امور داخلہ کی وزارت
امور داخلہ اور امدادِ باہمی کے مرکزی وزیر جناب امت شاہ نے آج گجرات کے جوناگڑھ میں شری دِویہ کانت ناناوٹی جی کی صد سالہ یوم پیدائش کے موقع پر منعقدہ ’اسمرتی پرو‘ پروگرام سے خطاب کیا
شری دِویہ کانت ناناوٹی جی ان لوگوں میں سے ایک تھے جو سماج اور لوگوں کے لیے جیتے تھے
اگر کوئی کسی شخص کو 100 سال بعد بھی یاد کرتا ہے تو اس کا مطلب ہے کہ اس کی زندگی واقعی بامعنی رہی
شری دِویہ کانت ناناوٹی جی نے نہ صرف جوناگڑھ کے عوام کے لیے بلکہ پورے گجرات کے لیے فلاحی کام کیے
مودی حکومت نے مستحق افراد کو پدم ایوارڈس دینا شروع کیا
وزیر اعظم جناب نریندر مودی نے مکمل انتظام کیا تاکہ ملک کے مستحق عوام کو پدم ایوارڈ سے نوازا جا سکے
بھکتی ساہتیہ کی عظیم ترین شخصیت شری نرسنگھ مہتا جی نے اپنی پوری زندگی ادب کے لیے وقف کر دی، اور ان کے جیسا بہترین ادیب مل پانا ممکن نہیں ہے
جناب مہتا نے ویدوں اور اُپ نشدوں کے تمام تر راز لوگوں کے سامنے مختصر انداز اور فصیح زبان میں پیش کیے
اگر عوام سماجی انصاف کے بارے میں جاننا چاہتے ہیں تو انہیں شری نرسنگھ مہتا جی کی ادبی تخلیقات کامطالعہ کرنا چاہئے
Posted On:
02 DEC 2023 5:20PM by PIB Delhi
امور داخلہ اور امدادِ باہمی کے مرکزی وزیر جناب امت شاہ نے آج گجرات کے جوناگڑھ میں شری دِویہ کانت ناناوٹی کی صد سالہ پیدائش کے موقع پر منعقدہ ’اسمرتی پرو‘ پروگرام سے خطاب کیا۔
اپنے خطاب میں جناب امت شاہ نے کہا کہ شری دِویہ کانت ناناوٹی ان لوگوں میں سے ایک تھے جو سما ج اور لوگوں کے لیے جیتے تھے۔ انہوں کہا کہ روپایتن سنستھا نے آج ایک ایسی کتاب شائع کی ہے جو یقیناً نئی نسل کے قائدین کے لیے رہنما ثابت ہوگی۔ جناب شاہ نے کہا کہ اگر کوئی کسی شخص کو 100 سال بعد بھی یاد کرتا ہے تو اس کا مطلب ہے کہ اس شخص کی زندگی واقع بامعنی رہی ہے۔ شری دِویہ کانت جی مسلسل دو مرتبہ ایم ایل رہے اور گجرات حکومت میں وزیر قانون و انصاف بھی رہے، انہوں نے نہ صرف جوناگڑھ بلکہ گجرات کی عوامی زندگی میں بھی بے شمار تعاون دیا۔
بھکتی ساہتیہ کی عظیم ترین شخصیت شری نرسنگھ مہتا جی نے اپنی پوری زندگی ادب کے لیے وقف کردی اور ان جیسا بہترین ادیب مل پانا ناممکن ہے۔ انہوں نے کہا کہ شری مہتا نے ویدوں اور اُپ نشدوں کے تمام تر راز لوگوں کے سامنے مختصر انداز اور فصیح زبان میں پیش کیے۔ انہوں نے کہا کہ اس وقت صرف شری نرسنگھ مہتا جی میں ہی چھواچھوت کی مخالفت کرنے کی ہمت ہو سکتی تھی۔ جناب شاہ نے کہا کہ اگر ہم سماجی انصاف کے بارے میں جاننا چاہتے ہیں تو ہمیں شری نرسنگھ مہتا جی کو سمجھنا ہوگا۔ انہوں نے کہا کہ شری نرسنگھ مہتا جی کی اس مقدس سرزمین پر روپایتن سنستھا نے مٹی کے سپوت شری دِویہ کانت جی کی یاد میں ایک کتاب شائع کی ہے۔ یہ یقینی طور پر جوناگڑھ اور گجرات کی عوامی زندگی میں کام کرنے والے لوگوں کے لیے ایک تحریک ثابت ہوگی۔
جناب امت شاہ نے کہا کہ روپایتن سنستھا بھی گذشتہ 75 برسوں سے سماجی زندگی کے مختلف پہلوؤں پر بہت اچھا کام کر رہی ہے۔ انہوں نے کہا کہ شری بھیکودان جی نے گجرات اور سوراشٹر کے فن کو پرانی نسل سے نئی نسل تک پہنچانے کا کام کیا ہے۔ انہوں نے کہا کہ شری بھیکودان گڑھوی شری کاگ باپو کی نسل اور آج کے ادیبوں کے درمیان ایک پل کی مانند تھے اور انہوں نے گجرات کے ادب میں بے پناہ تعاون دیا۔ جناب شاہ نے کہا کہ جب جناب نریندر مودی وزیر اعظم بنے تو انہوں نے شری بھیکودان جی کے تعاون کو تسلیم کیا اور انہیں پدم شری ایوارڈ سے نوازا۔ انہوں نے کہا کہ وزیر اعظم جناب نریندر مودی نے مکمل انتظامات کیے ہیں تاکہ ملک کے مستحق افراد کو پدم ایوارڈ سے نوازا جا سکے۔
**********
(ش ح –ا ب ن۔ م ف)
U.No:1696
(Release ID: 1981929)
Visitor Counter : 115