عملے، عوامی شکایات اور پنشن کی وزارت
مرکزی سکریٹریٹ راج بھاشا سیوا سنگٹھن کے وفد نے ڈاکٹر جتیندر سنگھ سے ملاقات کی؛ بڑے پیمانے پر ترقیوں کا حکم دے کر تاخیری پروموشن کے معاملات کو صاف کرنے کے لیے ڈی او پی ٹی کے وزیر کا شکریہ ادا کیا؛ راج بھاشا کے اہلکاروں سے متعلق بقیہ معاملات کے بیک لاک کو اسی طرح نمٹانے کی درخواست کی
"ڈی او پی ٹی بغیر کسی تاخیر کے، بروقت ترقیوں کو یقینی بنانے کا خواہاں": ڈاکٹر جتیندر سنگھ
ڈی او پی ٹی نے حال ہی میں 1592 اے ایس اوز کی بڑے پیمانے پر ترقی کو منظوری دی، چار سالوں میں 13000 ترقیوں کو منظوری دی گئی: ڈاکٹر جتیندر سنگھ
Posted On:
21 NOV 2023 1:57PM by PIB Delhi
سائنس اور ٹیکنالوجی کے مرکزی وزیر مملکت (آزادانہ چارج)؛ پی ایم او، پرسنل، عوامی شکایات، پنشن، ایٹمی توانائی اور خلاء کے وزیر مملکت ڈاکٹر جتیندر سنگھ نے کہا ہے کہ ڈی او پی ٹی (محکمہ عملہ اور تربیت) بغیر کسی تاخیر کے بروقت ترقیوں کو یقینی بنانے کے لیے کوشاں ہے۔
وزیر موصوف ، مرکزی سیکرٹریٹ راج بھاشا سیوا تنظیم کے ایک وفد سے بات کر رہے تھے ،جس نے نئی دہلی میں ان سے ملاقات کی۔ وفد کے ارکان نے بڑے پیمانے پر ترقیوں کا حکم دے کر تاخیر سے ہونے والے پروموشن کے معاملات کے بیک لاگ کو ختم کرنے پر ان کا شکریہ ادا کیا اور راج بھاشا عہدیداروں سے متعلق بقیہ کیسوں کو بھی اسی طرح نمٹانے کی درخواست کی۔
![https://static.pib.gov.in/WriteReadData/userfiles/image/image001JFVD.jpg](https://static.pib.gov.in/WriteReadData/userfiles/image/image001JFVD.jpg)
یہ یقین دلاتے ہوئے کہ وزارت عملہ کا ڈی او پی ٹی، مختلف کیڈرز میں سرکاری ملازمین کی بروقت ترقیوں کے بارے میں یکساں طور پر فکر مند ہے، ڈاکٹر جتیندر سنگھ نے کہا، اس سال کے شروع میں جون کے مہینے میں، ڈی او پی ٹی نے اے ایس اوز کے طور پر ایڈہاک بنیادوں پر ایس اوز کی حیثیت سے کام کرنے والے 1592 اہلکاروں کی بڑے پیمانے پر ترقی کو منظوری دی تھی، جو فوری طور پر نافذ عمل کی گئی۔
وزیر انچارج ڈی او پی ٹی ڈاکٹر جتیندر سنگھ کی ہدایت پر ترقیوں کو تیز کیا گیا، جنہوں نے ذاتی طور پر اس پورے عمل کا جائزہ لیا۔
وزیر موصوف نے کہا کہ صرف پچھلے سال بڑے پیمانے پر تقریباً 9000 ترقیاں کی گئیں اور اس سے پہلے ڈی او پی ٹی نے پچھلے تین سالوں میں 4000 ترقیوں کو منظوری دی تھیں۔
![https://static.pib.gov.in/WriteReadData/userfiles/image/image002W013.jpg](https://static.pib.gov.in/WriteReadData/userfiles/image/image002W013.jpg)
بڑے پیمانے پر ترقیوں کو منظوری دینے میں ڈاکٹر جتیندر سنگھ کی ذاتی مداخلت کے لیے ان کا شکریہ ادا کرتے ہوئے، وفد کے اراکین نے وزیر انچارج ڈی او پی ٹی سے درخواست کی کہ وہ اپنے کیڈر میں پروموشن پالیسی پر نظرثانی کریں، کیونکہ پروموشن کے امکانات کم ہیں، جس سے ملازمین کا حوصلہ متاثر ہوتا ہے۔
ڈاکٹر جتیندر سنگھ نے کہا کہ وزیر اعظم جناب نریندر مودی اس بات کے بہت خواہش مند ہیں کہ محنتی اور کارکردگی کا مظاہرہ کرنے والے اہلکاروں کو کام کے لیے سازگار ماحول فراہم کیا جائے اور ساتھ ہی انہیں بروقت سروس کے فوائد بھی فراہم کیے جائیں،تاکہ وہ قوم کی تعمیر میں اپنے بہترین کارکردگی کا استعمال کرنے کی ترغیب حاصل کرسکیں۔
![https://static.pib.gov.in/WriteReadData/userfiles/image/image003Z39W.jpg](https://static.pib.gov.in/WriteReadData/userfiles/image/image003Z39W.jpg)
وزیر موصوف نے کہا کہ پچھلے نو سالوں میں، پی ایم مودی کی رہنمائی میں، حکومت نے وقتاً فوقتاً مختلف مرکزی وزارتوں میں دیرینہ جمود کے مسائل کا جائزہ لیا ہے، جو کہ عدالتوں میں زیر التوا مقدمات، اسامیوں کی کمی، اعلی درجات اور عملے کے دیگر مسائل کی وجہ سے ماضی کی میراث ہیں۔
ڈاکٹر جتیندر سنگھ نے کہا کہ حکومت بعض کیڈرز اور بعض سطحوں پر طویل جمود کے بارے میں فکر مند ہے ، جہاں انتظامیہ کے سب سے نچلے درجے میں کام کرنے والے کچھ ملازمین ایک بھی ترقی حاصل کیے بغیر، اپنی 30 سے 35 سال کی پوری مدت ملازمت میں گزار دیتے ہیں۔ ڈی او پی ٹی کے وزیر نے کہا کہ انہوں نے محکمہ کے تمام سینئر افسران کے ساتھ اس معاملے پر بات چیت کی ہے اور انتظامیہ کے درمیانی اور نچلے حصے میں جمود سے بچنے کے لیے کئی اختراعی اقدامات شروع کیے گئے ہیں۔
ڈاکٹر جتیندر سنگھ نے افسوس کا اظہار کیا کہ بڑی تعداد میں پروموشنز میں جمود کا نتیجہ، قانونی چارہ جوئی کے نتیجے میں لئے گئے نامناسب فیصلوں یا سابقہ حکومتوں کی طرف سے آؤٹ آف ٹرن پروموشن دینے کے لیے، قوانین کو توڑ مروڑ کر پیش کرنے کی صورت میں ظاہر ہوا۔
وزیر موصوف نے کہا کہ حکومت نے حالیہ برسوں میں منظور کی گئی 4000 ترقیوں میں سے چند میں، مقدمات زیر سماعت ہونے کے باوجود، قانونی ماہرین سے مشورہ کر کے اور عدالتی جانچ پڑتال کے لیے درست انتظامات کر کے، ترقیاں دی ہیں ۔
سی ایس ایس کیڈر سے تعلق رکھنے والے ان ملازمین کی بڑے پیمانے پر ترقی کے احکامات، پچھلے مہینوں میں ڈاکٹر جتیندر سنگھ کی زیر صدارت ڈی او پی ٹی میں اعلیٰ سطحی میٹنگوں کے کئی دور کے بعد جاری کیے گئے۔
![https://static.pib.gov.in/WriteReadData/userfiles/image/image004AM77.jpg](https://static.pib.gov.in/WriteReadData/userfiles/image/image004AM77.jpg)
ڈاکٹر جتیندر سنگھ نے کہا کہ نظم و نسق میں آسانی اور معروضیت کو فہرست میں شامل کرنے کے لیے، حکومت نے پچھلے نو سالوں میں پروموشنز کے طریقہ کار کو بہتر بنایا ہے تاکہ اس بات کو یقینی بنایا جا سکے کہ اس کو انجام دینے میں کوئی ذاتی ترجیحات شامل نہ ہوں۔
انہوں نے مزید کہا کہ "انسانی انٹرفیس کو کم سے کم کرنے کے لیے جدید ترین ٹیکنالوجی ٹولز کا استعمال کرتے ہوئے طریقہ کار کو مزید ہائی ٹیک بنایا گیا ہے۔"
ڈی او پی ٹی کے وزیر نے کہا کہ انتظامی اصلاحات کے ایک حصے کے طور پر، حکومت نے 1600 سے زیادہ قواعد کو ختم کر دیا ہے جو یا تو فرسودہ تھے یا وقت گزرنے کے ساتھ غیر متعلق ہو گئے تھے۔
انہوں نے کہا کہ "اس سب کا مقصد نہ صرف عوام کے لیے نتائج کی موثر اور بروقت فراہمی کو یقینی بنانا ہے، بلکہ ملازمین کو اپنی صلاحیت کے مطابق بہترین کارکردگی کا مظاہرہ کرنے کے قابل بنانا ہے۔"
۔۔۔۔۔۔۔۔۔۔۔۔۔۔۔۔۔۔۔۔۔
(ش ح- اع - ق ر)
U-1221
(Release ID: 1978465)
Visitor Counter : 81