Ka tnat Land Resources, hapoh ka tnat Rural Development ka dang pynlong ia ka jingialang bad ki jylla ka thain shatei lammihngi bad ki Autonomous Hills District Council (ADC) ban peit ia ka jingpyntreikam ia ka Digital India Land Records Modernization Programme (DILRMP) bad kiwei kiwei ki sienjam kum shi bynta ka Bhumi Samvaad VII ha ka 24 tarik u Naiwieng, 2023 ha Vigyan Bhawan Annexe, New Delhi. Kane ka conference ka dei kaba pynlong hapoh ka Bhumi Samvaad jong ka Dialogues and Deliberations of Land Administration and Governance ha ka ri bad yn pyniaid ia ka da u Ajay Tirkey, Secretary ka tnat Land Resources. Kane ka dei ka conference kaba 7 bad ki Jylla / UT, ki tnat Sorkar bad kiwei kiwei kiba iadon bynta ha kine ki kam. Kane ka conference kan peit ia ka jingpyntreikam ia ka DILRMP bad kiwei kiwei ki sienjam jong ki jylla ka thain shatei lammihngi bad ki ADC jong ki jylla ka thain shatei lammihngi bad khamtam ki lad jingpynbeit da kaba pyndonkam ia ki lad digital na ka bynta ki jylla ka thain. Ka conference kan don ruh ia ka jingpyni ia ka Action Plan jong ki ADC ban pyntreikam ia ka DILRMP ha ki jaka ba ki peit. Yn don ka jingiakren halor ki Action Plan kum ka Action Plan na u snem sha u snem ki thong bad ka jingiaid shaphrang jong baroh ki bynta bad ruh ki jingpynkhreh kum ka jingbiang ki briew ban treikam, ka jingpyntbit ia ki nongtrei bad ka por ba la buh ban pyndep ia ka kam. Ka conference kan plié lad ruh ia ka jingiamir jingmut, ka jingpyni ia ki jingsaindur thymmai, ka jingpyni ia ki jingseisoh, ka jingpyni ia ki jingpynbeit, ka jingiakren shaphang ki rukom treikam ha ki por ban wan bad kan plié lad ia ka jingioh jinghikai lang baroh ha ki kam bapher bapher.

Ha kane ka conference, yn don ki nongiashim bynta kum ki ophisar na ka tnat State Revenue / Registration bad Inspector General of Registration na Assam, Arunachal Pradesh, Manipur, Meghalaya, Mizoram, Nagaland, Tripura bad Sikkim. Ha kane ka conference, yn wan iashim bynta ruh da ki Chief Executive Officer jong ki ADC / Secretary ka Executive Committee / Executive Secretary (ADC). Yn don ruh ka jingiashim bynta da ka B.N. Yugandhar Centre for Rural Studies jong ka Lal Bahadur Shastri National Academy of Administration Mussoorie (LBSNAA), Surveyor General of India, ka tnat Development of North Eastern Region, Sorkar India bad North East Council, Shillong, Meghalaya.

*****