ମତ୍ସ୍ୟ, ପଶୁ ସମ୍ପଦ ଓ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ
ଆସନ୍ତା ୨୬ରେ ଜାତୀୟ ଦୁଗ୍ଧ ଦିବସ ପାଳନର ଏକ ଅଂଶବିଶେଷ ଭାବରେ ଦିଆଯିବ ଜାତୀୟ ଗୋପାଳ ରତ୍ନ ପୁରସ୍କାର
ଶ୍ରେଷ୍ଠ କୃତ୍ରିମ ଗର୍ଭଧାରଣ ଟେକ୍ନିସିଆନ (ଏଆଇଟି) ଭାବେ ଦ୍ୱିତୀୟ ପୁରସ୍କାର ପାଇବେ ଅନୁଗୁଳର ଅନୀଲ କୁମାର ପ୍ରଧାନ
ଅନଲାଇନ୍ ଆବେଦନ ପୋର୍ଟାଲ ଜରିଆରେ ଆହ୍ୱାନ କରାଯାଇଥିବା ଆବେଦନ ଆଧାରରେ ଦିଆଯିବ ପୁରସ୍କାର; ସମୁଦାୟ ୧୭୭୦ଟି ଆବେଦନ ହସ୍ତଗତ ହୋଇଛି
Posted On:
24 NOV 2023 12:04PM by PIB Bhubaneshwar
ଆସାମର ଗୌହାଟୀସ୍ଥିତ ଭେଟେରିନାରୀ କଲେଜ ଗ୍ରାଉଣ୍ଡରେ ଆସନ୍ତା ୨୬ ନଭେମ୍ବର ୨୦୨୩ରେ ଜାତୀୟ ଗୋପାଳ ରତ୍ନ ପୁରସ୍କାର ପ୍ରଦାନ କରାଯିବ । କେନ୍ଦ୍ର ମତ୍ସ୍ୟ, ପଶୁପାଳନ ଓ ଦୁଗ୍ଧ ଉତ୍ପାଦନ ମନ୍ତ୍ରୀ ଶ୍ରୀ ପୁରୁଷୋତ୍ତମ ରୂପାଲା ଏହି ପୁରସ୍କାର ପ୍ରଦାନ କରିବେ । ଆସାମ ମୁଖ୍ୟମନ୍ତ୍ରୀ ଡକ୍ଟର ହିମନ୍ତ ବିଶ୍ୱ ଶର୍ମା ଏବଂ କେନ୍ଦ୍ର ମତ୍ସ୍ୟ, ପଶୁପାଳନ ଓ ଦୁଗ୍ଧ ଉତ୍ପାଦନ ରାଷ୍ଟ୍ରମନ୍ତ୍ରୀ ଡ. ସଞ୍ଜୀବ କୁମାର ବାଲିୟାନ ମଧ୍ୟ ଏହି ପୁରସ୍କାର ସମାରୋହରେ ଉପସ୍ଥିତ ରହିବେ। ୨୦୨୩ ଜାତୀୟ ଦୁଗ୍ଧ ଦିବସ ପାଳନର ଏକ ଅଂଶ ଭାବରେ ପଶୁପାଳନ ଓ ଦୁଗ୍ଧ ଉତ୍ପାଦନ ବିଭାଗ ପକ୍ଷରୁ ଜାତୀୟ ଗୋପାଳ ରତ୍ନ ପୁରସ୍କାର ୨୦୨୩ ଆୟୋଜନ କରାଯାଉଛି ।
ଜାତୀୟ ଗୋପାଳ ରତ୍ନ ପୁରସ୍କାର ପ୍ରାଣୀସମ୍ପଦ ଏବଂ ଦୁଗ୍ଧଉତ୍ପାଦନ କ୍ଷେତ୍ରରେ ଏକ ସର୍ବୋଚ୍ଚ ଜାତୀୟ ପୁରସ୍କାର ଅଟେ, ଯାହାର ଉଦ୍ଦେଶ୍ୟ ସ୍ୱଦେଶୀ ପ୍ରାଣୀପାଳନ କରୁଥିବା କୃଷକ, ଏଆଇ ଟେକ୍ନିସିଆନ ଏବଂ ଦୁଗ୍ଧ ସମବାୟ ସମିତି / ଦୁଗ୍ଧ ଉତ୍ପାଦକ ସମିତି / ଦୁଗ୍ଧ ଉତ୍ପାଦକ କମ୍ପାନୀ / ଦୁଗ୍ଧ ଚାଷୀ ଉତ୍ପାଦକ ସଂଗଠନ ଭଳି ସମସ୍ତ ବ୍ୟକ୍ତିବିଶେଷଙ୍କୁ ସ୍ୱୀକୃତିପ୍ରଦାନ କରିବା ଏବଂ ପ୍ରୋତ୍ସାହିତ କରିବା। ଏହି ପୁରସ୍କାର ତିନୋଟି ବିଭାଗରେ ପ୍ରଦାନ କରାଯାଏ, ଯଥା,
I. ଦେଶୀ ଗୋରୁ/ମଇଁଷି ପ୍ରଜାତି ପାଳନ କରୁଥିବା ଶ୍ରେଷ୍ଠ ଦୁଗ୍ଧ ଚାଷୀ,
II. ଶ୍ରେଷ୍ଠ ଦୁଗ୍ଧ ସମବାୟ/ ଦୁଗ୍ଧ ଉତ୍ପାଦକ କମ୍ପାନୀ / ଦୁଗ୍ଧ ଚାଷୀ ଉତ୍ପାଦକ ସଂଗଠନ)।
III. ଶ୍ରେଷ୍ଠ କୃତ୍ରିମ ଗର୍ଭଧାରଣ ଟେକ୍ନିସିଆନ (ଏଆଇଟି) ଏବଂ
ପ୍ରଥମ ଦୁଇ ବର୍ଗ ଯଥା ଶ୍ରେଷ୍ଠ ଦୁଗ୍ଧ ଚାଷୀ ଓ ଶ୍ରେଷ୍ଠ ଡିସିଏସ୍/ଏଫପିଓ/ଏମପିସିରେ ପ୍ରଥମ ଦୁଇ ସ୍ଥାନ ପାଇଁ ୫ ଲକ୍ଷ ଟଙ୍କା,ଦ୍ୱିତୀୟ ସ୍ଥାନ ପାଇଁ ୩ ଲକ୍ଷ ଟଙ୍କା ଓ ତୃତୀୟ ସ୍ଥାନ ପାଇଁ ୨ ଲକ୍ଷ ଟଙ୍କା ସହ ମାନ୍ୟତା ପ୍ରମାଣପତ୍ର ଓ ସ୍ମୃତିଚିହ୍ନ ପ୍ରଦାନ କରାଯିବ।
ଶ୍ରେଷ୍ଠ କୃତ୍ରିମ ଗର୍ଭଧାରଣ ଟେକ୍ନିସିଆନ୍ (ଏଆଇଟି) ବର୍ଗରେ ଜାତୀୟ ଗୋପାଳ ରତ୍ନ ପୁରସ୍କାର-୨୦୨୩ରେ କେବଳ ମେରିଟ୍ ସାର୍ଟିଫିକେଟ୍ ଓ ସ୍ମୃତିଚିହ୍ନ ରହିବ।
ଉପଯୁକ୍ତ ପ୍ରକ୍ରିୟା ଅନୁସରଣ କରିବା ପରେ, ପଶୁପାଳନ ବିଭାଗ ପ୍ରତ୍ୟେକ ବର୍ଗରେ ବିଜେତାଙ୍କୁ ନିମ୍ନଲିଖିତ ଭାବରେ ଘୋଷଣା କରୁଛି:
|
କ୍ରଂ.ସଂ.
|
ଶ୍ରେଣୀ
|
ଏନଜିଆରଏ ୨୦୨୩ ର ବିଜେତାଙ୍କ ନାମ ସହ
|
|
1.
|
ଦେଶୀ ଗାଈ/ମଇଁଷି ପ୍ରଜାତି ପାଳନ କରୁଥିବା ଶ୍ରେଷ୍ଠ ଦୁଗ୍ଧ ଚାଷୀ
|
ପ୍ରଥମ - ଶ୍ରୀରାମସିଂହ, କର୍ନାଲ, ହରିୟାଣା ।
ଦ୍ୱିତୀୟ- ଶ୍ରୀ ନିଲେଶ ମଗନଭାଇ ଆହିର, ସୁରଟ, ଗୁଜରାଟ
ତୃତୀୟ- ଶ୍ରୀମତୀ ବୃନ୍ଦା ସିଦ୍ଧାର୍ଥ ଶାହା, ବଲସାଡ, ଗୁଜରାଟ
ତୃତୀୟ - ଶ୍ରୀ ରାହୁଲ ମନୋହର ଖଇରନାର, ନାସିକ, ମହାରାଷ୍ଟ୍ର
|
|
2.
|
ଶ୍ରେଷ୍ଠ ଦୁଗ୍ଧ ସମବାୟ ସମିତି/ଦୁଗ୍ଧ ଉତ୍ପାଦକ କମ୍ପାନୀ/ଦୁଗ୍ଧ ଚାଷୀ ଉତ୍ପାଦକ ସଂଗଠନ
|
ପ୍ରଥମ- ପୁଲପଲ୍ଲୀ କ୍ଷୀରୋଲପଦକା ସହକାରା ସଙ୍ଗମ ଡି ଲିମିଟେଡ୍, ୱାୟନାଡ, କେରଳ।
ଦ୍ୱିତୀୟ -ଟି ଏମ ହୋସୁର ଦୁଗ୍ଧ ଉତ୍ପାଦକ ସମବାୟ ସମିତି ଲିମିଟେଡ୍, ସମବାୟ ସମିତି, ମାଣ୍ଡ୍ୟା,କର୍ଣ୍ଣାଟକ।
ତୃତୀୟ-ଏମ୍ ଏସ୍ ୧୫୮ ନାଥମକୋଭିଲପଟ୍ଟି ଦୁଗ୍ଧ ଉତ୍ପାଦକ ସମବାୟ ସମିତି, ଡିଣ୍ଡିଗୁଲ, ତାମିଲନାଡୁ
|
|
3.
|
ଶ୍ରେଷ୍ଠ କୃତ୍ରିମ ଗର୍ଭଧାରଣ ଟେକ୍ନିସିଆନ୍ (ଏଆଇଟି)
|
ପ୍ରଥମ - ଶ୍ରୀ ସୁମନ କୁମାର ସାହା, ଅରାରିଆ, ବିହାର,
ଦ୍ୱିତୀୟ- ଅନୀଲ କୁମାର ପ୍ରଧାନ, ଅନୁଗୁଳ, ଓଡ଼ିଶା,
ତୃତୀୟ- ଶ୍ରୀ ମୁଦ୍ଦାପୁ ପ୍ରସାଦରାଓ, ଶ୍ରୀକାକୁଲମ, ଆନ୍ଧ୍ରପ୍ରଦେଶ
|
୧୫.୦୮.୨୦୨୩ରୁ ୧୫.୧୦.୨୦୨୩ ମଧ୍ୟରେ ଗୃହ ମନ୍ତ୍ରଣାଳୟ ଦ୍ୱାରା ବିକଶିତ https://awards.gov.in ଅନଲାଇନ୍ ଆବେଦନ ପୋର୍ଟାଲ ମାଧ୍ୟମରେ ଆବେଦନ ଆହ୍ୱାନ କରାଯାଇଥିଲା। ସମୁଦାୟ ୧୭୭୦ ଟି ଆବେଦନ ଆସିଥିଲା ।
ପ୍ରାଣୀସମ୍ପଦ କ୍ଷେତ୍ର ଆଜି ଭାରତୀୟ ଅର୍ଥବ୍ୟବସ୍ଥା ପାଇଁ ଗୁରୁତ୍ୱପୂର୍ଣ୍ଣ, ଯେଉଁଥିରେ କୃଷି ଏବଂ ଆନୁସଙ୍ଗିକ କ୍ଷେତ୍ର ଜିଭିଏର ଏକ ତୃତୀୟାଂଶ ଅନ୍ତର୍ଭୁକ୍ତ ଏବଂ ଏଥିରେ ୮% ରୁ ଅଧିକ ସିଏଜିଆର ରହିଛି । ସେହିପରି ପ୍ରାଣୀପାଳନ, ଦୁଗ୍ଧ ଓ ମତ୍ସ୍ୟ ଚାଷ କାର୍ଯ୍ୟ ବିଶେଷ କରି ଭୂମିହୀନ, କ୍ଷୁଦ୍ର ଓ ନାମମାତ୍ର କୃଷକ ଓ ମହିଳାଙ୍କ ମଧ୍ୟରେ କୃଷକ ଆୟ ସୃଷ୍ଟି କରିବା ସହ ଲକ୍ଷ ଲକ୍ଷ ଲୋକଙ୍କୁ ଶସ୍ତା ଓ ପୁଷ୍ଟିକର ଖାଦ୍ୟ ଯୋଗାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।
ଭାରତର ଦେଶୀ ଗାଈ ପ୍ରଜାତି ଶକ୍ତିଶାଳୀ ଏବଂ ଜାତୀୟ ଅର୍ଥବ୍ୟବସ୍ଥାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାର ଜେନେଟିକ କ୍ଷମତା ରଖିଛି । ଦେଶୀ ପ୍ରଜାତିର ବିକାଶ ଓ ସଂରକ୍ଷଣ ପାଇଁ କୌଣସି ନିର୍ଦ୍ଦିଷ୍ଟ କାର୍ଯ୍ୟକ୍ରମ ନଥିବାରୁ ସେମାନଙ୍କ ସଂଖ୍ୟା ହ୍ରାସ ପାଉଛି ଏବଂ ସେମାନଙ୍କ କାର୍ଯ୍ୟଦକ୍ଷତା ବର୍ତ୍ତମାନ ସମ୍ଭାବନା ଠାରୁ କମ୍ ରହିଛି। ତେଣୁ ମତ୍ସ୍ୟ, ପ୍ରାଣୀପାଳନ ଓ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ ଅଧୀନରେ ଥିବା ପ୍ରାଣୀପାଳନ ଓ ଦୁଗ୍ଧ ଉତ୍ପାଦନ ବିଭାଗ ଦେଶୀ ଗାଈ ପ୍ରଜାତିର ସଂରକ୍ଷଣ ଓ ବିକାଶ ଉଦ୍ଦେଶ୍ୟରେ ୨୦୧୪ ଡିସେମ୍ବର ମାସରେ ଜାତୀୟ ଗୋବଣ ପ୍ରଜନନ ଓ ଦୁଗ୍ଧ ବିକାଶ କାର୍ଯ୍ୟକ୍ରମ ଅଧୀନରେ "ରାଷ୍ଟ୍ରୀୟ ଗୋକୁଳ ମିଶନ" ଆରମ୍ଭ କରିଥିଲା ।
********
P.S.
(Release ID: 1979448)
Visitor Counter : 110