મારા બંધુ મહામહિમ શેખ મોહમ્મદ બિન ઝાયેદ અલ નાહ્યાન, યુએઈના રાષ્ટ્રપતિ અને અબુધાબીના શાસકના આમંત્રણ પર, હું 1 ડિસેમ્બર, 2023ના રોજ સીઓપી-28 ની વર્લ્ડ ક્લાઇમેટ એક્શન સમિટમાં ભાગ લેવા માટે દુબઈની યાત્રા કરી રહ્યો છું. મને એ જોઈને આનંદ થાય છે કે આ મહત્ત્વપૂર્ણ કાર્યક્રમ યુએઈના પ્રેસિડેન્સી હેઠળ યોજાઈ રહ્યો છે, જેઓ આબોહવા અંગેની કાર્યવાહીના ક્ષેત્રમાં ભારત માટે મહત્ત્વપૂર્ણ ભાગીદાર રહ્યા છે.

આપણી સભ્યતાનાં સિદ્ધાંતોને ધ્યાનમાં રાખીને ભારતે સામાજિક અને આર્થિક વિકાસને આગળ ધપાવીએ છીએ, ત્યારે પણ આબોહવાની કામગીરી પર હંમેશા ભાર મૂક્યો છે.

અમારા જી-20ના પ્રમુખપદ દરમિયાન, આબોહવા અમારી પ્રાથમિકતામાં ઊંચી હતી. નવી દિલ્હી લીડર્સ ડેક્લેરેશનમાં ક્લાઇમેટ એક્શન અને સસ્ટેનેબલ ડેવલપમેન્ટ પર અસંખ્ય નક્કર પગલાં સામેલ છે. હું સીઓપી-28 દ્વારા આ મુદ્દાઓ પર સર્વસંમતિ સાધવા માટે આતુર છું.

સીઓપી28 પેરિસ સમજૂતી હેઠળ થયેલી પ્રગતિની સમીક્ષા કરવાની તક પણ પ્રદાન કરશે અને આબોહવા સંબંધિત કામગીરી પર ભવિષ્યનાં માર્ગની રૂપરેખા તૈયાર કરશે. ભારત દ્વારા આયોજિત વોઇસ ઓફ ગ્લોબલ સાઉથ સમિટમાં ગ્લોબલ સાઉથે સમાનતા, આબોહવા ન્યાય અને સામાન્ય પરંતુ વિભિન્ન જવાબદારીઓના સિદ્ધાંતો પર આધારિત આબોહવાની કાર્યવાહીની જરૂરિયાત તેમજ અનુકૂલન પર વધુ ધ્યાન કેન્દ્રિત કરવા માટે વાત કરી હતી. તે મહત્વનું છે કે વિકાસશીલ દેશોના પ્રયત્નોને પર્યાપ્ત આબોહવા ધિરાણ અને તકનીકી સ્થાનાંતરણ દ્વારા ટેકો આપવામાં આવે. ટકાઉ વિકાસ પ્રાપ્ત કરવા માટે તેમની પાસે સમાન કાર્બન અને વિકાસની જગ્યા હોવી આવશ્યક છે.

જ્યારે આબોહવા ક્રિયાની વાત આવે છે ત્યારે ભારતે વાત કરી છે. પુનઃપ્રાપ્ય ઊર્જા, ઊર્જાદક્ષતા, વનીકરણ, ઊર્જાનું સંરક્ષણ, મિશન લિકએફઇ જેવા વિવિધ ક્ષેત્રોમાં આપણી સિદ્ધિઓ પૃથ્વી માતા પ્રત્યે આપણા લોકોની કટિબદ્ધતાનો પુરાવો છે.

હું ક્લાઇમેટ ફાઇનાન્સ, ગ્રીન ક્રેડિટ ઇનિશિયેટિવ અને લીડિટ સહિત વિશેષ કાર્યક્રમોમાં જોડાવા આતુર છું.

હું દુબઈમાં ઉપસ્થિત અન્ય કેટલાક નેતાઓને મળવાની તક મળે તે માટે પણ આતુર છું અને વૈશ્વિક આબોહવાની કામગીરીને વેગ આપવા માટેના માર્ગો પર ચર્ચા કરું છું.

CB/GP/JD