পাৱর মন্ত্রালয়
পৱার অমদি রিনিউএবল ইনর্জীগী কেন্দ্র মন্ত্রী শ্রী আর.কে. সিংহনা লুচিংদুনা পাঙথোকখিবা স্তেত অমদি য়ু.তি.শিংগী পৱার অমদি নিউ অমসুং রিনিউএবল ইনর্গীগী মন্ত্রীশিংগী নেস্নেল কন্ফরেন্স, খুমাঙ চাওশিল্লক্লিবা শেন্মিৎলোন অসিবু মতিক হাপ্নবগীদমক মতিং লৈবা ইলেক্ত্রিসিতী সপ্লাই 24X7 ফংহন্নবা ৱাফম মরুওইনা খন্নদুনা লোইশিনখ্রে
স্তেতশিংদা হেনগৎলক্লিবা ইনর্জী দিমান্দ ফংহন্নবগীদমক কোইলাগী স্তোক মরাং কায়না থম্নবা পাউতাক পীখি
অনৌবা কন্নেক্সন পীবগী মতম হন্থহন্নবা অমদি লোদ সেদ্দিং লৈতনা ইলেক্ত্রিসীতী ফংহন্নবা থবক পায়খৎলু: শ্রী আর.কে. সিংহ, কেন্দ্রগী পৱার অমদি NRE মন্ত্রী
স্তেতশিংদা চীফ সেক্রেতরীগী মখাদা ইনর্জী ত্রাঞ্জিসন কম্মিতীশিং শেম্নবা পাউতাক পীখি
শ্রী আর.কে. সিংহনা নন-সোলার পুংফমশিংদা দিমান্দ ফংহন্নবা PSP শিংদা মীৎয়েঙ থম্বগী মথৌ তাবা ৱাফম থমখি
কেন্দ্রগী পৱার অমদি NRE মন্ত্রীনা স্তেত অমদি য়ু.তি.শিংদা লৈঙাক্কী দিপার্তমেন্ত পুম্নমক্তা প্রি-পেদ স্মার্ত মীতরশিং পান্নবা হায়খ্রে
Posted On:
08 NOV 2023 3:44PM by PIB Imphal
স্তেত অমদি য়ু.তি.শিংগী পৱার অমদি রিনিউএবল ইনর্জী মন্ত্রীশিংগী নেস্নেল কন্ফরেন্স নবেম্বর ৬ অমদি ৭, ২০২৩দা নই দিল্লীগী ভারত মন্দপমদা পাঙথোকখ্রে। কন্ফরেন্স অদু কেন্দ্রগী পৱার অমদি NRE মন্ত্রী শ্রী আর.কে. সিংহনা থৌরম মপু ওইদুনা পাঙথোকখি। সেক্রেতরী (পৱার), সেক্রতরী (MNRE), স্তেতশিংগী দিপুতী CM/ পৱার/ NRE মন্ত্রীশিংগা লোয়ননা স্তেত অমদি য়ু.তি.শিংগী প্রিন্সিপাল সেক্রতরীশিংনা কন্ফরেন্স অদুদা শরুক য়াখি।
মীফমদুদা (১) ভারতকী NDC (নেস্নেল্লী দিতর্মিন্দ কন্ত্রিব্যুসন্স) অমদি অনৌবা RPO (রিনিউএবল পর্চেজ ওব্লিগেসন), PM KUSUM স্কীম, রুফতোপ সোলার স্কীম, নেস্নেল গ্রীন হায়দ্রোজেন মীসন, সোলার পার্কো গ্রীন ইনর্জী কোরিদোর, PLI স্কীমগা মরী লৈনবা ৱাফমশিং, ৱিন্দ ইনর্গী অমদি গ্রীন ওপন এক্সেস রুল্স; (২) RDDS (রিভেম্প দিস্ত্রিব্যুসন সেক্তর স্কীম) অমুক হন্না য়েংশিনবা, দিসকোমশিংগী ভাইএবিলিতী মেত্রিক্সশিং, পৱার দিমান্দ অমদি কেপাসিতী হাপচিনবা হেনগৎহনবা, পম্প স্তোরেজ প্রোজেক্ত (PSPs) অমদি (৩) নেস্নেল ত্রান্সমিসন প্লানদা মরুওইবা মীৎয়েঙ থমদুনা মচা খায়না খন্ন-নৈনখি। রাইত্স ওফ ইলেক্ত্রিসিতী কঞ্জ্যুমর রুল্স চৎনহনবা, কার্বোন মার্কেৎ, ইনর্জী ত্রাঞ্জিসন, ই-মোবিলিতীদা স্তেতশিংগী শক্লোন অমদি স্ত্রীত লাইত নেস্নেল প্রোগ্রামদা লৈরিবা ESSL দ্যুশিংগী মতাঙদসু খন্নখি। স্তেতশিংনা হায়রিবা মরুওইবা ৱাফমশিং অসিদা মখোয়গী ওইবা মচাক অমদি ৱাফমশিংসু পুথোক্নরকখি।
কন্ফরেন্স অদুদা মরুওইনা খন্নখিবা হীরমশিংদি:
১. স্তেত পুম্নমক্না কন্ভেস্নেল অমদি রিনিউএবল ইনর্জী পোত্থোকাশিং কম্মিসন তৌবগী খোঙজেল য়াঙ্খৎহনবা।
২. তুংদা কেপাসিতী হাপচিনবগী থৌরাং।
৩. স্তেতশিংদা এপ্রিল ’২৪ দগী জুন ’২৪ ফাওবগী মনুংদা হেনগৎলক্লিবা ইনর্জী দিমান্দশিং পীবা ঙম্নবা কোইলাগী স্তোক মরাং কায়না থমজিন্নবা পাউতাক পীখি। দিমান্দ অসি 250 GW ফাওবগী চাং য়ৌরবা য়াই, মরম অদুনা স্তেতশিংনা কোইলা মরাং কায়না থম্নবা হোৎনগদবনি অমদি হায়রিবা মতমসিবু স্তোক পৈশিন্নবগীদমক শীজিন্নবা য়াই হায়খি। কোল ইন্দিয়া অমদি কেপ্তিব মাইনশিং য়াওনা অতৈ লৈবাকসিগী সোর্সশিংনা সপ্পলাই হেনগৎচরবসু, ইলেক্ত্রিসিতী দিমান্দদা পানরুদবা চাংদা হেনগৎলকপা য়াবনা মসিনা মতিক চারে হায়বদি য়ারোই। অৱাৎপা লৈবশিং মপান্দগী পুশিল্লকপা কোইলাশিংগা পুনশিন্দুনা মেনখৎকদবনি।
৪. লৌউ শিংউদা মৈ শীজিন্নবগী থৌওং নুংশা থোক্লিঙৈদা হোংদোক্কদবনি। থর্মেল পৱারশিং নুংশা থোক্তবা পুংফমশিংদা শীজিন্ননবা য়োকশিনগদবনি। স্তেতশিংনা সোলার অমদি নন-সোলার পুংফমশিংদা মৈ শীজিন্নবগী ফীভম ফগৎহন্নবা লাক্কদৌরিবা থা অনিদগী অহুম ফাওবগী মনুংদা থৌরাং য়াত্থোক্কদবনি।
৫. অনৌবা ভারতনা লোদ সেদ্দিং থমদে। মসিগীমক, স্তেত জেনকোসশিংনা মখোয়গী পৱার প্লান্তশিং ফুল কেপাসিতীদা মথৌ তৌহন্নবা হোৎনগদবনি। মার্চতগী জুন ফাওবা পৱার প্লান্ত পুম্নমক মথৌ তৌনবগীদমক, পৱার প্লান্তশিং শেমজিন শাজিনবা/ শেমদোক শাদোকপগী থবক ফেব্রুৱারী ’২৪ ফাওবগী মনুংদা লোইশিনগদবনি। স্তেত পুম্নমক্না মার্চ ’২৪ ফাওবগী মনুংদা ৭৫% মিনিমম PLF কী পান্দম ফংনবগীদমক জেনেরেতিং য়ুনিৎশিং হিঙ্গৎহনগদবনি। হৌজিক পায়খৎলিবা প্রোজেক্তশিং কম্মিসন তৌবগী খোঙজেল য়াঙখৎহন্নবা অমদি তুংদা পায়খৎলক্কদবা জেনেরেসন প্রোজেক্তশিংগী এনভাইরনমেন্তেল অমদি অতৈ ক্লিয়রেন্সশিং অ্রমসুং লম ফংবা ফংদবগী ৱাফমশিংগী থৌরাং খুদক্তা য়াত্থোক্কদবনি হায়বা ৱাফমসু থমখি।
৬. ইলেক্ত্রিসিতী (রাইতস ওফ কঞ্জ্যুমর্স) রুল্স ২০২০ চৎনহনবগী ফীভম য়েংশিনবা মতমদা, কঞ্জ্যুমরশিংদা ক্বালিতী সপ্লাই অমদি স্তেন্দর্দ ওফ সর্ভিস ঙাক্না চৎনবা অমদি দিসকোমশিংনা কাঙলোন অসি ঙাক্লক্তবা মতমদা কঞ্জ্যুমরশিংদা কেম্পেন্সেত তৌননবা স্তেত পুম্বদা ওতোমেতিক ওইবা অমদি মান্নবা কম্পেন্সেসন মেকানিজম লিংখৎনবা পাউতাকসু পীখি। স্তেতশিংনা অনৌবা কন্নেক্সন পীবগী মতম হন্থহন্নবা অমদি লোদ সেদ্দিং লৈতনা মৈ ফংহন্নবা থবকশিং পায়খৎপা মথৌ তাই হায়নসু থমখি।
৭. কেন্দ্র লৈঙাক্না নেস্নেল গ্রিদ মপাঙ্গল কনখৎহল্লি। স্তেতশিংদা স্তেতকী গ্রিদ মপাঙ্গল কনখৎহন্নবা পাউতাক পীখি। মসি TBCB রুতকী খুত্থাঙদা পায়খৎপা য়াই।
৮. দিস্ত্রিব্যুসন নেতৱর্কতা মৈ মাঙবা খঙদোক্নবা অমদি লৈহন্দনবা DTS অমদি ফীদর পুম্বদা স্মার্ত মীতরিং হাপ্তুনা ইনর্জী একাউন্তিং তৌবদা খ্বায়দগী মরুওইবা মীৎয়েঙ থমগদবনি।
৯. রাউন্দ ক্লোক রিনিউএবল ইনর্জী ফংহন্নবগীদমক পম্প স্তোরেজ প্লান্তশিং (PSP) য়াওনা স্তোরেজ মরুওই। পম্প স্তোরেজ অসি অতৈদগী হেন্না হোঙই অমদি মমল তাই। CEA (সেন্ত্রেল ইলেক্ত্রিসিতী ওথোরিতী)না সিঙ্গল ৱিন্দো ক্লিয়রেন্স সেল লিংখৎলে অমদি PSP গী ক্লিয়রেন্সকী থৌওং লায়থোকহল্লে। দিভেলপরশিংদা PSP মফমশিং মওং চুম্না অমদি অরোন অথুপ লৈতবা মওংদা পীগদবনি। CEA না PSPশিংগী অয়াবা নুমিৎ ৯০দা পীরি।
১০. পান্দম চাউবা ইনর্জী ত্রাঞ্জিসন তার্গেৎশিংগী য়েংলগা, স্তেতশিংদা ফিরেপ লৌবা অমদি থম্লিবা পান্দম ফংবগী খোঙজেল য়াঙখৎহন্নবগীদমক চীফ সেক্রেতরীগী মখাদা স্তেত লেভলে কম্মিতী ওন ইনর্জী ত্রাঞ্জিসন শেম্নবা পাউতাক পীখি।
১১. ফোসিল থাউদা তাংবগী চাং হন্থহন্নবগীদমক ই-মোবিলিতী অমদি ই-কুকিংগী মরুওইবা ৱাফমশিংসু থমখি। লৈবাক শিনবা থুংনা ওইল মার্কেতিং কম্পেনীশিংনা 22000 EV চার্জিং স্তেসনশিং লিংখৎলি। হায়রিবা পান্দম অসি দিসেম্বর ২০২৪ ফাওবদা ফংবা ঙম্নবগীদমক হায়রিবা স্তেসনশিং অসিদা ইলেক্ত্রিসিতী কন্নেক্সন মতম চানা থাদোক্নবা স্তেত/দিসকোমশিংনা হোৎনগদবনি।
নবেম্বর ৭, ২০২৩দা ৱারোইশিন পীরদুনা অমদি কন্ফরেন্স অদুগী মহৈদা অপেনবা ফোঙদোক্লদুনা, কেন্দ্রগী পৱার অমদি নিউ অমসুং রিনিউএবল মন্ত্রীনা স্তেতশিংগী পৱার মন্ত্রীশিংদা স্তেত পৱার অমদি নিউ অমসুং রিনিউএবল ইনর্জী মন্ত্রীশিংগী কন্ফরেন্স অসি থা অহুম খুদিংগী পাঙথোকপনা হেন্না মহৈ য়ানগনি হায়বা ৱাফম থমখি। মন্ত্রীনা পৱার সেক্তরগী তীম ইন্দিয়াবু লৈবাকসিগী শেন্মিৎলোন চাওখৎহল্লিবা অমা ওইনা শিংথাখি অমদি পৱার সিস্তেম অসি হেন্না মপাঙ্গল কল্লে অমদি হেন্না থাজনিংঙাই ওইরে হায়খি। মহাক্না মখোয়গী মফমদা মসিবু মপুং ফানা থাজবা য়াবা ওইহন্নবা হেন্না কন্না হোৎননবা ৱাফমসু থমখি।
“ইলেক্ত্রিসিতী তারিফ চাং নাইনা লেপ্পু, স্তেতশিংনা মখোয়গী খুজিল থৌরাংগী মতুং ইন্না সবসিদী পীবা য়াই”
মসিগী মতাঙদা রোদমেপ থম্লদুনা, মন্ত্রীনা অ্রহানবা খোঙথাংদি ইলেক্ত্রিসিতী তারিফ চাং নাইনা লেপ্পনি, হায়বদি মসি চহি খুদিংগী মার্চ হৌরকপদা, শেন্বা চহি হৌদ্রিঙৈদা লেপথোক্কদবনি হায়খি। অনিসুবদা তারিফ অদু শেঞ্জংগা চুনহনগদবনি। স্তেতশিংনা মখোয়না পাম্বা চাংদা সবসিদী পীবা কায়দে, অদুবু সবসিদী অদুদি থিদোক্কদবনি।
“পৱার সেক্তরগী পর্ফোর্মেন্স চাং নাইনা য়েংশিল্লু”
কেন্দ্রগী পৱার অমদি NRE মন্ত্রীনা লৈঙাক্কী দিপার্তমেন্ত পুম্নমক্তা প্রিপেদ সিস্তে পানগদবনি, মসিনা লৈঙাক্কী দিপার্তমেন্তশিংদা মশানা শেল থিহনগনি হায়খি। শ্রী আর.কে. সিংহনা স্তেত অমদি য়ু.তি.শিংদা পৱার সেক্তরগী পর্ফোর্মেন্স চাং নাইনা য়েংশিন্নবা ৱাফমসু থমখি। “স্তেতশিংগী মন্ত্রীশিং অমদি মকোক থোংবা ওফিসরশিংনা ইনর্জী একাউন্ত শেম্লিবরা, বিলিং ইফিসিএন্সী ৮৭% গী মথক্তা লৈরিবরা, কল্লেক্সন ইফিসিএন্সী ৯৭৷গী মথক্তা লৈরিবরা হায়বা য়েংশিন্নবগীদমক দিসকোম অমদি জেনেরেসন কম্পেনীশিংগী পর্ফোর্মেন্স চাং নাইনা য়েংশিনগদবনি অমদি শেন্নগদবনি। অসুম্না তৌরবখক্তদা সিস্তেমদা একাউন্তেবিলিতী লাক্কদৌরিবনি অমদি সিস্তেম অদু নীংথিনা লৈদুনা হেন্না ফগৎলক্কদৌরিবনি,” হায়না শ্রী সিংহনা মখা তাখি।
মন্ত্রীনা স্তেত পুম্নমক্তা ভারত লৈঙাক্না স্তেতশিংগা লোয়ননা তীম অমা ওইনা থবক তৌমিন্নগনি হায়বগী থাজবসু পীখি।
মসিসু পাবিয়ু:
***
(Release ID: 1975730)
Visitor Counter : 79