نائب صدر جمہوریہ ہند کا سکریٹریٹ
ایمرجنسی کا نفاذ ہماری تاریخ کا سیاہ ترین دور ہے: نائب صدر جمہوریہ
گورنر کا کردار بہت اہم ہوتا ہے؛ وہ آئین کی حفاظت، اس کے تحفظ اور دفاع کا حلف اٹھاتے ہیں: نائب صدر جمہوریہ
کرہ ارض کی کوئی بھی طاقت ہماری آبادی کو بنیادی حقوق اور انسانی حقوق سے محروم نہیں کر سکتی: نائب صدر جمہوریہ
بونسائی ایک ہندوستانی فن ہے؛ اس عقیدے کے خلاف کہ اس کا تعلق چین اور جاپان سے ہے
ہر کسی کو کرہ ارض پر رہنے کا حق حاصل ہے:نائب صدر جمہوریہ
نائب صدر جمہوریہ نے پی ایس سریدھرن پلئی کی ادبی سرگرمیوں کی گولڈن جوبلی تقریبات میں شرکت کی اور ان کی 200 ویں کتاب ’’وامن ورکش کلا‘‘ کا اجرا کیا
Posted On:
09 NOV 2023 5:10PM by PIB Delhi
نائب صدر جمہوریہ ہند جناب جگدیپ دھنکھڑ نے آج زور دے کر کہا کہ کرہ ارض کی کوئی بھی طاقت ہماری آبادی کو بنیادی حقوق اور انسانی حقوق سے محروم نہیں کر سکتی۔ ایمرجنسی کے نفاذ کو ’’تاریخ کا سیاہ ترین دور‘‘ قرار دیتے ہوئے انہوں نے ہر ایک سے اس دور سے سیکھے ہوئے سبق کو لے کر آگے بڑھنے کی اپیل کی۔
آج راج بھون میں گورنر کی 200 ویں کتاب ’’وامن ورکش کلا‘‘ کا اجرا کرتے ہوئے، جناب دھنکھڑ نے گورنر کے اہم کردار پر روشنی ڈالی۔ اس بات پر زور دیتے ہوئے کہ گورنر کا حلف ’’آئین کی حفاظت، اس کا تحفظ اور دفاع ہے‘‘، انہوں نے گورنر کی ذمہ داری پر زور دیا کہ وہ ملک کے عوام کی خدمت کرتے ہوئے اس بات کو یقینی بنائیں کہ ہر کوئی آئین کے مطابق عمل کر رہا ہے۔
نائب صدر جمہوریہ نے کہا کہ کتاب کی رونمائی ایک مناسب وقت پر ہوئی ہے، جو لوگوں کو ان کے مصروف طرز زندگی کے درمیان سکون اور اطمینان حاصل کرنے کا ایک طریقہ پیش کرتی ہے۔ انہوں نے مزید کہا کہ کتاب ’’فطرت سے جڑنے کے لیے ایک پرسکون جگہ‘‘ پیدا کرتی ہے۔ انہوں نے یہ بھی کہا کہ بونسائی ایک آرٹ کی شکل ہے، اور اسے چین اور جاپان کے ساتھ جوڑنے والے عام عقیدے کے برعکس اس کی شروعات ہندوستان میں ہوئی ہے۔
تین دہائیوں کی کوششوں کے بعد ناری شکتی وندن ادھینیم کے پاس ہونے کو تاریخ کا ایک ’شاندار لمحہ‘ قرار دیتے ہوئے، جناب دھنکھڑ نے اس کی کامیابی کو ایک بصیرت، سرشار، اور اتفاق رائے پر مبنی نقطہ نظر سے منسوب کیا۔
انسانوں کو ’’کرہ ارض کا ٹرسٹی‘‘ قرار دیتے ہوئے نائب صدر جمہوریہ نے اس بات پر زور دیا کہ کرہ ارض صرف انسانوں کے لیے نہیں ہے بلکہ تمام جانداروں کے لیے ہے، ہر ایک کو کرہ ارض پر رہنے کا حق حاصل ہے۔ انہوں نے قدرتی وسائل کے زیادہ سے زیادہ استعمال کے لیے توازن پیدا کرنے کی اہمیت پر زور دیا، اس بات پر زور دیا کہ فیصلے مالی صلاحیت کی بجائے ضروریات پر مبنی ہونے چاہئیں۔
نائب صدر جمہوریہ نے سووچھ بھارت جیسے اقدامات کے بعد ملک کے ساحلوں پر ہونے والی ایک اہم تبدیلی کو نوٹ کیا۔ انہوں نے مزید کہا کہ صاف ستھرے ماحول کی طرف یہ تبدیلی ’’انسانوں کے لیے سکون بخش منظر پیش کرتی ہے اور ماحولیاتی نظام کا خیال رکھتی ہے‘‘۔ امید کااظہار کرتے ہوئے نائب صدر جمہوریہ نے کہا کہ یہ تبدیلیاں ان قدرتی مقامات کی قدیم خوبصورتی کے تحفظ کا باعث بنیں گی۔
گوا کے معزز گورنر جناب پی ایس سریدھرن پلئی، گوا کے وزیر اعلیٰ ڈاکٹر پرمود ساونت، رکن پارلیمنٹ اور انڈین اولمپک ایسوسی ایشن کے صدر ڈاکٹر پی ٹی اوشا، گیان پیٹھ ایوارڈ یافتہ جناب دامودر ماؤزو اور دیگر معززین نے اس تقریب میں شرکت کی۔
براہ کرم نائب صدر جمہوریہ کے آج کے پروگرام سے منسلک تصاویر ملاحظہ کریں۔
**********
(ش ح۔ق ت۔ع آ)
U-862
(Release ID: 1975944)
Visitor Counter : 123