গ্ৰামোন্নয়ন মন্ত্ৰালয়ৰ ভূমি সম্পদ বিভাগে ২৪ নৱেম্বৰ, ২০২৩ তাৰিখে নতুন দিল্লীৰ বিজ্ঞান ভৱনত ডিজিটেল ইণ্ডিয়া লেণ্ড ৰেকৰ্ডছ আধুনিকীকৰণ কাৰ্যসূচী (ডিআইএলআৰএমপি) আৰু সপ্তম ভূমি সম্বাদৰ অংশ হিচাপে বিভিন্ন  পদক্ষেপ / বিষয়ৰ অগ্ৰগতি সন্দৰ্ভত  উত্তৰ-পূবৰ ৰাজ্য আৰু স্বায়ত্তশাসিত পাহাৰীয়া জিলা পৰিষদৰ (এডিচি) সৈতে এক পৰ্যালোচনা বৈঠকৰ আয়োজন কৰিছে। এই সন্মিলনখন দেশৰ ভূমি প্ৰশাসন  বিভাগৰ  ভূমি সম্বাদ শৃংখলাৰ অধীনত আয়োজন কৰা হৈছে ৷ সন্মিলনখনত  ভূমি সম্পদ বিভাগৰ সচিব শ্ৰী অজয় তিৰ্কীয়ে সভাপতিত্ব কৰিব। এয়া এনেধৰণৰ সপ্তম  সন্মিলন যি সন্মিলনৰ সৈতে বিভিন্ন   ৰাজ্য/কে্ন্দ্ৰীয় শাসিত অঞ্চল, মন্ত্ৰালয় তথা বিভিন্ন বিভাগ, অন্যান্য অংশীদাৰসকল জড়িত হৈ আছে। এই সন্মিলনত উত্তৰ-পূবৰ ৰাজ্যসমূহৰ ডিআইএলআৰএমপি আৰু উত্তৰ-পূবৰ ৰাজ্যসমূহৰ ভূমি সম্পৰ্কীয়  ডিজিটাইজেচনৰ বিষয়সমূহৰ  সমাধানৰ বিষয়ত পৰ্যালোচনা কৰা হ’ব৷   সন্মিলনখনত  সংশ্লিষ্ট পাহাৰীয়া জিলা পৰিষদত ডিআইএলআৰএমপি ৰূপায়ণৰ বাবে পাহাৰীয়া জিলা পৰিষদৰ কাৰ্য পৰিকল্পনাৰ বিষয়টোও  উপস্থাপন কৰা হ'ব। আলোচনা কৰিবলগীয়া এনে কাৰ্য পৰিকল্পনাবোৰত অন্তৰ্ভুক্ত থাকিব- বছৰ অনুসৰি ৰূপায়ন কৰিবলগীয়া কাৰ্য পৰিকল্পনা/ বিত্তীয় লক্ষ্য আৰু  কামৰ অগ্ৰগতি  তথা  প্ৰস্তুতি যেনে মানৱ সম্পদৰ উপলব্ধতা / নিয়োজন, সামৰ্থ্য বৃদ্ধি কৰা আৰু আঁচনিখন সম্পূৰ্ণ কৰাৰ বাবে সময়সীমা নিৰ্ধাৰণ কৰা আদি। সন্মিলনখনে বিভিন্নজনৰ মাজত এই বিষয়ক  জ্ঞান আৰু ধাৰণাৰ আদান-প্ৰদানত সহায় কৰাৰ লগতে  উদ্ভাৱনী শক্তিৰ প্ৰদৰ্শন,  বিভিন্ন কাৰ্য প্ৰণালীৰ অধ্যয়ন, সমস্যাৰ  সমাধান , ভৱিষ্যতৰ ৰণনীতি প্ৰস্তুতকৰণ , বিভিন্ন বিষয়ত পাৰস্পৰিক শিক্ষণৰ সুযোগ প্ৰদান কৰিব বুলি আশা কৰা হৈছে৷

সন্মিলনখনত ৰাজ্যিক ৰাজহ / পঞ্জীয়ন বিভাগৰ জ্যেষ্ঠ বিষয়া আৰু অসম, অৰুণাচল প্ৰদেশ, মণিপুৰ, মেঘালয়, মিজোৰাম, নাগালেণ্ড, ত্ৰিপুৰা তথা  ছিকিমৰ  পঞ্জীয়ন মহাপৰিদৰ্শককে ধৰি আন বহু অংশগ্ৰহণকাৰী উপস্থিত থাকিব। সন্মিলনখনত পাহাৰীয়া জিলা পৰিষদৰ  মুখ্য কাৰ্যবাহী বিষয়া / কাৰ্যবাহী সমিতিৰ সচিব / কাৰ্যবাহী  সচিব (পাহাৰীয়া জিলা পৰিষদ) আদি  উপস্থিত থাকিব। সন্মিলনখনত  লাল বাহাদুৰ শাস্ত্ৰীৰ গ্ৰাম্য অধ্যয়ন কেন্দ্ৰ,  মুচৌৰী (এলবিএছএনএএ) ৰ অধীনস্থ বি এন যুগন্ধৰ চেণ্টাৰ ফ’ৰ ৰুৰেল ষ্টাডিজৰ প্ৰতিনিধি, ভাৰতৰ জৰীপকৰ্তা জেনেৰেল, উত্তৰ-পূব অঞ্চল উন্নয়ন মন্ত্ৰালয়, ভাৰত চৰকাৰ আৰু মেঘালয়ৰ শ্বিলঙৰ উত্তৰ-পূব পৰিষদৰ প্ৰতিনিধিয়েও  অংশগ্ৰহণ কৰিব৷

DM