت موصول ہونے والی اندراجات/درخواستوں کی جانچ دو مراحل میں کی جاتی ہے :

ڈائریکٹر جنرل (متعلقہ ٹیکنیکل کلسٹر) کی سربراہی میں ڈومین ایکسپرٹ کمیٹی کے ذریعے اسکریننگ کی جاتی ہے ۔

آزاد ماہرین کی کمیٹی کے ذریعہ شارٹ لسٹ کیا جاتا ہے اور درجہ بندی  کی جاتی ہے۔  انتخاب سے متعلق  معیار ات میں نیاپن، قابل اطلاق، نفاذ، تکنیکی صلاحیت اور پختگی شامل ہیں ۔

ڈی 2 ڈی  جیتنے والوں کو انفرادی اور اسٹارٹ اپ  زمروں میں نقد انعامی رقم سے نوازا جاتا ہے ۔  جیتنے والوں کی حوصلہ افزائی بھی کی جاتی ہے اور میرٹ اور فزیبلٹی کی بنیاد پر وزارت دفاع کی  دفاعی تحقیق و ترقی سے متعلق ادارہ (ڈی آر ڈی او ) کی ٹی ڈی ایف  اسکیم کے تحت پروٹو ٹائپس کے حصول کے لیے فنڈنگ کے لیے مزید غور  و خوض کیا جاتا ہے ۔

*************

ش ح ۔  م ع   ۔  ت ح

U- 2456