गोंय/मुंबई, 28 नोव्‍हेंबर 2023

अँथनी चेन हाणी दिग्दर्शीत केल्ल्या फ्रेंच, ब्रिटीश आनी ग्रीक सहनिर्मितीच्या 'ड्रिफ्ट' ह्या चित्रपटाक  54व्या भारतीय आंतरराष्ट्रीय चित्रपट महोत्सवांत आयसीएफटी-युनेस्को गांधी पुरस्कार फावो जाला. आयज गोंयांत जाल्ल्या महोत्सवाच्या भव्य समारोप सुवाळ्यांत हो पुरस्कार जाहीर जालो. 

मानसिक आघात आनी भयानक वास्तवाक लागून,  स्थलांतरीत बायलेचें भावनीक चित्र हो चित्रपट दाखयता. ड्रिफ्टांत सिंथिया एरिव्होन भुमिका केल्ली मुखेल नायिका ‘जॅकलीन’ ही एक तरणाटी निर्वासित, जी एकटी हातात एक्कूय पयसो नासताना एका ग्रीक जुंव्याचेर देंवता, जंय ती रावपाचो यत्न करता, आनी मागीर तिका आपल्या भूतकाळाक तोंड दिवपाक लागता. आपली तांक एकठांय करतना, ती आलिया शॉकटान भुमिका केल्ल्या मुळ नाशिल्ल्या टूर गाइडा कडेन इश्टागत सुरू करता आनी एकठांय येवन तांकां मुखार वचपाची मोख दवरता . जिणेंतल्या अनिश्चिततायेंतल्यान व्हांवून वचून अनिश्चीत बंधनां कशीं निर्माण जावंक शकतात हाचें चित्रण ह्या चित्रपटांत केलां. आयसीएफटी-युनेस्को गांधी पदका खातीर हो काळजाक स्पर्श करपी सिनेमा वेंचून काडटना, हो सिनेमा आशेची आनी लवचीकपणाची रेख काडटा. 

समारोप सुवाळ्या वेळार आयसीएफटी-युनेस्कोचे उपाध्यक्ष, श्री. सर्ज मिशेल आनी आयसीएफटी-युनेस्कोचे प्लॅटफॉर्म फॉर क्रिएटिव्हिटी अँड इनोव्हेशन (पीसीआय) संचालक, सुश्री ज़्युएयुआन हुन हांकां महोत्सव संचालक, श्री पृथुल कुमार हांणी पुरस्कार भेटयलो.

ड्रीफ्टाचो  संवसारीक प्रीमियर 22 जानेवारी 2023 दिसा सनडान्स फिल्म फेस्टिवलांत जाल्लो. हो चित्रपट अलेक्झांडर मॅक्सिक हाच्या ‘अ मार्कर टू मेजर ड्रिफ्ट’ हे कादंबरीचेर आदारीत आसा. अलेक्झांडर मॅक्सिक हाणें सुसान फारेल हांचेवांगडा ह्या चित्रपटाची सह-पटकथा बरयली. आयसीएफटी-युनेस्को गांधी पदका खातीर,  अंदूं इफ्फींत संवसारभरांतल्या धा चित्रपटांची सर्त आशिल्ली.

आयसीएफटी पॅरिस आनी युनेस्को हांणी स्थापन केल्ले, गांधी पदक हें महात्मा गांधीच्या शांतीकाय, अहिंसा, करुणा आनी सार्वत्रिक भावपणाच्या दृश्टीकोनाचें सगळ्यांत बरें प्रतिबिंबीत करपी चित्रपटाक, इफ्फीत हो पुरस्कार दितात . 2015 वर्सा 46व्या इफफींत हो पुरस्कार सुरू जाल्लो.

* * *

PIB Mumbai | S.Jan/M.Prabhugaonkar/D.Rane