প্রধান মন্ত্রী শ্রী নরেন্দ্র মোদীনা ঝারখন্দগী খুন্তীদা জনজাতীয় গৌরব দিবস 2023গী পালন থৌরমদা ৱা ঙাংখ্রে। থৌরম অসিদা প্রধান মন্ত্রীনা ‘বিক্ষিৎ ভারত সঙ্কল্প য়াত্রা’ অমসুং প্রধান মন্ত্রী পার্তিক্যুলর্লী ভলনরেবল ত্রাইবেল গ্রুপস দিবেলপমেন্ত মিসন হৌদোকখ্রে। মহাক্না PM-KISANগী 15শুবা ইনস্তোলমেন্তসু থাদোকখ্রে। শ্রী মোদীনা ঝারখন্দদা লুপা করোর 7200 রোমগী রেল, লম্বী-থোং, এজুকেসন, কোল, পেত্রোলিয়ন অমসুং নেচরেল গ্যাসগুম্বা সেক্তর কয়ামরুমদা তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে। মহাক্না থৌরম অসিদা উৎখিবা একজিবিসন কোইনা চৎতুনা য়েংখ্রে।

থৌরম অসিদা ভারতকী রাস্ত্রপতি শ্রীমতি দ্রৌপদি মুর্মুগী ভিদিও মেসেস অমসু থাদোকখ্রে।

থৌরম অসিদা প্রধান মন্ত্রীনা বিক্ষিৎ ভারত সঙ্কল্পকী ৱাশক শক্নবা লমজিংখ্রে।

প্রধান মন্ত্রীনা ঙসি অঙনবদা ভগৱান বিরসা মুন্দাগী পোক্নফম, উলিহাতু খুঙ্গং লোয়ননা রাঞ্চিদা লৈবা বিরসা মুন্দা মেমোরিএল পার্ক কম ফ্রীদম ফাইতর ম্যুজিয়মদা চৎখিবা মহাক্কী খোঙচৎ অদু নীংশিংলদুনা মহাক্কী ৱারোল পীবা হৌখি। মহাক্না নুমিৎ অসিগী চহি অনিগী মমাংদা ফ্রীদম ফাইতর ম্যুজিয়ম শঙ্গাখিবা অদুসু পনখি। শ্রী মোদীনা জনজাতীয় গৌরব দিবসকী থৌরমদা প্রজা খুদিংমক্তা মহাক্না নুংঙাইবা ফোঙদোকখি অমসুং য়াইফ পাউজেল পীখি। মহাক্না ঝারখন্দ শেমখিবা নুমিৎকী য়াইফ পাউজেলসু পীখি অমসুং মসি শেম্নবা হোৎনবদা হান্নগী ভারতকী পি.এম., শ্রী অতল বিহারি বাজপায়ীনা শরুক তমখিবশিং অদু ফোঙদোকখি। মহাক্না রেল, লম্বী-থোং, এজুকেসন, কোল, পেত্রোলিয়ম অমসুং নেচরেল গ্যাস হায়রিবা তোঙান-তোঙানবা সেক্তরশিংদা ঙসি চাউখৎ-থৌরাংগী প্রোজেক্তশিং পাইখৎপগীদমক ঝারখন্দগী মীয়ামদা নুংঙাইবসু ফোঙদোকখি। মহাক্না হৌজিক ঝারখন্দদা লৈরিবা রেল রুৎশিং চাদা 100 ইলেক্ত্রিফাইদ তৌবা ঙম্বদা নুংঙাইবা ফোঙদোকখি।

ত্রাইবেল মীয়ামগীদমক ভগৱান বিরসা মুন্দাগী ইথিল পীনীংঙাই ওইবা ইহৌ অদু পল্লদুনা প্রধান মন্ত্রীনা মশিং লাকঙমদ্রবা ত্রাইবেল অথৌবশিংগা লোয়ননা ঝারখন্দগী লমদমগা লৈনরিবা মরী অদুসু ফোঙদোকখি। মহাক্না তিলকা মনঝী, সিধু কানহু, চান্দ ভৈরব, ফুলো ঝানো, নীলাম্বর, পীতাম্বর, জতরা তানা ভগত অমসুং অলবর্ত এক্কাগুম্বা অথৌবশিং অসিনা লমদম অসিবু চাউথোকচবা পোকহনখি হায়খি। প্রধান মন্ত্রীনা আদিবাসী লান্মীশিংনা লৈবাক্কী কাচিন কোয়া খুদিংমক্তা নীংতম ইহৌদা শরুক য়াখি অমসুং মানগর ধামগী গোবিন্দ গুরু, মধ্য প্রদেশকী তানত্যা ভীল, ছত্তিসগরগী ভীমা নায়ক, সহীদ বীর নারায়ন সিংহ, মনিপুরগী অথৌবী রানী গাইদিনলু, তেলঙ্গানাগী বীর রামজী গোন্দ, আন্ধ্র প্রদেশকী অল্লুরী সীতারাম রাজু, গোন্দ প্রদেশকী রানী দুর্গাবতীগী মতাংদা পনখি। অসিগুম্বা মীশকশিং অসিবু নাথৈদুনা থমলকখিবগীদমক নুংঙাইতবা ফোঙদোক্লদুনা অমৃত মহোৎসব মনুংদা অথৌবশিং অসি নীংশিংবদা অপেনবা ফোঙদোকখি।

ঝারখন্দগা লৈনরিবা মহাক্কী লনাইগী ওইবা মরীগী মতাংদা পলদুনা প্রধান মন্ত্রীনা আয়ুশ্মান য়োজনা অসি ঝারখন্দদগী হৌদোকখি হায়না নীংশিংখি। প্রধান মন্ত্রীনা হায় ঙসি ঝারখন্দদগী পুৱারী ওইরবা থৌশিল-থৌরাং অনি হৌদোকখি। সরকারগী সেচুরেসনগী পান্দমশিং থুংহন্নবা পাম্বৈ অমা ওইরিবা বিক্ষিৎ ভারত সঙ্কল্প য়াত্রা অমসুং মুৎখ্রগদবা ত্রাইবশিং ঙাকপী শেনবীবা অমসুং মখোয়বু য়েংশিন্নবা পি.এম. জনজাতীয় আদিবাসী ন্যায় অভিয়ান অসিনি।

শ্রী মোদীনা ‘বিক্ষিৎ ভারতকী অমৃত স্তম্ভ’ নত্ত্রগা চাউখৎপা ভারতকী য়ুম্বী মরি মমিং ওইনা হায়রবদা নুপীগী শক্তি নত্ত্রগা নারী শক্তি, ভারতকী চীঞ্জাক পুথোক্লিবশিং, লৈবাক্কী নহারোল অমসুং অরোইবদা ভারতকী নিও-মিদ্দল ক্লাস অমসুং লায়রবা হায়রিবা অসিদা মীৎয়েং চংবা মথৌ তাই হায়খি। মহাক্না হায়খি ভারতকী চাউখৎ-থৌরাংগী খোঙজেল অসি য়ুম্বীশিং অসি চাউখৎপগী শক্তি অদুগী মতিক ময়াইগী মখা পোল্লি। পি.এম.না হৌজিক পাল্লিবা সরকারনা হৌখিবা চহি 9 অসিদা য়ুম্বী মরি মপাঙ্গল কনখৎহন্নবা পাইখৎখিবা খোঙথাং অমসুং তৌখিবা থবক্ত অপেনবা ফোঙদোকখি।

প্রধান মন্ত্রী মোদীনা সরকারনা মীওই করোর 13 হেন্না লৈতা-লায়রবদগী থোরকপা ঙমখিবগী অচৌবা মাইপাকপা অদুগী মতাংদা ফোঙদোকখি। “ঐখোয়গী সেবা কাল অসি ঐখোয়গী সরকারনা 2014দা শক্তি পাইখিবা মতমদগী হৌরকখি” হায়না ফোঙদোক্লদুনা মহাক্না লৈবাক্কী মশিং য়াম্লবা মীশিং অসিনা তঙাই ফদবা খুদোংচাবশিং ফংদুনা লৈরকখি হায়খি। মহাক্না হায়খি মদুদি লায়রবশিংনা মতম অদুগী সরকারশিংগী চেকশিন্দবা থৌওংনা মরম ওইদুনা আশা পুম্বা মাংখি। “হৌজিক পাল্লিবা সরকারনা শেবাগী ৱাখল্লোনগা লোয়ননা থবক পাইখৎপা হৌখি” হায়না ফোঙদোক্লদুনা মহাক্না লায়রবা অমসুং শোত্থরবশিংদা মখোয়গী থোংজিলদা খুদোংচাবশিং ফংহন্দুনা সরকারনা মখোয়দা খ্বাইদগী মরু ওইবা মীৎয়েং চংখি। মহাক্না অওনবা পুরকপগীদমক সরকারগী এপ্রোচপু থাগৎখি। 2014 মমাংদা খুঙ্গংশিং লুনানবগী স্কোপ অসি শুপ্নগী চাদা 40 ওইরমখিবা অদু ঙসি লৈবাক অসিনা সেচুরেসনগীদমক পান্দম থম্মি। 2014গী মতুংদা মাইপাকখিবশিংগী মতাংদা পল্লদুনা প্রধান মন্ত্রীনা হায়খি LPG কন্নেক্সনশিং অসি খুঙ্গংশিংগী চাদা 50-55 ওইরম্বদগী ঙসি চাউরাক্না চাদা 100দা হেনগৎহনখি, অঙাংশিংগী লাইফ-সেভিং ভেক্সিনশিং কাপ্পা অসি চাদা 55 ওইরম্বদগী চাদা 100 য়ৌখি, নীংতম্বা ফংলবা মতুং দিকেদ তরা ফাওবা য়ুমথোংশিংদা তোতি ঈশিংগী কন্নেক্সনশিং চাদা 17 ফংলম্বা অদু চাদা 70দা হেনগৎহনখি। “মোদীনা শোত্থরবশিংদা মরু ওইবা মীৎয়েং চংখি” হায়না মহাক্না ফোঙদোকখি। প্রধান মন্ত্রীনা লৈতা-লায়রবা অমসুং খুদোংচাবা ফংদবগী মহাক্কী পর্সনেল এক্সপরিয়েন্সনা মরম ওইরগা শোত্থরবা মীওইশিংগা মহাক্কা মান্নবা অদু ফোঙদোকখি। “ঐহাক্না শোত্থরবশিংদা ঐহাক্না তোনশিনখিবা লমন শীংনবগীদমক ভগৱান বিরসা মুন্দাগী লমদমদা লাক্লি” হায়না ফোঙদোকখি।

শ্রী মোদীনা হায়খি সরকারনা লাইনা মহৈ ফংগদবা থবক তৌবগী ৱাখল্লোন থাদোকখি অমসুং মতম শাংনা পন্দুনা লৈরকপা সমস্যাশিংগী ৱারোইশিন ওইনা পুরকখি। মহাক্না অমম্বা মরক্তা হিংলমখিবা খুঙ্গং 18,000 মৈ য়ৌহনখিবগী খুদম পীখি। লাল কিলাগী লানবন্দগী লাউথোকখিবগী মতুং ইন্না অকক্নবা মতমগী মনুংদা ইলেক্ত্রিফিকেসন তৌখি। শোত্থরে হায়না লৈরমখিবা জিলা 110দা এজুকেসন, হেল্থ, অমসুং ইজ ওফ লিবিংগী মরু ওইবা পেরামিতরশিং অসি ৱাংখৎহনখি। জিলাশিং অসিদা এস্পিরেস্নেল দিস্ত্রিক্ত প্রোগ্রামনা অচৌবা অওনবশিং পুরকখি। জিলাশিং অসিদা ত্রাইবেল মীশিংনা হেন্না লৈ হায়না মহাক্না ফোঙদোকখি। “এস্পিরেস্নেল দিস্ত্রিক্ত প্রোগ্রামগী মাইপাকপা অসি এস্পিরেস্নেল ব্লোকস প্রোগ্রামগী খুত্থাংদা পাকথোক চাউথোকহল্লি”, হায়না মহাক্না ফোঙদোকখি।

প্রধান মন্ত্রীনা নৌহৌননা হায়খি, “লৈবাক্কী প্রজা অমা হেক্তগী মায়োক্তা থম্মিবা খেনবগী মীৎয়েং পুম্নমক মাংহনখ্রবা মতমদা খক্তদা তশেংবা সেক্যুলরিজমগী ৱাহন্থোক অদু ফংবা ঙমগনি”, মখা তারদুনা হায় সোসিএল জস্তিস অসি সরকারগী স্কিম পুম্নমক্না চপ মান্নবা মওংদা মীপুম খুদিংমক্তা কান্নবশিং য়ৌরবা মতমদা ফংবা ঙমগনি। ‘বিক্ষিৎ ভারত সঙ্কল্প য়াত্রা’গী নুংদা লৈরিবা ৱাখল্লোন অদু মসিনি অমসুং ঙসি ভগৱান বিরসা মুন্দাগী জয়েন্তিদগী হৌরগা মথং চহিগী জনুৱারী 26 ফাওবা মখা চত্থগনি। “খোঙচৎ অসিদা সরকারনা মিসন মোদতা লৈবাক্কী খুঙ্গং খুদিংমক্তা চৎকনি অমসুং লায়রবা অমসুং শোত্থরবা মীওই খুদিংমক সরকারগী স্কিমশিংগী বেনিফিসরীশিং ওইহনগনি” হায়না প্রধান মন্ত্রীনা ফোঙদোকখি।

প্রধান মন্ত্রীনা 2018দা সরকারগী ওফিসর লিশিং অমা খুঙ্গংশিংদা থাদুনা মরু ওইবা সরকারগী স্কিম তরেৎকী মরমদা এৱের্নেস পীনবা গ্রাম স্বারাজ অভিয়ান পাঙথোকখিবা অদু নীংশিংখি অমসুং বিক্ষিৎ ভারত সঙ্কল্প য়াত্রানা চপ মান্ননা মাইপাকপা পুরকপা ঙমগনি হায়না থাজবা ফোঙদোকখি। “লায়রবা খুদিংমক্না লেম্না রাসন ফংনবা রাসন কার্দ অমা পাইবা, উজ্জ্বলা য়োজনাদগী গ্যাস কন্নেক্সন ফংবা, য়ুমশিংদা ইলেক্ত্রিসিতী সপ্লাই তৌবা, তোতি ঈশিংগী কন্নেক্সন পুশিনবা, আয়ুশ্মান কার্দ পাইবা অমসুং পক্কাগী য়ুমদা লৈবা নুমিৎ অদু ঐহাক্না খৌরাংনা ঙাইজরি”। পি.এম. মোদীনা মখা তারদুনা হায় লৌমী অমসুং শিন্মী খুদিংমক পেন্সন স্কিমশিং ফংহন্নবা অমসুং নহারোলনা মখোয়গী মঙলানশিং থুংহন্নবা মুদ্রা য়োজনা ফংহন্নবা মহাক্কী বিজন অদু শন্দোক্না হায়খি। “বিক্ষিৎ ভারত সঙ্কল্প য়াত্রা অসি ভারতকী লায়রবা, শোত্থরবা, নুপী, নহারোল অমসুং লৌমীশিংগীদমক মোদীগী গরেন্তীনি” হায়না মহাক্না ফোঙদোকখি।

মন্ত্রীনা মখা তারদুনা হায় মদুদি PM JANMAN নত্ত্রগা পি.এম. জনজাতীয় আদিবাসী ন্যায় মহা অভিয়ান অসি চাউখৎপা ভারত অমগী ফিরেপকী অচৌবা য়ুম্ফম অমনি। মহাক্না হায়খি মদুদি অতলজী সরকারনা ত্রাইবেল খুন্নাইগীদমক তোখাইবা মন্ত্রালয় অমা শেমখি। মহাক্না হায়খি মদুদি ত্রাইবেলগী য়াইফনবগীদমক বজেৎ অসি মমাংগা চাংদম্নবদা শরুক 6 হেনগৎহনখি। PM JANMANগী মখাদা প্রধান মন্ত্রীনা হায় সরকার অসিনা ত্রাইবেল কাংলুপশিং অমসুং উমংদা হৌজিকসু খুন্দা লৈতাদুনা লৈরিবা প্রিমিতিব ত্রাইবশিংদা য়ৌশিনগনি। মহাক্না হায়খি সরকারনা লৈবাক অসিদা লৈবা খুঙ্গং লিশিং 22 হেনবদা লৈরিবা মীওইশিং লাখ অমা ওইবা ত্রাইবেল ফুরুপশিং অমসুং প্রিমিতিব ত্রাইব 75 মশক খঙদোকখি। “মমাংগী সরকারশিংনা মশিং অসি পুনশিন্নবা থবক তীখি অদুবু হায়না মশিংগী মহুৎ পুন্সিশিংবু কন্নেক্ত তৌবা পামখি। পান্দম অসিগা লোয়নান ঙসি PM JANMAN হৌখ্রে”, হায়না প্রধান মন্ত্রীনা ফোঙদোকখি। মহাক্না হায় মদুদি কেন্দ্র সরকারনা মেগা কেম্পেন অসিদা লুপা করোর 24,000 চাদিং তৌগনি।

প্রধান মন্ত্রীনা রাস্ত্রপতি দ্রৌপদি মুর্মুনা ত্রাইবেল ফুরুপশিং চাউখৎহন্নবা মহাক্কী অচেৎপা ফিরেপ অদুগীদমক তৌবীমল খঙবা উৎখি। মহাক অসি নুপীনা লমজিংবা চাউখৎ-থৌরাংগী ইথিল পীনিংঙাই ওইবা খুদম অমনি হায়খি। প্রধান মন্ত্রীনা চহি খরা অসিদা নুপীনা লমজিংবা চাউখৎ-থৌরাংগীদমক পাইখৎখিবা খোঙথাংশিং পাউদমখি। “মখোয়গী পুন্সিগী তাঙ্কক খুদিংমক্কী য়েংলগা ঐখোয়গী সরকারনা নুপীশিংগীদমক স্কিম কয়া শেমখি”, হায়না মহাক্না ফোঙদোকখি অমসুং বেতি বচাও বেতি পরাও, স্কুলশিংদা নুপী মচাশিংগী তোখাইবা তোইলেৎশিং, পি.এম. আৱাজ য়োজনা, সাইনিক স্কুল অমসুং দিফেন্স একাদেমী হাংবা, মদ্রা বেনিফিসরীগী চাদা 70 নুপীশিংনা ওইরি, সেল্ফ-হেল্প গ্রুপশিংদা রেকোর্দ ওইনা তেংবাং পীবা অমসুং নারী শক্তি বন্দন অধিনিয়মগুম্বা থৌশিলশিং অসিনা পুন্সিশিংদা অওনবা পুরক্লি হায়খি। “ঙসি ভাই দুজকী শেংলবা কুহ্মৈনি। মবুং অসিনা লৈবাক্কী মচলশিংদা ঐখোয়গী সরকারনা ঐখোয়গী ইচলশিংগী চাউখৎ-থৌরাংদা লৈরিবা অপনবা খুদিংমক মখা তানা লৌথোক্কনি। নুপীগী শক্তিগী অমৃত স্তম্ভ অসিনা চাউখৎপা ভারত অমা শেম্বদা মরু ওইবা থৌদাং অমা লৌরগনি” হায়না প্রধান মন্ত্রীনা ফোঙদোকখি।

শ্রী মোদীনা হায়খি পি.এম. বিশ্বকর্মা য়োজনানা কেন্দ্র সরকারনা চাউখৎপা ভারত অমগী খোঙচৎতা মীপুম খুদিংমক্কী তৌবা ঙম্বা অদু শীজিন্ননবা হোৎনরি তাক্লি। মহাক্না হায়খি মদুদি স্কিম অসিনা বিশ্বকর্মা মরুপশিংদা মোদর্ন ত্রেনিং অমসুং খুৎশু-খুৎলাইশিং পীগনি। “স্কিম অসিদা লুপা করোর লিশিং 13 চাদিং তৌগনি”, হায়না মহাক্না ফোঙদোকখি।

ঙসি থাদোকখিবা পি.এম. কিসান সম্মান নিধিগী 15শুবা ইনস্তোলমেন্তগী মতাংদা ঙাংলদুনা প্রধান মন্ত্রীনা হায়খি হৌজিক ফাওবদা লৌমীশিংগী একাউন্তশিংদা লুপা 2,75,000 ত্রান্সফর তৌখ্রে।  মহাক্না শা-শন লোইবা ঙামী অমসুং ঙামীশিংগী কিসান ক্রেদিৎ কার্দ, লাইবস্তোক্কী লেম্না তীকা থাদোক্নবা লুপা করোর 15,000 সরকারনা চাদিং তৌবা, ঙা য়োকপা প্রমোৎ তৌনবা মতস্যা সম্পাদা য়োজনাগী মখাদা শেলগী তেংবাং পীবা, অমসুং লৈবাক অসিদা অনৌবা ফার্মর প্রদ্যুস য়ুনিয়ন লিশিং 10 শেমদুনা মার্কেৎ হেন্না এক্সেসিবল ওইহন্দুনা লৌমীশিংগী চংবা শেল হন্থহনবা ঙমহল্লি হায়না ফোঙদোকখি। পি.এম. মোদীনা 2023 অসি ইন্তরনেস্নেল মিল্লেৎ ইয়র পালন তৌরি অমসুং সরকারনা শ্রী অন্নাবু মীরৈবাক্কী কৈথেলশিংদা য়ৌহন্নবা খোঙথাংশিং অদুগী মতাংদসু ফোঙদোকখি।

প্রধান মন্ত্রীনা রাজ্য অসিদা নক্সেলাইৎকী হিংসা হন্থহনবগীদমক ঝারখন্দগী অপুনবা চাউখৎ-থৌরাংবু থাগৎখি। রাজ্য অসি শেমখিবা চহি 25 মপুং ফারকপদা প্রধান মন্ত্রীনা ঝারখন্দদা স্কিম 25গী সেচুরেসনগী পান্দম ফংনবা মাইকৈদা থবক তৌখি হায়না ফোঙদোকখি। মহাক্না হায়খি মদুদি মসিনা রাজ্য অসিগী চাউখৎ-থৌরাং অমসুং ইজ ওফ লিবিং শাহৌ পীবদা অনৌবা ইনোৎ পীরগনি। “সরকারনা নহারোলদা এজুকেসন পাকথোক-চাউথোক্নবা অমসুং নহারোলদা খুচোংচাবশিং পীনবা হোৎনখি”, শ্রী মোদীনা হায়খি মদুদি মোদর্ন নেস্নেল এজুকেসন পোলিসীনা মখোয় মশাগী মমা লোলদা মেদিসিন অমসুং ইঞ্জিনীয়রিং তম্বা মহৈরোয়শিংদা ফংহনখি। মহাক্না হায়খি মদুদি হৌখিবা চহি 9দা লৈবাক শিনবা থুংবদা য়ুনিভর্সিতী 300 অমসুং কোলেজ 5,500 হেন্না লিংখৎখি। মহাক্না দিজিতেল ইন্দিয়ন কেম্পেনগী মতাংদসু ফোঙদোকখি অমসুং ভারতনা স্তার্ত-অপ লাখ অমা হেন্নবগা লোয়ননা মালেমগী অহুমশুবা খ্বাইদগী চাউবা ইকোসিস্তেম ওইরি। পি.এম. মোদীনা রাঞ্চিদা IIM কেম্পস অমসুং ধানবাদতা IIT-ISM কেম্পসকী অনৌবা হোস্তেলশিং শঙ্গাখি হায়নসু ফোঙদোকখি।

ৱারোল পীবা লোইশিনবদা প্রধান মন্ত্রীনা অমৃত কালগী অমৃত স্তম্ভা মরি মদুদি ভারতকী নুপীগী শক্তি, নহারোলগী শক্তি, লৌউ-শিংউগী শক্তি অমসুং ঐখোয়গী লায়রবা অমসুং মিদ্দল ক্লাসকী শক্তিনা ভারতপু অনৌবা পনখৈশিং তম্না পুখৎকনি অমসুং ভারতপু চাউখৎপা ভারত অমা ওইহনগনি হায়না থাজবা ফোঙদোকখি।

থৌরম অসিদা ঝারখন্দ, শ্রী সি.পি. রাধাকৃষ্ণ, ঝারখন্দগী মুখ্য মন্ত্রী, শ্রী হেমন্ত সোরেন অমসুং ত্রাইবেল এফিয়র্স, শ্রী অর্জুন মুন্দানা শরুক য়াখি।

বেকগ্রাউন্দ

বিক্ষিৎ ভারত সঙ্কল্প য়াত্রা

অকক্নবা মতমগী মনুংদা তার্গেৎ তৌরিবা বেনিফিসরী পুম্নমক্তা সরকারগী ফ্লেগশিপ স্কিমশিংগী কান্নবশিং ফংহন্দুনা স্কিমশিং অসি মপুং ফানা সেচুরেসন ফংহন্নবা প্রধান মন্ত্রীনা লেপ্পা লৈতনা থবক পাইখৎতুনা লাকখি। স্কিমশিংগী সেচুরেসন ফংহন্নবা পান্দম অসু থুংহন্নবা মাইকৈদা অচৌবা খোঙথাং অমা ওইনা প্রধান মন্ত্রীনা জনজাতীয় গৌরব দিবসকী থৌরমদা ‘বিক্ষিৎ ভারত সঙ্কল্প য়াত্রা’ হৌদোকখ্রে।

য়াত্রা অসিনা মীয়ামদা য়ৌশিন্নবা অমদি এৱের্নেস পীবা অমসুং সেনিতেসন ফেসিলিতীশিং, তঙাই ফদবা ফাইনান্সিএল সর্ভিসেস, ইলেক্ত্রিসিতী কন্নেক্সন, LPG সিলিন্দরশিংগী এক্সেস ফংহনবা, লায়রশিংগী য়ুম শাবা, ফুদ সেক্যুরিতী, মচি ওইবা চীঞ্জাক নীংথিনা ফংহনবা, অফবা হেল্থকিয়র, অরুবা থক্নবা ঈশিংনচিংবা য়াইফ-থৌরাং স্কিমশিংগী কান্নবশিং ফংহনবদা মীৎয়েং থম্মি। য়াত্রা মনুংদা মশখ খঙদোকখিবা অকুপ্পা ৱারোলশিংগী খুত্থাংদা পোতেন্সিএল বেনিফিসরীশিংগী এনরোলমেন্ত অসি তৌগনি।

প্রধান মন্ত্রীনা ‘বিক্ষিৎ ভারত সঙ্কল্প য়াত্রা’ লোঞ্চ তৌরদুনা IEC(ইনফোর্মেসন, এজুকেসন এন্দ কম্ম্যুনিকেসন) বেনশিং ঝারখন্দগী খুন্তীদা লমথাখ্রে। য়াত্রা অসি অহানবগী ওইনা ত্রাইবেল মীশিং য়াম্না তাবা জিলাশিংদগী হৌদোক্কনি অমসুং জনুৱারী 25, 2024 ফাওবদা লৈবাক্কী জিলা  পুম্নমক কোনশিনগনি।

PM PVTG মিসন

থৌরম অসিদা প্রধান মন্ত্রীনা মাগী অনৌবা ইনিসিএতিব – ‘প্রধান মন্ত্রী পার্তিক্যুলর্লী ভলনরেবল ত্রাইবেল গ্রুপস(PM PVTG) মিসন’সু হৌদোকখ্রেএ। মীশিং লাখ 28রোম লৈবগা লোয়ননা রাজ্য অমসুং UT 18দা লৈবা খুঙ্গং 22,544 (জিলা 220)দা PVTGs 75 লৈ।

ত্রাইবশং অসি চাইথোক্লগা, মনুং হঞ্জিনবা অমসুং চংবদা খুদোংচাদবা মফমশিং, অয়াম্বনা উমংগী মফমশিংদা খুন্দাদুনা লৈ মরম অসিনা লুপা করোর 24,000রোমগী বজেৎকা লোয়ননা পাইখৎখিবা মিসন অসিনা PVTG ইমুংশিং অমসুং খুন্দাদুনা লৈরিবা মফমশিংবু লম্বী-থোং, তেলিকোম কন্নেক্তিবিতী, ইলেক্ত্রিসিতী, শাফবা য়ুম, অরুবা থক্নবা ঈশিং অমসুং সেনিতেসন, এজুকেসন, হেল্থ, মচি ওইবা চীঞ্জাক্কী এক্সেস হেনগৎহনবা অমসুং তুং কোইনা চৎকদবা হীংনবগী লম্বীশিং অসিগুম্বা তঙাই ফদবা খুদোংচাবশিং অসিগা লোয়ননা সেচুরেৎ তৌনবা থৌরাং তৌখি।

মসিগী মথক্তা তোখাইনা PMJAY, সিকল সেল দিজিজ ইলিমিনেসন, TB ইলিমিনেসন, 100% ইম্ম্যুনাইজেসন, পি.এম. সুরক্ষিৎ মাতৃত্ব য়োজনা, পি.এম. মাত্রু বন্দনা, পি.এম. পোশন, পি.এম. জন ধন য়োজনা অসিনচিংবগীদমক সেচুরেসন ফংহনগনি।

PM-KISANগী 15শুবা ইনস্তোলমেন্ত অমসুং অতোপ্পা চাউখৎ-থৌরাংগী থৌশিলশিং

লৌমীশিংগী য়াইফনবগীদমক প্রধান মন্ত্রীগী ফিরেপকী খুদম ওইরিবা খোঙথাং অমদা প্রধান মন্ত্রী কিসান সম্মান নিধি (PM-KISAN)গী মখাদা লুপা করোর 18,000রোমগী শেনফম ওইবা 15শুবা ইনস্তোলমেন্ত বেনিফিসরী করোর 8 হেনবদা দাইরেক্ত বেনিফিৎ ত্রান্সফরগী খুত্থাংদা কাইথগনি। স্কিমগী মখাদা হৌজিক ফাওবদা ইনস্তোমেন্ত 14দা লৌমীশিংগী একাউন্তশিংদা লুপা করোর লাখ 2.62 হেন্না ত্রান্সফর তৌখ্রেএ।

প্রধান মন্ত্রীনা রেল, লম্বী, এজুকেসন, কোল, পেত্রোলিয়ম অমসুং নেচরেল গ্যাসগুম্বা সেক্তর কয়ামরুমদা লুপা করোর 7200রোম ওইবা প্রোজেক্তশিং শঙ্গাগনি, জাতিদা কত্থোক্কনি অমসুং উরেপ-উয়ুং তমগনি।

প্রধান মন্ত্রীনা উরেপ-উয়ুং তমগদবা প্রোজেক্তশিং অদুদা NH133গী মহগামা – হন্সদীহা সেক্সনগী 52 km শাংবা স্ত্রেৎ ফোর লেন ওইনবা; NH114 Aগী বাসুকীনাথ – দেৱগর সেক্সনগী 45km শাংবা স্ত্রেৎচ ফোর লেন ওনবা; KDH-পুর্নাদীহ কোল হেন্দলিং প্লান্ত; IIIT রাঞ্চিগী অনৌবা একাদেমিক অমসুং এদমিনিস্ত্রেতিব বিল্দিং য়াওরি।

শঙ্গাগদবা অমসুং জাতিদা কত্থোক্কদবা প্রোজেক্তশিংদা IIM রাঞ্চিগী অনৌবা কেম্পস; IIT ISM ধনবাদকী অনৌবা হোস্তেল; বোকারোদা পেত্রোলিয়ম ওইল এন্দ লুব্রিকেন্তস (POL) দিপোৎ; রেলৱে প্রোজেক্ত কয়ামরুম মদুদি হতিয়া-পকরা সেক্সন, তলগরিয়া – বোকারো সেক্সন, অমসুং জারঙ্গদীহ – পতরাতু সেক্সন দব্লিং তৌবা হায়রিবশিং অসি য়াওরি। মখা তানা ঝারখন্দদা রেলৱে 100% ইলেক্ত্রিফিকেসন তৌবা ঙমখিবা অসি প্রধান মন্ত্রীনা জাতিদা কত্থোক্কনি।

On Janjatiya Gaurav Divas, let us remember Bhagwan Birsa Munda and redouble our efforts towards achieving greater prosperity for the tribal communities. https://t.co/nVDVNKh1z5

— Narendra Modi (@narendramodi) November 15, 2023

Bhagwan Birsa Munda's struggles and sacrifices inspire countless Indians. pic.twitter.com/KC2oh3ViyO

— PMO India (@PMOIndia) November 15, 2023

Two historic initiatives are being launched from Jharkhand today... pic.twitter.com/9Sw2hJY0Yl

— PMO India (@PMOIndia) November 15, 2023

विकसित भारत के चार अमृत स्तंभ...

इन चार स्तंभों को हम जितना मजबूत करेंगे, विकसित भारत की इमारत भी उतनी ही ऊंची उठेगी। pic.twitter.com/DcjiNgMdw1

— PMO India (@PMOIndia) November 15, 2023

सच्चा सेकुलरिज्म तभी आता है, जब देश के किसी भी नागरिक के साथ भेदभाव की सारी संभावनाएं खत्म हो जाएं। pic.twitter.com/VvJkMufgmI

— PMO India (@PMOIndia) November 15, 2023

विकसित भारत के संकल्प का एक प्रमुख आधार है पीएम जनमन...यानि पीएम जनजाति आदिवासी न्याय महा अभियान। pic.twitter.com/0jBdMJnd7d

— PMO India (@PMOIndia) November 15, 2023

***