অহানবা ওইনা পাংথোক্কদৌরিবা খেলো ইন্দিয়া পারা গেম্স ২০২৩গী লোগো অমসুং মাস্কোত উজ্জ্বলা ঙসি নই দিল্লীদা য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুর অমসুং শক্নাইরবা এথেলেৎশিং অমসুং পারা এথেলেৎশিংনা লোঞ্চ তৌখ্রে।

‘উজ্জ্বলা’-শেন্দ্রাং অমা, খেলো ইন্দিয়া - পারা গেম্স ২০২৩গী ওফিসিয়েল মাস্কোত ওইনা মায়খুম হাংদোকখ্রে। অপিকপা শেন্দ্রাং অসি দিল্লীগী চাউথোকচবগী খুদম অমনি অমসুং মসিগী য়ুনিকনেসনা দিতরমিনেসন অমসুং এম্পেথী উৎলি। খেলো ইন্দিয়া - পারা গেম্স ২০২৩গী মাস্কোত ওইনা উজ্জ্বলানা শক্তি শক্তম কয়াদা লাকই অমসুং হ্যুমেন স্পিরিত অসি থুগায়বা ঙমদে হায়বা নিংশিংহল্লি।

শরুক য়াখিবশিংগী মরক্তা ভারতকী হান্নগী নুপী হোক্কী তিম কেপ্তেন রানি রামপাল, ইন্দিয়ন ফ্রীস্তাইল রেস্তলর অমসুং ওলেম্পিয়ান ব্রোঞ্জ মেদালিস্ত য়োগেশ্বর দত্ত, ইন্দিয়ন প্রোফেস্নেল রেস্তলর সরিতা মোর লোয়ননা ইন্দিয়ন প্রোফেস্নেল বোক্সর অখিল কুমার য়াওখি।

প্রমোদ ভগত, ভাবিনা পতেল, অবানি লেখারা, সুমিত অন্তিলগুম্বা স্তার পারা এথেলেতশিংনা শরুক য়াখিবনা থৌরম অসি অখন্নবা ওইহল্লে।

প্রধান মন্ত্রী শ্রী নরেন্দ্র মোদীগী ইনক্লুসিব স্পোর্তস ইকোসিস্তেম অমগী ভিজনদা রিফ্লেক্ত তৌরদুনা শ্রী অনুরাগ থাকুরনা হায়খি, “অহানবা ওইনা পাংথোক্কদৌরিবা খেলো ইন্দিয়া পারা গেম্সগী হৌদোকপগী এদিসন লোঞ্চ তৌবগী থৌরমদা ঐহাক্না পুম্নমকপু নুংঙাইবা ফোংদোকচরি। ঐখোয়গী প্রধান মন্ত্রী শ্রী নরেন্দ্র মোদীগী ভিজন্না মরম ওইদুনা খেলো ইন্দিয়া শকখং-মায়খংনবা মমিং অমা ওইরক্লে। মসি অন্দলোন অমা ওইরক্লে অমসুং হৌখিবা চহি খরদগী খেলো ইন্দিয়াদা পারা গেম্সকী অৱাৎপা ফাওদুনা লাক্লি। ২০১৮দগী ঙসি ফাওবদা ঐখোয়না খেলো ইন্দিয়া গেম্স ১১ পাংথোকখ্রে, চহি অসিদা পারা গেম্স হাপচিনবদা ঐখোয় নুংঙাইবা ফাওই।”

কেন্দ্র মন্ত্রীনা মসিমসু হায়খি মদুদি হৌখিবা চহি মরিগীদমক প্রধান মন্ত্রী শ্রী নরেন্দ্র মোদীনা খেলো ইন্দিয়াগীদমক সেঙ্কসন তৌখিবা বজেৎ লুপা করোর ৩,০০০ ওইখি অমসুং ঙসি মসি লাউথোকপদা ঐহাক নুংঙাইবা ফাওই মদুদি মথংগী চহি মঙাগীদমক মসি লুপা করোর ৩৩০০দগী হেন্না হেনগৎখ্রে।

২০১৮দগী হৌরগা খেলো ইন্দিয়া গেম্স পুন্না ১১ মায় পাক্না পাংথোকখ্রে। মসিদা খেলো ইন্দিয়া য়ুথ গেম্স ৫, খেলো ইন্দিয়া য়ুনিবর্সিতী গেম্স ৩ অমসুং খেলো ইন্দিয়া ৱিন্তর গেম্স ৩ য়াওরি। থাকুরনা ফোংদোকখি মদুদি গেম্সশিং অসি লৈবাক শিনবা থুংনা তেলেন্ত মশক খংদোকপদা ইন্সত্রুমেন্তেল ওইরি অমসুং প্রেস্তিজিয়স মল্তি-দিসিপ্লিন ইভেন্তশিংদা ভারতকী পর্ফোমেন্স হেনগৎহল্লি। হৌজিক, অহানবা খেলো ইন্দিয়া পারা গেম্সকা লোয়ননা পারা গেম্সতা কেরিয়র শেম্বা পাম্বা তেলেন্ত লৈবা পারা এথোলেৎশিং মশক খংদোকপা ঙমগনি অমসুং লৈবাক্কীদমক মতিকচাবা মহৈ পুরকপদা মতেং পীবা য়াগনি।

থৌরমদা ৱা ঙাংলদুনা ভারতকী ফ্রীস্তাইল রেস্তলর অমসুং ওলেম্পিয়ান ব্রোঞ্জ মেদালিস্ত, য়োগেশ্বর দত্তনা হায়খি. “ভারত সরকারবু অসিগুম্বা অঙকপা ইনিসিয়েতিব পায়খৎলকপা উবদা নুংঙাইবা ফাওই। এথলেৎ পুম্নমক অসিনা শান্নবা য়েংনবা ঐহাক ঙাইজরি। খেলো ইন্দিয়া পারা গেম্সতা শরুক য়ারিবা শান্নরোই পুম্নমকপু য়াইফ মঙ্গল পীজরি।”

খেলো ইন্দিয়া পারা গেম্সকী মায়খুম হাংদোকপগী থৌরম লোইরবা মতুং মহাক্কী এক্সাইতমেন্ত শেয়র তৌরদুনা ২০২০ সম্মর পারালেম্পিক্তা পারা-বেদমিন্তনদা গোল্দ মেদল লৌখিবা পারা এথলেৎ প্রমোদ ভাগৎনা হায়খি, “ঐহাক্না থাজৈ মদুদি হৌজিক্কী ওইনা পারা গেম্সকী য়াম্না প্রোমিজিং ওইবা ফ্যুচর অমা লৈরি, অখন্ননা নহা ওইরিবা মীওইশিং অমসুং পারা এথলেৎশিংগী ওইনা। মসি খেলো ইন্দিয়ানা হৌদোকপা খ্বাইদগী মশক নায়বা ইনিসিয়েতিবশিংগী মরক্তা অমনি।”

সর্বিসেস স্পোর্তস কন্ত্রোল বোর্দ য়াওনা রাজ্য অমসুং য়ুনিয়ন তেরিতোরী ৩২দগী পার্তিসিপেন্ত ১৪০০ হেনবনা অহানবা খেলো ইন্দিয়া পারা গেম্সতা শরুক য়ারবা য়াই। পারা গেম্স অসিদা পারা এথলেতিক্স, পারা শুতিং, পারা আর্চরী, পারা ফুতবোল, পারা বেদমিন্তন, পারা তেবল তেনিস অমসুং পারা ৱেৎ লিফতিং য়াওনা দিসিপ্লিন ৭দা ইকায় খুম্নবা ফংনবগীদমক পারা এথলেৎশিং লম্বা তৌনগনি। থৌরমশিং অসি সাই স্তেদিয়ম অহুম – আই.জি. স্তেদিয়ম, তুঘলকাবাদকী শুতিং রেঞ্জ অমসুং জে.এল.এন. স্তেদিয়মদা পাংথোক্কনি।

***