কেন্দ্রগী গৃহ মন্ত্রী অমসুং কোওপরেশন মন্ত্রী, শ্রী অমিত শাহগী চিয়রমেনশিপ মখাদা, অৱাংবা থাক্কী কমিতীনা জোশিমাথকীদমক্তা লুপা করোর ১৬৫৮.১৭গী রিকোভরী অমসুং রিকনস্ত্রক্সন (আর. অমসুং আর.)গী প্লান অদুবু অয়াবা পীখ্রে। মসিগী আর. অমসুং আর. প্লান অসিগী মখাদা, লুপা করোর ১০৭৯.৯৬কী কেন্দ্রগী ওইবা তেংবাং নেস্নেল দিজাস্তর রেস্পোন্স ফন্দ (এন.দি.আর.এফ.)কী রিকোভরী অমসুং রিকনস্ত্রক্সন ৱিন্দোদগী পীরগনি। রাজ্য সরকারনা রিলীফকী ওইবা তেংবাং ওইনা মশাগী স্তেত দিজাস্তর রেস্পোন্স ফন্দ (এস.দি.আর.এফ.)তগী লুপা করোর ১২৬.৪১ পীরগনি অমসুং লুপা করোর ৯১.৮২গী রিসেতলমেন্তকীদমক্তা লেন্দ একইজিশন কোস্ত য়াওনা মশাগী স্তেত বজেত অদুদগী লুপা করোর ৪৫১.৮০ পীরগনি।

উত্তরাখন্দ রাজ্যগী জোশিমাথ অসি  লৈবাক নিংখাইবা অমসুং লৈবাক নমথবনা মরম ওইরগা য়াম্না অকাইবা থোকহল্লি অমসুং কেন্দ্র সরকারনা রাজ্য সরকারনা তঙাইফদনা মথৌ তাবা তেক্নিকেল অমসুং লোজিস্তিকেল সপোর্ত পুম্নমক পীখ্রে। প্রধান মন্ত্রী, শ্রী নরেন্দ্র মোদীগী লুচিং মখাদা, এন.দি.এম.এ.গী লমজিং লমতাক মখাদা তেক্নিকেল এজেন্সীশিং পুম্নমকপু থবক পাইখৎহনখ্রে অমসুং মখোয়না রাজ্য সরকারবু জোশিমাথকীদমক্তা রিকোভরী প্লান শেম্বদা য়াম্না খোংজেল য়াংনা পাইখৎপদা রাজ্য সরকারগী মতেং পাংখ্রে।

জোশিমাথকী রিকোভরী প্লান অদু  খ্বাইদগী হেন্না ফবা প্রক্তিসশিং, বিল্দ বেক বেতর (বি.বি.বি.) প্রিন্সিপলশিং, তুং কোইনা লিশাং-শিৎনা চৎকদবা অনৌবা থৌরাংশিংগী মতুং ইন্না ঙাক্না চত্তুনা চহি অহুমগী মনুংদা থবক ওইনা পাইখৎলনি। মদুগী মতুং তারকপদা, জোশিমাথনা ইকোলোজিকেল সস্তেনেবিলিতীগী খ্বাইদগী ফবা খুদম অমা ওইরগনি।

*****