প্রধানমন্ত্রীগী লোইশঙ
প্রধান মন্ত্রীগা ইজ্রেল স্তেতকী রাস্ত্রপতীগা উনবা
Posted On:
01 DEC 2023 6:44PM by PIB Imphal
প্রধান মন্ত্রী শ্রী নরেন্দ্র মোদীনা দুবাইদা পাঙথোকপা সি.ও.পি. ২৮ সমিতকী নাকলদা, দিসেম্বর ১, ২০২৩দা ইজ্রেল স্তেতকী রাস্ত্রপতী ঐচ.ই. মিস্তর ইজাক হেরজোগকা নাকল অনিগী ওইবা মীফম অমা পাঙথোকখি।
লুচিংবা অনিনা হৌজিক ইজ্রেল-হমাসগী ওইরিবা মুক্নবগী মরমদা মখোয়গী ৱাখল্লোনশিং ফোঙদোক্নখি। প্রধান মন্ত্রীনা ওক্তোবর ৭কী তেরর লান্দাদা মীওই কয়া শিখিবদা নুংঙাইতবা ফোঙদোকখি অমদি ফাজিন্দুনা থম্লুবা মীওইশশিং থাদোরকপবুসু তরাম্না ওকখি।
প্রধান মন্ত্রীনা মুক্নবা অদুনা শোকহল্লবা মীওইশিংদা মীওইবগী মিনুংসিগী ওইবা তেংবাংশিং মখা তানা অমদি শাফগদবা মওংদা য়ৌহনবগী মথৌ তাবশিং অমুক হন্না ফোঙদোকখি। মহাক্না তু-স্তেত সোলুসন অমসুং ইজ্রেল পেলেস্তিন ৱাফমবু ৱারী শানদুনা হেক য়ারিবমখৈ থুনা অমদি তুং কোইগদবা ৱারোইশিন পুরকপদা ভারতনা শৌগৎকনি হায়বা ৱাফমসু থমখি।
রাস্ত্রপতী হেরজোগনা প্রধান মন্ত্রীগী মফমদা ভারতকী জি-২০ প্রেসিদেন্সী মায় পাকখিবগীদমক নুংঙাইবা ফোঙদোকখি অমদি ইন্দিয়া-মিদ্দল ইস্ত-য়ুরোপ ইকনমিক কোরিদোর হৌদোকখিববু তরাম্না ওকখি।
******
(Release ID: 1981871)
Visitor Counter : 65
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam