কোলকত্তা, নবেম্বর 16, 2023

কেন্দ্রগী এজুকেসনগী রাজ্য মন্ত্রী দা. সুভাস সরকারনা ঙসি বনকুরাদগী নিংথিনা লৈতেংলবা বিকসিত ভারত সঙ্কল্প য়াত্রা (VBSY) ভেনশিং লমথাখ্রে। দা. সরকারনা বনকুরাদা ভেনশিং লমথাখ্রবা মতুংদা হায়খি মদুদি কেন্দ্র সরকারগী ৱেলফেয়র স্কিমশিং উৎপা ফোতোগ্রাফশিং য়াওবা ভেনশিং অসি থংনবা এরিয়াশিংদা কোইনা চৎতুনা মরী লৈনবা স্কিমশিংদা বেনেফিসরীশিংগী মশিং হেনগৎহন্নবা য়াম্লবা মীয়াম্বু সেন্ত্রেল স্কিমশিংগী কানবগী মতাংদা খংহনগনি।

ঝরগ্রামদা অতোপ্পা থৌরম অমদা, ঙসি, ইনফোর্মেসন অমসুং ব্রোদকাস্তিং মন্ত্রালয়গী সেনিয়র এদভাইজর শ্রী আর কে জেনানা ঝরগ্রামদগী বিকসিত ভারত সঙ্কল্প য়াত্রা ভেন লমথাখি মদুদা VBSYগী স্তেত নোদেল ওফিসর শ্রী রজিব ভত্তচার্য়; অকাশ শর্ম DDM, রঞ্জিৎ দত্ত LDMসু শরুক য়াখি।

য়াত্রা অসিনা মীয়ামদা য়ৌশিনবা, এৱার্নেস শাগৎপা অমসুং সেনিতেসন ফেসিলিতীশিং, এসেন্সিয়েল ফাইনান্সিয়াল সর্বিসেস, ইলেক্ত্রিসিতী কনেক্সনস, এল.পি.জি. সিলিন্দর ফাওবা য়ৌহনবা, লাইরবশিংগী য়ুম শাবা, ফুদ সেক্যুরিতী, প্রোপর ন্যুত্রিসন, রেলিয়েবল হেল্থকেয়র, অরুবা থক্নবা ইশিং অসিনচিংবদা মীৎয়েং থমগনি। পোতেন্সিয়েল বেনেফিসরীশিংগী এনরোলমেন্ত য়াত্রা মনুংদা ফংবা অকুপ্পা ৱারোলগী খুত্থাংদা পাংথোক্কনি।

প্রধান মন্ত্রী শ্রী নরেন্দ্র মোদীনা তোঙান তোঙানবা সেন্ত্রেল স্কিমশিংগীদমক এলিজিবল ওইবা অদুবু হৌজিক ফাওবা কানবা ফংদ্রিবা নাগরিকশিং য়ৌনবা পান্দমদা নেসনৱাইদ প্রোগ্রাম অমা ওইরিবা VBSY য়ুশকৈশ (নবেম্বর 15, 2023) নুমিৎতা হৌদোকখি। য়াত্রা অসি হৌদোকপগী খুদম ওইনবা অখন্ননা দিজাইন তৌরবা IEC (ইনফোর্মেসন, এজুকেসন অমসুং কম্মুনিকেসন) ভেন মঙা মহাক্না খুনতিদগী লমথাখি। মদুগা মান্নবা ভেনশিং ত্রাইবেল পোপুলেসন নম্না তাবা লৈবাক্কী অতোপ্পা মফমশিংদগীসু লমথাখি।

নোর্থ বেঙ্গলগী অলিপুরদুৱারগী কাচিনি গ্রাম পঞ্চায়ৎ এরিয়াদসু VBSY নিংথিজনা পাংথোকখি।

পুরুলিয়াদা পাংথোকপা অতোপ্পা থৌরম অমদা জিলাগী রঘুনাথপুর-1 ব্লোক্কী মখাদা শঙ্কা খুঙ্গংদা জনজাতিয়া গৌরব দিবস পাংথোকখি। অঙাংশিংগীদমক সিত এন্দ দ্রো কম্পিতিসন পাংথোকখি, মদুদা স্কুলগী অঙাং কয়ানা শরুক য়াখি। মসিদসু নত্তনা লোকেল য়ুথশিংগী মরক্তা ফুতবোল তুর্নামেন্ত অমসু পাংথোকখি। রঘুনাথপুরগী এম.এল.এ. শ্রী বিবেকানন্দা বৌরিনা তুর্নামেন্ত অদু হৌদোকখি।

শ্রী মোদীনা য়ুমশকৈশ নুমিৎতা জনজাতিয়া গৌরব দিবস 2023 পাংথোকপগী থৌরমদা ঝার্খন্দগী খুন্তিদা অখন্নবা থৌরম অমদা ৱা ঙাংখি, মদুদা মহাক্না VBSY অমসুং প্রধান মন্ত্রী পার্তিকুলরলী ভলনরেবল ত্রাইবেল গ্রুপস দিবলপমেন্ত মিসন হৌদোকখি। মহাক্না PM-KISANগী 15শুবা ইন্সতোলমেন্তসু রিলিজ তৌখি। শ্রী মোদীনা ঝার্খন্দদা রেল, রেদ, এজুকেসন, কোল, পেত্রোলিয়ম অমসুং নেচরেল গ্যাসগুম্বা মল্তিপল সেক্তরশিংদা লুা করোর 7200গী মমল ওইবা দিবলপমন্ত প্রোজেক্ত কয়াসু উরেপ উয়ুং তমখি অমসুং জাতিদা কত্থোকখি। থৌরম অদুদা উৎলিবা একজিবিসনদসু মহাক্না চৎতুনা য়েংশিনখি।

*****