প্রধান মন্ত্রী ভারতীয় জনঔশধি পরিয়োজনা (PMBJP) সু নোভেম্বর ১৪ দগী ২৭ ফাওবা নই দিল্লীগী প্রগতি মৈদান্দা পাংথোক্লিবা ৪২ রক শুবা ইন্দিয়ন ইন্তর্নেস্নেল ত্রেদ ফেয়রদা শরুক য়াখ্রে। ত্রেদ ফেয়র অসিগী শরুক অমা ওইনা, ভারতীয় জনঔশধি প্রোজেক্তনা পব্লিক য়ুতিলিতী প্রোজেক্ত অসিগী মরমদা মীয়ামদা খঙহন্নবা হোল নম্বর ৫ (স্তোল নম্বর ৮বি.) দা দেমোন্সত্রেসন স্তোল অমা শেমখি। স্তোল অসিগী মতেংদগী, মীয়ামদা জন ঔশধিগী অহোংবা অমসুং মগুন লৈবা হিদাক লাংথকশিংগী মতাংদা খঙহনখি।

মীপুম খুদিংমক্তা মগুন লৈবা জেনেরিক ওইবা হিদাক লাংথকশিং অহোংবা মমলদা ফংহন্নবগী পান্দমদা, প্রধান মন্ত্রী ভারতীয় জনঔশধি পরিয়োজনা অসি ভারত সরকারগী, দিপার্তমেন্ত ওফ ফার্মাস্বুতিকেল্স, কেমিকেল্স এন্দ ফর্তিলাইজর্সগী মন্ত্রালয়না হৌদোকখিবনি। স্কিম অসিগী মখাদা, জেনেরিক ওইবা হিদাক লাংথকশিং পীননবা জনঔশধি কেন্দ্রস হায়না খঙনবা অখন্নবা আউতলেৎশিং হাংদোকখি।

সরকারনা ফ্রেনচাইজ মানবা মোদেল অমা শিজিন্নখি অমসুং PMBJP কেন্দ্র হৌদোক্ননবা অমসুং চলাইনবগীদমক্তা তোঙান-তোঙানবা ইন্তর্প্রেনরশিং লৌশিনখি।

চহি অসিগী ওক্তোবর ৩১ ফাওবদা, জনঔশধি কেন্দ্রস ৯৯৯৮ লৈবাক শিনবদা মথৌ তৌখি। PMBJP গী প্রদক বাস্কেত্তা চোইনা য়োনবা দুকানশিংদা ব্রান্দেদ ওইবা হিদাক লাংথকশিংদগী ৫০% দগী ৯০% ফাওবা হোংবা দ্রগ ১৯৬৫ অমসুং সর্জিকেল ইক্বিপমেন্ত ২৯৩ য়াওরি।

***