امور داخلہ کی وزارت
داخلی امور اور امداد باہمی کے مرکزی وزیر جناب امت شاہ نے کہا ہے کہ میں آندھرا پردیش اور تمل ناڈو میں شدید سمندری طوفان مِگ جام سے متاثرہ سبھی لوگوں کی خوشحالی کے لئے دعا کرتا ہوں
جناب امت شاہ نے کہا ہے کہ حکومت اس مشکل گھڑی میں متاثرہ لوگوں کے ساتھ کھڑی ہے اور وہ صورت حال کو جلد سے جلد معمول پر لانے کو یقینی بنائے گی
وزیراعظم نریندر مودی نے چنئی طاس پروجیکٹ سے متعلق شہری علاقوں میں سیلاب کے بندو بست سے متعلق مربوط سرگرمیوں کے لئے 561 کروڑ 29 لاکھ روپے کے این ڈی ایم ایف پروجیکٹ کی منظوری دے دی ہے
داخلی امور اور امداد باہمی کے مرکزی وزیر نے کہا ہے کہ اس میں 500 کروڑ روپے کی مرکزی امداد بھی شامل ہے اور ضرورت کو پورا کرنے والے اس پروجیکٹ سے چنئی کو سیلاب سے نمٹنے والا شہر بنانے میں مدد ملے گی
شہری علاقوں میں سیلاب سے نمٹنے کی بہت سی کوششوں میں یہ پہلی کوشش ہے اور اس سے شہری علاقوں میں سیلاب سے نمٹنے کا ایک وسیع تر فریم ورک تیار کرنے میں مدد ملے گی
ریاستی حکومتوں کو شدید سمندری طوفان مگ جام کی وجہ سے راحت کے کاموں کے لئے وزیراعظم نریندر مودی جی نے وزارت داخلہ کو ہدایت دی ہے کہ وہ آندھرا پردیش کو 493 اعشاریہ چھ صفر کروڑ روپے اور تمل ناڈو کو 450 کرورڑ روپے کی ایس ڈی آر ایف کی دوسری قسط جاری کرے
مرکز کی طرف سے دونوں ریاستوں کو اتنی ہی رقم کی پہلی قسط جاری کی جا چکی ہے
Posted On:
07 DEC 2023 2:47PM by PIB Delhi
وزیر اعظم جناب نریندر مودی نے قدرتی آفات کے بندو بست کے قومی فنڈ این ڈی آر ایف کے تحت 561 اعشاریہ دو نو کروڑ روپے کے ، شہری علاقوں میں سیلاب سے نمٹنے کی پہلی قسط کی رقم کی اجازت دے دی ہے۔ یہ رقم چنئی کے طاس پروجیکٹ کے لئے ، شہری علاقوں میں سیلاب سے نمٹنے کی مربوط سرگرمیوں کے لئے دی جائے گی۔
داخلی امور اور امداد باہمی کے مرکزی وزیر نے ایکس پر اپنی پوسٹ میں کہا ہے کہ چنئی کو بڑے پیمانے پر سیلاب کا سامنا ہے، جو پچھلے 8 سال میں اس طرح کا تیسرا سب سے بڑا حادثہ ہے۔ ہم ایسے اور بھی میٹرو پولیٹن شہروں کی مثالیں دیکھ رہے ہیں، جہاں موسلا دھار بارش ہو رہی ہے، جس کی وجہ سے اچانک سیلاب آرہے ہیں۔ وزیراعظم جناب نریندر مودی نے ایک پیشگی سرگرم طریقے کے تحت ، شہری علاقوں میں سیلاب سے نمٹنے کے پہلے پروجیکٹ کے لئے 561 اعشاریہ دو نو کروڑ روپے کی منظوری دی ہے۔ یہ رقم شہری علاقوں میں سیلاب سے نمٹنے کی مربوط سرگرمیوں پر خرچ کی جائے گی۔ یہ رقم قدرتی آفات سے نمٹنے کے قومی فنڈ این ڈی ایم ایف کے تحت چنئی کے طاس پروجیکٹ کے لئے دی گئی ہے، جس میں 500 کروڑ روپے کی مرکزی امداد بھی شامل ہے۔ ضرورتوں کو پورا کرنے والے اس پروجیکٹ سے چنئی کے علاقے کو سیلاب سے نمٹنے والا علاقہ بنانے میں مدد ملے گی۔ شہری علاقوں میں سیلاب سے نمٹنے کی بہت سی کوششوں میں یہ پہلی کوشش ہے اور اس سے شہری علاقوں میں سیلاب سے نمٹنے کا ایک وسیع تر فریم ورک تیار کرنے میں مدد ملے گی۔
جناب امت شاہ نے کہا کہ شدید سمندری طوفان مگ جام سے تمل ناڈو اور آندھرا پردیش ریاستیں متاثر ہوئی ہیں، اگر چہ یہاں نقصانات کی حد الگ الگ ہے، البتہ ان ریاستوں کے بہت سے علاقے سیلاب کے پانی میں گھر گئے ہیں، جس کی وجہ سے کھڑی فصلوں کو بھی نقصان ہوا ہے۔ ریاستی حکومتوں کو سمندری طوفان کے اثرات سے نمٹنے کے لئے وزیراعظم جناب نریندر مودی نے وزارت داخلہ کو ہدایت دی ہے کہ وہ آندھرا پردیش کو 493 اعشاریہ چھ صفر کروڑ روپے اور تمل ناڈو کو 450 کروڑ روپے کی ایس ڈی آر ایف کی دوسری قسط پیشگی طور پر جاری کرے۔ مرکز دونوں ریاستوں کو اتنی ہی رقم کی پہلی قسط جاری کر چکا ہے۔ مرکزی وزیر داخلہ نے کہا کہ میں سیلاب سے متاثرہ سبھی لوگوں کی حفاظت اور خوشحالی کی دعا کرتا ہوں۔ ہم مشکل کی اس گھڑی میں ان کے ساتھ کھڑے ہیں اور صورت حال کو جلد سے جلد معمول پر لانے کو یقینی بنائیں گے۔
https://x.com/AmitShah/status/1732657441861452031?s=20
۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح- اس - ق ر)
U-1957
(Release ID: 1983522)
Visitor Counter : 67