ماضی کے پڑھے لکھے بے روزگار افراد  سے، اب ہم آئی – پی ایچ ڈی   شروع  کرانے کے ساتھ تعلیم یافتہ روزگار کے قابل سائنس کے میدان میں کاروبار کرنے  والوں کے دور میں  داخل ہونے کی کوشش کر رہے ہیں  ، جو دوسرے لفظوں میں پی ایچ ڈی میں انڈسٹری سے منسلک ڈگری ہوگی۔

آج نئی دلّی میں اکیڈمی آف سائنٹفک اینڈ انوویٹیو ریسرچ  ( اے سی ایس آئی آر  )  کے ساتویں کنووکیشن سے خطاب کرتے ہوئے، مرکزی وزیر ڈاکٹر جتیندر سنگھ نے کہا کہ  یہ اکیڈمی ایک منفرد تعلیمی پلیٹ فارم ہے  ، جو سائنس میں ڈگری دیتی ہے  ، جس سے   کاروبار میں  مدد ملتی ہے اور اس میں انٹرپرینیورشپ کی باریکیوں کے ساتھ  ساتھ ایک نصاب بھی شامل ہے۔

سائنس اور ٹیکنالوجی کے مرکزی وزیر مملکت (آزادانہ چارج) ،  وزیر اعظم کے دفتر ، عملہ ، عوامی شکایات، پنشن، ایٹمی توانائی اور خلاء کے شعبے کے وزیر مملکت  ڈاکٹر جتیندر سنگھ نے کہا کہ سال  ، 2011 ء میں اپنے قیام کے بعد سے  ، اے سی ایس آئی آر  12 سال کے مختصر عرصے میں بھارت میں ڈاکٹریٹ کی تعلیم فراہم کرنے والے  سب سے بڑے  ادارے   کے طور پر ابھرا ہے۔

انہوں نے کہا کہ   ’’ اکیڈمی نہ صرف  تعداد کے اعتبار سے، بلکہ معیار کے لحاظ سے بھی، بہترین  ہے ۔ انہوں نے کہا کہ یہ معیار کے ساتھ ساتھ جدت طرازی کے ساتھ ساتھ، سائنس کے وسیع  سلسلے  کو جاری رکھتی  ہے ،  یہ بہترین، اختراعی اور  مختلف النوع بھی ہے۔‘‘

اے سی ایس آئی آر  ،  بھارت میں ڈاکٹریٹ کی تحقیق کا سب سے بڑا تعلیمی ادارہ ہے  ، جس نے  2022  ء میں 577 پی ایچ ڈی کی ڈگریاں  فراہم کی ہیں اور فی الحال 7,000 سے زیادہ طلباء پی ایچ ڈی کے لیے رجسٹرڈ ہیں۔ اے سی ایس آئی آر     ، فی الحال  بھارت کے تعلیمی اداروں میں تحقیق کے زمرے میں  ’’ اسکماگوانسٹی ٹیوشن رینکنگ ‘‘ ( 2022  )  کے لحاظ سے  تیسرے  ،  ’’ نیچر انڈیکس ‘‘ ( 22-2021 ء )  کے لحاظ سے 11 ویں اور نیشنل انسٹی ٹیوشنل رینکنگ فریم ورک ( این آئی آر ایف ) ( 2023 )  کے  اعتبار سے  12 ویں نمبر پر ہے۔

سائنس کے میدان میں ہماری  کوششوں کے ساتھ  ساتھ صنعت کو   مربوط کئے جانے کو ادارہ جاتی بنانے پر زور دیتے ہوئے  ، ڈاکٹر جتیندر سنگھ نے کہا کہ اس سے پائیدار اسٹارٹ اپس بنانے میں مدد ملے گی۔

انہوں نے کہا کہ  ’’ ہمیں ملک میں  اسٹارٹ اَپ  کی اِس تحریک کو برقرار رکھنا ہے  ، جس کا ہم مشاہدہ کر رہے ہیں، ہمارے پاس ملک میں 1 لاکھ سے زیادہ  اسٹارٹ اپس کو برقرار رکھنے کے لیے ایک بہت  مستحکم صنعت کی ضرورت ہے۔ ‘‘

ڈاکٹر جتیندر سنگھ نے کہا کہ  وزیر اعظم جناب نریندر مودی کی قیادت والی حکومت نے اپنے اقدامات جیسے کہ خوشبو مشن اور لیوینڈر کی کاشت اور خلائی شعبے  میں کھلا پن لانے کے ساتھ ایک قابل عمل ماحول فراہم کیا ہے۔

انہوں نے کہا  کہ ’’ شروع سے ہی، ہمیں صنعت کو ایک  فریق کے طور پر  سمجھنے کی ضرورت ہے اور جہاں بھی اسٹارٹ اپ کے نتائج منافع بخش پائے گئے، یہ دیکھا گیا  ہے کہ کارپوریٹ سیکٹر کے بہت سے نوجوان اپنی ملازمتیں چھوڑ کر  ، ان میں شامل ہو  گئے ہیں  اور مجھے خوشی ہے کہ اے سی ایس آئی آر  میں شروع کئے گئے  آئی – پی ایچ ڈی  اور ’’ سائنسی تحقیق اور اختراع کے صنعت کے ساتھ انضمام کو ادارہ جاتی بنانا ‘‘  اس طرح کے کورسز  ، اس سمت میں  اٹھائے گئے  قدم ہیں ۔

ڈاکٹر جتیندر سنگھ نے کہا کہ خلائی ٹیکنالوجی کے کھلنے کے ساتھ ہی، ملک کے عام لوگ چندریان-3 یا آدتیہ-ایل1 جیسے بڑے خلائی واقعات کے آغاز کا مشاہدہ کر رہے ہیں۔ تقریباً 10,000 طلباء اور عام لوگ آدتیہ لانچ کو دیکھنے آئے اور تقریباً 1,000 میڈیا  کے افراد نے چندریان 3 کو چاند پر اترتے دیکھا۔

سائنس، تحقیق،  ماہرینِ تعلیم ، اسٹارٹ اپس اور صنعت کی ہم آہنگی کی وکالت کرتے ہوئے، ڈاکٹر جتیندر سنگھ نے کہا کہ انوسندھان نیشنل ریسرچ فاؤنڈیشن  ( این آر ایف  )  اور نئی قومی تعلیمی پالیسی ( این ای پی – 2020 )   ، وزیر اعظم  مودی کے وِکست بھارت 2047@ کے ویژن کو پورا کرنے کے لیے صحیح ماحولیاتی نظام تشکیل دیں گے۔

ڈاکٹر جتیندر سنگھ نے کہا کہ این آر ایف   سے  سرکاری اور پرائیویٹ  شعبے کے درمیان حد بندی ختم  ہو گی اور  ان دونوں کے درمیان انضمام  ہوگا۔ انہوں نے کہا کہ  این ای پی – 2020  سے  بھارت کے نوجوانوں کوایک طرح کی   آزادی ملے گی  کیونکہ وہ اب ’’ اپنی امنگوں  کے دائرے  میں محدود ‘‘   نہیں رہیں گے کیونکہ  اس پالیسی سے ، اب انہیں ان کی اہلیت، مہارت، دلچسپی اور دیگر عوامل کی بنیاد پر آزادانہ طور پر مضامین کا انتخاب یا تبدیلی کرنے کا اختیار  فراہم ہوتا ہے ۔

-----------------------

(ش ح۔   ا س    ۔ ع ا)

U NO: 772