সোসিয়েল জস্তিস অমসুং ইম্পৱার্মেন্ত মন্ত্রালয়
পি.এম.-দক্সকী মখাদা ২০২৫ ফাওবদা ত্রেনী ১,৬৯,৩০০ ত্রেনিং ফংগনি, হায়রিবা ত্রেনিংশিং অসিদা লুপা করোর ২৮৬.৪২গী শেনফম শীজিন্নগদৌরি
লৈঙাক্কী ত্রেনিং ইন্সতিত্যুৎ ২৮ অমদি লনাইগী ৮৪ ইম্পেনেল তৌরে
ইম্পেনেল তৌরবা ত্রেনিং ইন্সতিত্যুৎ ১১২গী মরক্তা ত্রেনী তার্গেৎ ৯৫,০০০ হেনবা য়েনথোকখ্রে
তোঙান তোঙানবা কোর্স ২৪৭দা ত্রেনিং তৌনবগীদমক সেক্তর ৮২১দা পি.এম.-দক্স পোর্তেলদা এপ্লিকান্ত ৫৫,০০০ হেনবনা চে থারকখ্রে
Posted On:
08 DEC 2023 11:09AM by PIB Imphal
সোসিএল জস্তিস অমদি ইম্পৱারমেন্ত মন্ত্রালয়গী প্রধান মন্ত্রী দক্সতা ওর কুশল্তা সম্পন্ন হিতগর্হি (পি.এম.-দক্স) য়োজনা অসি ২০২০-২১দা হৌদোকখিবা সেন্ত্রেল সেক্তর স্কীম অমনি। স্কীম অসিগী মরুওইবা পান্দমদি তার্গেৎ গ্রুপশিং হায়বদি এস.সি., ও.বি.সি., ই.বি.সি., দি.এন.তি., ফত্ত-হৌদি খুন্দোকপা য়াওনা সফাই কর্মচারীনচিংবশিংগী কম্পিতেন্সীগী থাক ৱাংখৎহনবা অমদি মখোয়গী খুন্নাই-শেন্মিৎলোন চাওখৎহন্নবগীদমক মশানা মশাবু থবক পীজবা অমদি খুৎশুমলগী থবক তৌবদা শীজিন্নবা য়াবা মীওইশিং ওইহনবনি।
২০২০-২১ মনুংদা, ত্রেনী ৩২,০৯৭ রোম ত্রেন তৌখি, মখোয়গী মনুংদা ত্রেনী ২৪,৬৫২ থবক পীখি। হায়রিবা ত্রেনিংশিং অসিদা চঙখিবা অপুনবা শেন্ফম লুপা করোর ৪৪.৭৯নি। মসিগা মান্ননা, ২০২১-২২দা, ত্রেনী ৪২,০০২ ত্রেন তৌখি, মখোয়গী মনুংদা ত্রেনী ৩১,০৩৩তা থবক পীখি। হায়রিবা ত্রেনিংশিং অসিদা লুপা করোর ৬৮.২২ চঙখি। ২০২২-২৩দা ত্রেনী ৩৩,০২১ ত্রেন তৌখিবগী মনুংদা ত্রেনী ২১,৫৫২দা থবক ফংহনখি। ত্রেনিংশিং অসিগীদমক লুপা করোর ১৪.৯৪গী শেনফম থাদোকখি। মতৌ অসুম্না, শেনবা চহি ২০২০-২১ দগী ২০২২-২৩ ফশওবদা, ত্রেনী ১,০৭,১২০দা ত্রেনিং পীদুনা মখোয়গী মনুংদা ত্রেনী ৭৭,২৩৭বু থবক ফংহনখি। হায়রিবা ত্রেনিংশিং অসিদা চঙখিবা অপুনবা শেনফম্না লুপা করোর ১২৭.৯৫নি।
মতৌ অসুম্না, ২০২৩-২৪ দগী ২০২৫-২৬ ফাওবদা, ত্রেনী ১,৬৯,৩০০ (২০২৩, ২০২৪, ২০২৫দা মথঙশিৎনা ত্রেনী ৫৩,৯০০, ৫৬,৪৫০ অমদি ৫৮,৯৫০ য়াওরগা) ত্রেনী তৌনবা থৌরাং তৌরি। হায়রিবা ত্রেনিংশিং অসিগীদমক লুপা করোর ২৮৬.৪২গী অপুনবা শেনফম চাদিং তৌরবা য়াই।
২০২৩-২৪ মনুংদা, লৈঙাক্কী ত্রেনিং ইন্সতিত্যুৎ ২৮ অমদি লনাইগী ৮৪ হায়রিবা স্কীম অসি পায়খৎনবগীদমক ইম্পেনেল তৌখ্রে। ইম্পেনেল তৌরবা ইন্সতিত্যুৎ ১১২ হেনবদা ত্রেনী তার্গেৎ ৯৫,০০০ হেনববু য়েনথোকখ্রে।
চহিগী ওইনা ইন্সতিত্যুৎশিং ইম্পেনেল তৌবগী থৌওং মখা চত্থদ্রে অমদি হৌজিক্তি ইন্সতিত্যুৎশিং অসি, ফীজিকেল অমদি শেলথুমগী ওইবা পেন্নিংঙাই ওইবা খোঙজেল অমদি স্কীম অসি পায়খৎপদা অরানবা থৌওং ইন্সতিত্যুৎশিংনা শীজিন্নদবগী মতুং ইন্না, য়ামদ্রবদা চহি অহুমগী ওইনা ইম্পেনেল তৌরে।
অহানবা ওইনা, স্তেত, দিস্ত্রিক্ত, জোব রোলনচিংবশিংগী চাকথুং য়েন্থোকপদা, অরোন অথুপ লৈতবা থৌওং অমা শীজিন্নরে মসিনা মরম ওইরগা এস্পিরেস্নেল দিস্ত্রিক্ত ৮২ য়াওনা দিস্ত্রিক্ত ৪১১ থবক পায়খৎনবগীদমক কোনশিল্লে।
মখা তানা, হায়রিবা ত্রেনিং ইন্সতিত্যুৎশিং অসিদা খ্বায়দগী নৌবা জোব রোলশিং য়েন্থোক্লে।
হৌজিক লৈরিবা ত্রেনিং সেক্তর ৩৮গী মনুংদা সেক্তর ৩২বু কোনশিন্দুনা মসিনা ত্রেনিং তৌবা পাম্লিবা কেন্দিদেৎশিংদা মখল মখা কয়াগী ত্রেনিংগী খুদোংচাবশিং ফংহনগনি অমদি মখোয়দা হেন্না ফবা থবক পীননবগী ফীভম ফংহনবদা মতেঙ ওইগনি হায়না খন্নরি।
তোঙান তোঙানবা কোর্স ২৪৭দা ত্রেনিং তৌনবগীদমক সেক্তর ৮২১দা পি.এম.-দক্স পোর্তেলদা এপ্লিকান্ত ৫৫,০০০ হেনবনা চে থারকখ্রে।
হায়রিবা এপ্লিকান্ত ৫৫,০০০ হেনবা সিগী মনুংদা, এপ্লিকান্ত ৩৭,০০০ হেনবদি ত্রেনিং অসিগী মরুওইবা তার্গেৎ গ্রুপশিংগী মনুংদা অমা ওইরিবা নুপীশিংনি। ত্রেনিংগী বেতচ ৫৭৪ হান্ননা শেমদোক্তুনা থমখ্রে অমদি মখোয়শিং অসি ত্রেনিং হৌননবা শেম শারে। ত্রেনিং অসি দিসেম্বর ২০২৩ মনুংমক্তদা সেংসন তৌখ্রবা সেন্তর পুম্নমক্তা হৌরবা য়াই।
পি.এমো-দক্স স্কীম
য়োজনা: প্রধান মন্ত্রী দক্সতা ওর কুশল্তা সম্পন্ন হিতগর্হি (পি.এম.-দক্স) য়োজনা অসি ২০২০-২১দা হৌদোকখিবা সেন্ত্রেল সেক্তর স্কীম অমা।
স্কীম অসিগী পান্দম: স্কীম অসিগী মরুওইবা পান্দমদি তার্গেৎ গ্রুপশিংগী কম্পিতেন্সীগী থাক ৱাংখৎহনবা অমদি মখোয়গী খুন্নাই-শেন্মিৎলোন চাওখৎহন্নবগীদমক মশানা মশাবু থবক পীজবা অমদি খুৎশুমলগী থবক তৌবদা শীজিন্নবা য়াবা মীওইশিং ওইহনবনি।
তার্গেৎ গ্রুপ: এস.সি., ও.বি.সি., ই.বি.সি., দি.এন.তি., ফত্ত-হৌদি খুন্দোকপা য়াওনা সফাই কর্মচারীনচিংবশিং
চহিগী ক্রাইতেরিওন: চহি ১৮-৪৫
ইনকম ক্রাইতেরিয়া: এস.সি., ফত্ত-হৌদি খুন্দোকপা য়াওনা সফাই কর্মচারীনচিংবশিং অমদি দি.এন.তি.: ইনকমগী লিমিৎ লৈতে।
ও.বি.সি.: চহিগী ইমুংগী শেন্থোক লুপা লাখ ৩গী মখাদা লৈবা।
ই.বি.সি.: চহিগী ইমুংগী শেন্থোক লুপা লাখ ১গী মখাদা লৈবা।
স্কীম অসি চহি কাঙলুপ ১৮-৪৫গী মনুংদা লৈবা ভারত মচাশিংগীনি।
এস.সি., ফত্ত-হৌদি খুন্দোকপা য়াওনা সফাই কর্মচারীনচিংবশিং অমদি দি.এন.তি.: ইনকমগী লিমিৎ লৈতে, ও.বি.সি.শিংগীনা চহিগী ইমুংগী শেন্থোক লুপা লাখ ৩গী মখাদা লৈগদবনি, অমদি ই.বি.সি.শিংগীনা চহিগী ইমুংগী শেন্থোক লুপা লাখ ১গী মখাদা লৈগদবনি।
পি.এম.-দক্স স্কীমগী মখাদা তার্গেত গ্রুপশিং মখাদা পীরিবা সব-কেতগরীশিং অসিদা চাউরাক্না ত্রেন তৌই:
১. অপ-স্কিল্লিং/রিস্কিল্লিং (পুং ৩৫ দগী ৬০ ফাওবা/ নুমিৎ ৫ দগী ৩৫ ফাওবা):- লুপা ৩০০০/- দগী লুপা ৮০০০/- ফাওবা
২. সোর্ত তর্ম ত্রেনিং (পুং ৩০০/ থা ৩):- লুপা ২২,০০০/-
৩. ওন্ত্রপ্রিন্যুরসিপ দিভেলপমেন্ত প্রোগ্রাম (পুং ৯০/ নুমিৎ ১৫):- লুপা ৭০০০/-
৪. লোং তর্ম ত্রেনিং (পুং ৬৫০/ থা ৭):- লুপা ৪৫,০০০/-
স্কিল দিভেলপমেন্ত অমদি ওন্ত্রপ্রিন্যুরসিপ মন্ত্রালয়গী কমন কাঙলোনগী মতুং ইন্না ত্রেনিংগী শেঞ্জং অসি কোর্সকী মতমগী মতুং ইন্না খেন্নৈ। ফত্ত-হৌদি খুন্দোকপশিং য়াওনা সফাই কর্মচারীশিংগী অপ-স্কিল্লিং কেন্দিদেৎ অমমমদা লুপা ৩০০০/-গা লোয়না পুং ৩৫/নুমিৎ ৫নিগীনি।
ত্রেনীশিংদা চঙগদবা ত্রেনিংগী শেঞ্জং: শেল চঙলোই।
স্তাইপেন্দ: সোর্ত তর্ম অমদি লোং তর্ম ত্রেনিং কোর্সশিংগী ওইনা এস.সি. অমদি সফাই কর্মচারীশিংগী থাদা লুপা ১,৫০০/- অমদি ও.বি.সি./ই.বি.সি./দি.এন.তি.শিংগীনা থাদা লুপা ১,০০০/- নি।
অপস্কিল্লিং/রিস্কিল্লিং প্রোগ্রামশিংগীদমক এস.সি./ও.বি.সি./ই.বি.সি./দি.এন.তি. কেন্দিদেতশিংদা কেন্দিদেৎ অমমমদা খুৎশুমলগী কম্পেন্সেসন লুপা ২৫০০/ পীগনি। অপস্কিল্লিং প্রোগ্রামগী ওইনা সফাই কর্মাচারীশিংগী কেন্দিদেৎ অমমমদা খুৎশুমলগী কম্পেন্সেসন লুপা ৫০০/- পীগনি।
****
(Release ID: 1984103)
Visitor Counter : 79