حکومت نے لیگل سروسز اتھارٹیز (ایل ایس اے ) ایکٹ 1987 کے تحت نیشنل لیگل سروسز اتھارٹی (این اے ایل ایس اے ) قائم کی ہے تاکہ  معاشرے کے کمزور طبقات کو مفت اور قابل قانونی خدمات فراہم کی جا سکیں جیسا کہ ایکٹ کے سیکشن 12 کے تحت آتا ہے۔ اس مقصد کے لیے تعلقہ کورٹ کی سطح سے لے کر سپریم کورٹ تک قانونی خدمات کے ادارے قائم کیے گئے ہیں۔ اپریل 2023 سے ستمبر 2023 کے دوران 7.45 لاکھ افراد کو مفت قانونی خدمات فراہم کی گئی ہیں اور 4.02 کروڑ سے زیادہ مقدمات (عدالتوں میں زیر التوا اور مقدمے کی سماعت سے پہلے کے مرحلے پر تنازعات) اپریل 2023 سے ستمبر 2023 تک لوک عدالتوں کے ذریعے طے پا گئے ہیں۔ حکومت گرانٹس ان ایڈ کی شکل میں قانونی خدمات کے حکام/ اداروں کو مضبوط کرنے کے لیے تمام تعاون فراہم کرتی ہے۔ گرانٹ ان ایڈ کے تحت فنڈز حکومت کی طرف سے این اے ایل ایس اے  کو سالانہ بنیادوں پر مختص اور جاری کیے جاتے ہیں۔

اس کے علاوہ ، انصاف تک رسائی پر ایک اسکیم جس کا عنوان ہے ‘‘ہندوستان میں انصاف تک مکمل رسائی کے لیے اختراعی حل تیار کرنا’’ حکومت ہند کی طرف سے نافذ کیا گیا ہے جس کا مقصد ٹیلی لا کے ذریعے قانونی چارہ جوئی سے پہلے کے مشورے اور مشاورت کو مضبوط کرنا ہے۔ نیائے بندھو (پرو بونو قانونی خدمات) پروگرام کے ذریعے پرو بونو قانونی خدمات کی فراہمی اور پین انڈیا قانونی خواندگی اور قانونی بیداری پروگرام کے ذریعے شہریوں کو بااختیار بنانے کے لیے پین - انڈیا تقسیم کے  فریم ورک کو یقینی بنانا ہے۔ یہ اسکیم ٹیکنالوجی کے استعمال کو سرایت کرتی ہے اور علاقائی/مقامی بولی میں سیاق و سباق کے مطابق آئی ای سی  (معلومات، تعلیم اور مواصلات) کے مواد کو تیار کرتی ہے تاکہ اس کی مداخلت کی حمایت کی جا سکے اور معاشرے کے غریب اور کمزور طبقوں تک قانونی خدمات تک آسان رسائی حاصل کی جا سکے۔

ٹیلی لا سروس یعنی قانون کی مواصلاتی خدمات ، کامن سروس سینٹرز پر دستیاب ٹیلی/ویڈیو کانفرنسنگ سہولیات اور ٹیلی-لا سٹیزن موبائل ایپلیکیشن کے ذریعے فائدہ اٹھانے والے کو وکیل سے جوڑنے کی کوشش کرتی ہے۔ 30 نومبر 2023 تک، ٹیلی لا کی خدمات 36 ریاستوں اور مرکز کے زیر انتظام علاقوں کے 766 اضلاع میں 2.5 لاکھ گرام پنچایتوں میں دستیاب ہیں اور اس نے 60,23,222 مستفیدین کو قانونی مشورے دئے ہیں، جن میں خواتین، بچے، درج فہرست ذات، درج فہرست قبائل وغیرہ شامل ہیں۔ بندھو پلیٹ فارم نیا ئےبندھو ایپلیکیشن (اینڈروئیڈ/آئی او ایس پر دستیاب) پر دلچسپی رکھنے والے پرو بونو ایڈوکیٹس اور قانونی خدمات اتھارٹیز ایکٹ، 1987 کے سیکشن 12 کے تحت مفت قانونی مدد  کے حقدار رجسٹرڈ مستفیدین کے درمیان بغیر کسی رکاوٹ کے رابطے کو قابل بناتا ہے۔ 30 نومبر، 2023 تک، 10,629 پرو بونو ایڈووکیٹ ہیں اور 89 لاء اسکولوں نے قانون کے طلباء میں پرو بونو کی ثقافت کو آسان بنانے کے لیے پرو بونو کلبز بنائے ہیں۔ اسکیم کے تحت یہ تمام خدمات معاشرے کے کمزور طبقات کے تمام شہریوں کو مفت فراہم کی جاتی ہیں۔

یہ معلومات وزارت قانون اور انصاف کے وزیر مملکت (آزادانہ چارج) ،پارلیمانی امور کی وزارت میں وزیر مملکت؛ ثقافت کی وزارت کے وزیر مملکت جناب  ارجن رام میگھوال نے آج لوک سبھا میں ایک تحریری جواب میں دی۔

۔۔۔۔۔۔۔۔۔۔

ش ح۔ ا م۔

U- 2040