হৌখিবা নবেম্বর ২৯,২০২৩দা য়ুনাইতেদ নেসনেল লিবরেসন ফ্রন্ত(য়ু এন এল এফ), মনিপুর সরকার অমসুং ভারত সরকারগী মরক্তা শান্তিগী য়ানচে খুৎয়েক পীনখ্রবা মতুংদা, মেজর বোইচা( এন আর এফ এমগী ভাইস চীফ ওফ আর্মি স্তাফ) না লুচিংবা নেসনেল রিভোলুসন্নরি ফ্রন্ত মনিপুর(এন আর এফ এম-মৈতৈ লালহৌলুপ অমা)গী লুচিংব/কেদর ২৫ অমসুং খুৎলায় ২৫ গা লোয়ননা দিশেম্বর ২,২০২৩দা য়ু.এন.এল.এফতা য়াওখ্রে। মসিগা লোয়ননা, লুপ অসিগী মেম্বরশিং হিংসাগী লম্বীদগী খোঙথাং অমা থাংদোরক্লে অমসুং মহৌশাগী পুন্সি ইচেলদা তিল্লে। ওইরক্লিবা ফিবম অসিনা মনিপুরদা শান্তি অমসুং মহৌশাগী পুন্সিদা হঞ্জিল্লক্নবা ভারত সরকারনা পায়খৎলিবা থবকশিংদা অচৌবা শাফু অমা পীরবা য়ারি।

খঙজিনবা য়াবদি, মৈতৈ লালহৌলুপ অমা ওইরিবা কে.সি.পিগী ফেক্সন অহুমগী কেদরশিংনা সেপ্তেম্বর ১১,২০১১দা নেসনেল রিভোলুসন্নরি ফ্রন্ত মনিপুর(এন আর এফ এম) শেমখি। মসিগী অহল ওইরবা লুচিংবশিং য়ুম্লোন্নবা লৈবাক অমদা লৈবা বেজশিংদগী থবক তৌরকখি অমসুং মনিপুর তম্পাক্কী তোঙান-তোঙানবা মফমশিংদা হিংসা অমসুং শেনখায়-থুমখায়গী থবকশিং চৎথখি। ওইরক্লিবা ফিবম অসিদা অতোপ্পা মৈতৈ লালহৌলুপশিং শান্তিগী থবকশিংদা শরুক য়ানবা পুক্নিং থৌগৎপা অমসুং মখোয়না তাল্লিবশিং গনতন্ত্রিক ওইবা মওংদা খন্নবা অসিনা ‘লালহৌবগী ইরাং লৈতবা অমসুং নুংঙাই-য়াইফবা অৱাং-নোংপোক’ ওইনবা মোদী সরকারগী পান্দম ফংবদা ইনোৎ অমা পীরগনি। 

*****