بنیادی ڈھانچے پر ہندوستان کی توجہ معیشت کو بااختیار بنا رہی ہے اور اسے تقویت دے رہی ہے۔یہ بات  تجارت و صنعت، صارفین کے  امور ، خوراک اور عوامی نظام تقسیم اور ٹیکسٹائل کے  مرکزی وزیر جناب پیوش گوئل نے 'تیسرے انڈیا ڈیبٹ کیپٹل مارکیٹ سربرا کانفرنس  2023 -  آگے اور اوپر کی جانب’’ کے افتتاحی اجلاس سے خطاب کرتے ہوئے کہی ۔

مرکزی وزیر نے کہا کہ بنیادی ڈھانچے کی سمت میں حکومت اور نجی شعبے دونوں کی طرف سے، بڑے پیمانے پر سرمایہ کاری ملک کی بنیادی ڈھانچے کی صلاحیتوں کو بڑھا رہی ہے۔ انہوں نے کہا کہ سرمایہ کاری کا مسابقتی ذریعہ ان لوگوں سے سرمایہ کاری کو راغب کر رہا ہے جو زیادہ حفاظت کے خواہاں ہیں۔ انہوں نے کہا کہ اسٹاک مارکیٹ بھی پہلی بار 4 ٹریلین کے نشان کو چھو رہی ہے اور ہندوستان کی ٹاپ پانچ عالمی منڈیوں میں شامل ہونے کے بڑے مواقع ہیں۔ انہوں نے نشاندہی کی کہ ملک دنیا کی پانچویں بڑی معیشت ہے اور اس سہ ماہی میں 7.6 فیصد کے ساتھ سب سے تیزی سے ترقی کرنے والی معیشت ہے۔ "دنیا آج ہندوستان پر بھروسہ کرتی ہے،" جناب گوئل نے اس بات کا ذکر کرتے ہوئے کہا کہ یہ ملک، دنیا کے ایک قابل اعتماد شراکت دار کے طور پر اور ایک متحرک جمہوریت کے طور پر، ایک بہت ہی روشن مستقبل کے سرے پر کھڑا ہے جہاں لوگ قانون کی حکمرانی کو تسلیم کرتے ہیں اور اس کا احترام کرتے ہیں۔

جناب گوئل نے کہا کہ امرت کال میں، ہم ایک وکست  بھارت کا خواب دیکھتے ہیں جہاں ہم ترقی یافتہ اور خوشحال ہندوستان کی طرف اپنے سفر پر گامزن ہیں۔ انہوں نے کہا کہ ہندوستان 2047 تک، ہمارے 3.7 ٹریلین میں 30 ٹریلین ڈالر کا اضافہ کرے گا۔

          جناب گوئل نے کہا کہ ایک لچکدار قرض کیپٹل مارکیٹ اختراع، انٹرپرینیورشپ اور بنیادی ڈھانچے کی ترقی کے لیے کارگرثابت ہوگی۔ انہوں نے کہا کہ اگلے چند دہائیوں میں بڑے پیمانے پر شہر کاری ہو گی، یہاں تک کہ ٹائر 2 شہر بھی میٹروپولیٹن شہر بننے جا رہے ہیں۔ دیہی علاقوں کی آمدنی بڑھ رہی ہے جس سے ملک بھر میں اخراجات کی طاقت بڑھ رہی ہے۔ مستقبل کے شعبے جیسے اے آئی ، سیمی کنڈکٹرز، الیکٹرک گاڑیاں، ہمارے مستقبل کو تقویت دیں گے۔ سبز اور پائیدار توانائی آگے بڑھنے کا راستہ ہو گی اور کیپٹل مارکیٹ اور قرض کی منڈیاں کم کاربن معیشت میں ،ہماری توانائی کی منتقلی میں اپنا کردار ادا کر رہی ہیں۔ جناب گوئل نے کارپوریٹ دنیا پر زور دیا کہ وہ کھو جانے کے خوف کے بغیر، ہندوستان میں سرمایہ کاری کریں۔

وزیر موصوف نے کہا کہ 2010 اور 2013 کے درمیان میکرو اکنامک بنیادیں کمزور تھیں، زرمبادلہ کا بحران اور ایف سی این آر بانڈز 2013 میں شروع کئے  گئے ،جس سے غیر ملکی کرنسی کے قرضوں پر نمایاں طور پر زیادہ شرح سود ادا کی گئی، افراط زر 10 فیصد سے 12 فیصد کی بلند سطح پر برقرار رہتا تھا۔ بینکوں کے قرضے غیر معقول طور پر بڑھ رہے تھے، مالیاتی خسارہ زیادہ تھا۔ یہ تب تھا جب 2014 میں وزیر اعظم جناب نریندر مودی نے اقتدار سنبھالا تھا۔ انہوں نے کہا کہ وزیر اعظم، کاروبار کرنے میں آسانی اور تعمیل کے بوجھ کو کم کرنے، متعدد قوانین کو مجرمانہ قرار دینے، قانون کی کتاب سے کچھ بے کار قوانین کو ہٹانے پر بہت توجہ مرکوز کر رہے ہیں۔ "یہ ایک جامع منصوبہ تھا، جس نے ہندوستان کو گزشتہ 10 سالوں میں اپنے غیر ملکی زرمبادلہ کے ذخائر کو دوگنا کرنے میں مدد فراہم کی۔" انہوں نے مزید کہا کہ ملک آج ایک ایسے خوبصورت  مقام پر ہے جہاں اسے یقین ہو سکتا ہے کہ آنے والے کئی سالوں میں، وہ کامیاب ہو جائے گا۔ اس طرح کا بحران نہیں ہے جو 2013 میں دیکھا گیا تھا۔

جناب گوئل نے کہا کہ ہندوستان، اشیاء اور خدمات کی برآمدات میں تقریباً 55 فیصد اضافہ کرنے میں کامیاب رہا ہے - جو کہ 2021 میں 500 بلین سے پچھلے سال 776 بلین تک پہنچ گیا ہے۔ انہوں نے کہا کہ دنیا بھر میں دو تنازعات چل رہے ہیں اور ترقی یافتہ معیشتوں میں کساد بازاری کا امکان ہے۔ انہوں نے کہا کہ پھر بھی،وہ رواں سال میں بھی برآمدات کی تعداد میں اضافے کے لیے پراعتماد ہیں۔

********

  ش ح۔اع ۔رم

U-1632