गोंय/मुंबई, 28 नोव्‍हेंबर 2023

गोंयांत जाल्ल्या 54व्या भारतीय आंतरराष्ट्रीय चित्रपट महोत्सवांत, अमेझॉन प्राइम व्हिडियोचेर प्रसारीत जावपी हिंदी विनोदी-नाट्यमाळ 'पंचायत 2' ह्या मालिकेक  वेब मालिके खातीर पयलेच खेपे सुरु केल्लो प्रतिश्ठीत ओटीटी पुरस्कार फावो जालो. 

दीपक कुमार मिश्रा हांणी दिग्दर्शीत केल्ली आनी चंदन कुमार हांणी बरयल्ली 'पंचायत 2' ही वेब सिरीज उत्तर प्रदेशांतल्या बलिया जिल्ह्यांतल्या पयसुल्ल्या काल्पनीक गांव फुलेरा हांगाच्या पंचायत कार्यालयांत, सचीवाची भुमिका नाका आसतना आपणावपी शारी पदवीधर अभिषेक त्रिपाठीची कथा सांगता.

पयल्या सीरिजच्या व्हड यशा उपरांत हो दुसरो सीझन, फुलेरातल्या अभिषेकाच्या जिविताविशी खोलायेन सांगता, जो गांवच्या राजकारणा मदीं आव्हानां घेवन, ताच्या कॅट परिक्षेची तयारी करतना, कॉर्पोरेट फुडारा खातीर यत्न करता. संबंदीत खीण आनी भरपूर विनोदान भरिल्ली हि दुरी सिरीज  गांवच्या जिणेंतल्या दिसपट्ट्या परिक्षांचें स्पश्टपणान चित्रण करता, अभिषेकाच्या प्रधान, विकास, प्रहलाद, आनी मंजू देवी कडेन जावपी संबंदांचेर भर दिता आनी तेच बरोबर गांवांतल्या विंगड विंगड प्रस्नांचेर जुगलबंदी करता. 

हाचे आदीं 54व्या इफफीच्या उक्तावण सुवाळ्यांत, म्हायती आनी वितरावणी मंत्री अनुराग ठाकुर हांणी सांगिल्लें, कि भारतांत ओटीटी उद्देगात उदरगत जाल्या आनी भारतांत तयार केल्ल्या मूळ सामुग्रींत, हजारांनी लोकांक काम मेळटा.  ह्या क्षेत्रांत वर्सुकी 28% गतीशील वाड जावपी दराचेर भर दितना, मंत्री ठाकूर हाणी सांगिल्लें, की ओटीटी पुरस्कार हो प्लॅटफॉर्मांचेर बऱ्यात बरी डिजिटल सामुग्री निर्मात्यांक मान दिवपा खातीर सुरू केला.

निमाण्या नामांकनां मदीं पंचायत 2 वेगळो थारलो, जातूंत अभय पन्नूचो रॉकेट बॉयज सीझन 1, राहुल पांडे आनी  सतीश नायर हांचो निर्मल पाठक की घर वापसी, विपुल अमृतलाल शाह आनी मोझेज सिंग हांणी दिग्दर्शीत केल्लो ह्यूमन हांचो आस्पाव आशिल्लो. 

तशेंच सोनी लिव्हचेर प्रसारीत जाल्ल्या रॉकेट बॉयज सीझन 1 ह्या वेब मालिकेचो खाशेलो उल्लेख करपाची शिफारस, जूरी पॅनेलान एकमतान केली.

सर्तींत 15 ओटीटी प्लॅटफॉर्मांतल्यान 10 भाशांनी आस्पावपी 32 नामांकना आयिल्ली. 

* * *

PIB Mumbai | S.Jan/M.Prabhugaonkar/D.Rane