بھارت کا 54 واں  بین الاقوامی فلم فیسٹیول  ہماری فلم کی نمائش ہمارے لیے ناقابل یقین حد تک معنی خیز ہے ۔ یہ فلم کئی سالوں کی تحقیق اور محنت کا نتیجہ ہے ۔ اس بات کا اظہار ‘‘  فلم دی فیدر ویٹ کے ڈائریکٹر رابرٹ کولوڈنی نے  کیا۔ فیسٹیول کی اختتامی فلم کے طور پر آج گوا میں 54ویں افی میں امریکی فلم کو ا ایشیا پریمیئر  میں دکھایا گیا  ۔

 پی آئی بی کے زیر اہتمام ایک پریس کانفرنس میں میڈیا سے بات چیت کرتے ہوئے فلم ساز رابرٹ کولوڈنی نے بتایا کہ یہ فلم اطالوی نژاد امریکی باکسر ولی  پیپ کی حقیقی زندگی پر مبنی ہے  ، جس کا باکسنگ میں سب سے زیادہ  مقابلے کرنے  کا ریکارڈ ہے۔  ڈائریکٹر نے وضاحت کی کہ ان کے کیرئیر میں 241  مقابلے  کا ریکارڈ تھا۔  انہوں نے مزید بتایا کہ ‘‘ مرحوم باکسر کے آبائی شہر میں فلم کی شوٹنگ سے لے کر، ان کے حقیقی باکسنگ دستانے استعمال کرنے تک، یہ فلم حقیقت اور افسانے، حقیقت اور سنیما کے درمیان ایک رقص ہے ’’ ۔ انہوں نے یہ بھی بتایا کہ آنجہانی باکسر کو حقیقی زندگی میں جاننے والے ،  اس فلم میں کردار  ادا کر رہے ہیں ۔

باکسنگ کے پلاٹ کو اپنے ڈائریکشن کے طور پر منتخب کرنے کے بارے میں ایک سوال کے جواب میں، کولوڈنی نے بتایا کہ ولی پیپ کی متحرک زندگی کی تاریخ، کھیلوں کے ڈرامے کی سازش اور انسانی ڈرامے کی حقیقت نے  ، انہیں ایک ایسی کہانی بنانے پر راغب کیا  ، جو معلوماتی، تفریحی اور سچائی سے قریب ہے۔  انہوں نے مزید کہا کہ بین الاقوامی اسٹیج پر سینما کے ذریعے بات چیت کرنا میرے لیے بہت اہم ہے۔

پروڈیوسر بینیٹ ایلیٹ نے اپنے تجربے کا  مشترک کرتے ہوئے  ، اس بات  کو دوہرایا کہ  ‘‘ مرحوم باکسر کے آبائی شہر میں شوٹنگ اور مقامی لوگوں کی حمایت حاصل کرنا خوش کن تھا۔ ان کی روح کی موجودگی ہمہ وقت ہمارے ساتھ تھی ۔  ہم نے ایک آزاد فلم کے طور پر اس پروجیکٹ میں بہت زیادہ لگن اور محنت سے کام کیا ۔

اداکار جیمز میڈیو نے کہا کہ ولی پیپ کی زندگی کا تجربہ کرنا اور بطور اداکار ٹ ان کے جوتوں کو  پہننا ایک ناقابل تصور تجربہ تھا۔  انہوں نے مزید کہا کہ ‘‘ باکسنگ رنگ میں قدم رکھنا اور اس کو  فلم بنانا ایک معجزہ رہا ہے۔ باکسر ولی پیپ کے جوتے کو تبدیل کرنے اور اس میں شامل ہونے کے لئے لگن اور تحقیق کے وہ وقت  اور سال ذہنی اور جسمانی طور پر  چنوتی بھرے لیکن ایک ہی وقت میں  مسحور کن  تھے۔

مصنف اسٹیو لوف نے یہ کہتے ہوئے اپنی بات کااختتام کیا کہ ‘‘ یہ فلم  برسوں کی تحقیق کا نتیجہ ہے اور  ہماری فلم سے 54 ویں  فلم فیسٹیول کا  اختتام  ، ہمارے لیے اعزاز کی بات ہے۔

The cast and crew of #IFFI54 closing movie 'The Featherweight' dazzle the red carpet with their vibrant and euphoric presence 📽️✨#IFFI #IFFI2023 #IFFIgoa pic.twitter.com/GlLmXYEqsR

— PIB India (@PIB_India) November 28, 2023

مزید کے لیے یہاں دیکھیں:

فلم کا خلاصہ:

1960 ء کی دہائی کے وسط میں ترتیب دیا گیا، دی فیدر ویٹ اطالوی-امریکی باکسر ولی پیپ کی حقیقی زندگی کی کہانی کا ایک دلچسپ باب پیش کرتا ہے، جو اب تک کے سب سے زیادہ  مقابلے جیتنے والے فائٹر ہیں، جو 40 کی دہائی کے وسط میں ،  اپنی ذاتی زندگی  میں کشمکش کا شکار ہوتا ہے اور  رنگ میں واپسی کا فیصلہ کرتا ہے، جس وقت ایک دستاویزی کیمرے کا عملہ اس کی زندگی میں داخل ہوتا ہے۔ بڑی محنت کے ساتھ تحقیق اور تعمیر کی گئی یہ فلم بیسویں صدی کی امریکی مردانگی، شہرت اور خود شناسی کی بے اطمینانی کی تصویر ہے۔

*************

ش ح۔  ح ا ۔ع ا

U. No. 1504