گوا میں منعقدہ بھارت کے 54ویں بین الاقوامی فلم فیسٹول میں پنچایت 2 نے ویب سیریز کے لئےپہلا او ٹی ٹی ایوارڈز جیتا ویب سیریز کے لئے پر وقار پہلا او ٹی ٹی ایوارڈ ہے ۔پنچایت 2 کو ایمازون پرائم ویڈیو پر ہندی کامیڈی ڈرامہ سیریز میں دکھایا گیا تھا۔

بھارت کے 54ویں بین الاقوامی فلم فیسٹول میں ویب سیریز کے لئے او ٹی ٹی ایوارڈ حاصل کرنے والے پنچایت 2 بنانے والی ٹیم کے افراد

اس فلم کے ہدایت کار دیپک کمار مشرا ہیں اورچندن کمار نے اسے تصنیف کیا ہے پنچایت2 میں ابھیشیک ترپاٹھی کی کہانی کو پیچیدہ طریقے سے بیان کیاگیا ہے، جو کہ ایک شہری گریجویٹ ہے، جو اتر پردیش کے ضلع بلیا میں واقع دور دراز کے افسانوی گاؤں پھولیرا کے ایک خستہ حال پنچایت دفتر میں ہچکچاتے ہوئے سکریٹری کے کردار کو قبول کرتا ہے۔

اپنے پہلے سیزن کی شاندار کامیابی کے بعد، دوسرا سیزن پھولیرا میں ابھیشیک کی زندگی میں گہرائی میں ڈوبتی ہے،جوکارپوریٹ مستقبل کے لیے جدوجہد کرتے ہوئے،اپنے کیٹ (سی اے ٹی) امتحانات کی تیاری کے دوران گاؤں کی سیاست کے درمیان نئےچیلنجوں کا رخ کرتا ہے۔ متعلقہ لمحات اور بھرپور مزاح سے مزین یہ سیزن، گاؤں کی زندگی کے روزمرہ کی آزمائشوں کو واضح طور پر پیش کرتا ہے، جس میں پردھان، وکاس، پرہلاد، اور منجو دیوی کے ساتھ ابھشیک کے بڑھتے ہوئے تعلقات کو نمایاں کیا گیا ہے اور گاؤں کے متنوع مسائل کو حل کیا گیا ہے۔

قبل ازیں بھارت کے 54ویں بین الاقوامی فلم فیسٹول کی افتتاحی تقریب میں جناب اطلاعات و نشریات کے  مرکزی وزیر انوراگ ٹھاکر نے کہا تھا کہ او ٹی ٹی انڈسٹری نے ہندوستان میں تیزی دکھ رہی ہے اور ہندوستان میں تخلیق کردہ اصل  متن ہزاروں لوگوں کو روزگار فراہم کر رہا ہے۔ اس شعبے میں سالانہ 28 فیصد کی متحرک ترقی کی شرح کو اجاگر کرتے ہوئے، وزیرموصوف نے کہا تھا کہ او ٹی ٹی ایوارڈز تمام پلیٹ فارمز میں غیر معمولی ڈیجیٹل متن تخلیق کاروں کے اعزاز کے لیے متعارف کرائے گئے تھے۔

پنچایت 2 حتمی نامزدگیوں میں نمایاں رہی، جن میں ابھے پنو کی راکٹ بوائز سیزن 1، راہول پانڈے اور ستیش نائر کی طرف سے نرمل پاٹھک کی گھر واپسی، اور ویپل امرت لال شاہ اور موزیز سنگھ کی ہدایت کردہ ہیومن بھی شامل ہیں۔

او ٹی ٹی ویب سیریز پنچایت 2 سے لی گئی ایک جھلک

جیوری پینل نے ویب سیریز راکٹ بوائز سیزن 1 کے خصوصی ذکر کی متفقہ طور پر سفارش کی،جسے سونی لائیو پر دکھایا گیا۔

15اوٹی ٹی پلیٹ فارموں سے دس زبانوں پر محیط 32 شاندار اینٹریاں اس مقابلے میں حاصل کی گئیں۔

*************

ش ح ۔ح ا۔ م ش

U. No.1531