য়ুমলৈ-কৈরৈ মন্ত্রালয়

ত্রাইবেল য়ুথ একচেঞ্জ প্রোগ্রাম (TYEP) শরুক য়ারিবা য়ুথ দেলিগেসন্না রাস্ত্রপতিগা উনখ্রে


রাস্ত্রপতিনা মখোয়দা লৈবাক্কী কনস্তিত্যুসন, দেমোক্রেসীদা মপুং ফানা থাজবা থম্নবা পাউতাক পীখি, ঐখোয়গী দেমোক্রেতিক সিস্তেমনা মীপুম খুদিংমক্তা চপ মান্নবা খুদোংচাবা পীরি হায়খি

রাস্ত্রপতিনা হায় মদুদি সরকারনা লৈবাক্কী অমসুং প্রজা পুম্নমক্কী ওল-রাউন্দ দিবেলপমেন্তগীদমক থবক পাইখৎলি, খেন্নবা থমদনা মীপুম খুদিংদা চপ মান্নবা খুদোংচাবশিং পীনবা লেপখি

মনুং হঞ্জিনবা মফমশিংদা ফাওবা সরকারনা মীপুম খুদিংমক্কী চাউখৎ-থৌরাংগীদমক লম্বী-থোং, কম্ম্যুনিকেসন, এজুকেসন অমসুং হেল্থ ফেসিলিতীশিংগুম্বা তঙাই ফদবা খুদোংচাবশিং শেমগৎলি

গৃহ অমসুং কোওপরেসনগী কেন্দ্র মন্ত্রী, শ্রী অমিত শাহনা নই দিল্লীদা ওক্তোবর 18দা TYEPগী মখাদা ত্রাইবেল নহারোলগা লোয়ননা ৱারী শাখি

ত্রাইবেল নহারোলদা প্রধান মন্ত্রী শ্রী নরেন্দ্র মোদীজীগী লুচিং মখাদা লৈবাক অসিনা ঙসি লম খুদিংমক্তা খুমাং চাউশিল্লি অমসুং লম খুদিংদা ত্রাইবেল মীয়ামগীদমক খুদোংচাবশিং মরাং কাইনা ফংহল্লি হায়না য়ুমদা লৈহৌরিবা মীপুম খুদিংদা খঙহন্নবা হায়খি

Posted On: 05 NOV 2023 7:24PM by PIB Imphal

মধ্য প্রদেশ অমসুং ছত্তিসগরদগী য়ুথ দেলিগেসন অমনা ঙসি রাস্ত্রপতি ভবন্দা ভারতকী রাস্ত্রপতি, শ্রীমতি দ্রৌপদি মুর্মুগা উনখ্রে। লেফ ৱিং এক্ত্রিমিজমনা খ্বাইদগী শোকহল্লবা মফমশিংগী নহারোলগীদমক কেন্দ্রগী গৃহ মন্ত্রালয়না শিনবা ত্রাইবেল য়ুথ একচেঞ্জ প্রোগ্রাম (TYEP)গী মখাদা নহাশিং অসিনা দিল্লীদা লাকখি।

দেলিগেসনগী মেম্বরশিংনা ৱা ঙাংলদুনা রাস্ত্রপতিনা মখোয়না লৈবাক্কী কনস্তিত্যুসন অমসুং দেমোক্রেসীদা মপুং ফানা থাজবা থম্নবা হায়খি। মহাক্না হায় ঐখোয়গী দেমোক্রেতিক সিস্তেমনা মীপুম খুদিংমক্তা চপ মান্নবা খুদোংচাবশিং পীরি। মখোয়না কন্না হোৎনদুনা অমসুং কত্থোকপগা লোয়ননা মাংদা চংশিনগদবনি। মহাক্না হায় মখোয়গী তুংলমচৎ অসি আশা লৈ। মহাক্না হিংসা তৌদুনা চাউখৎপা পুরকপা ঙমলোই ফোঙদোকখি।

রাস্ত্রপতিনা হায়খি সরকারনা লৈবাক্কী অমসুং প্রজা পুম্বগী ওল-রাউন্দ দিবেলপমেন্তগীদমক থবক পাইখৎলি। খেন্নবা থমদনা মীপুম খুদিংমক্তা চপ মান্নবা খুদোংচাবশিং পীনবা হোৎনখি। মনুং হঞ্জিনবা মফমশিংদসু সরকারনা লম্বী-থোং, কম্ম্যুনিকেসন, এজুকেসন অমসুং হেল্থ ফেসিলিতীশিংগুম্বা খুদোংচাবশিং পুম্নমক্কী চাউখৎ-থৌরংগীদমক শেমগৎলি। নহারোলগী ভোকেস্নেল স্কিলশিং হেনগৎহন্নবা অমসুং মখোয়দা থবক্কী খুদোংচাবশিং পীনবা ITI অমসুং স্কিল দিবেলপমেন্ত সেন্তর কয়া লিংখৎখি।

রাস্ত্রপতিনা হায়খি মদুদি এজুকেসন অসি মীওই অমগী অমসুং ফুরুপ অমা চাউখৎনবগীদমক ফাউন্দেসননি। মহাক্না মখোয়দা এজুকেসনগী মরু ওইবা অদু খংনবা অমসুং অতোপ্পশিংদা এজুকেসনগী মরু ওইবগী মতাংদা খঙহন্নবসু হায়খি। মহাক্না মখোয়দা ঐখোয়গী মপা-মপুশিংদগী ইথিলশিং লৌনবা অমসুং মখোয়গী ভেল্যুশিং অমসুং ৱাখল্লোশিং ঙাক্না চৎতুনা ভারতপু মপাঙ্গল কনখৎহন্নবা পাউতাক পীখি।

মমাংদা কেন্দ্রগী গৃহ অমসুং কোওপরেসন মন্ত্রী, অমিত শাহনা ওক্তোবর 18, 2023দা TYEPগী মখাদা ত্রাইবেল নহারোল 200গা নই দিল্লীদা ৱারী শাখি। থৌরম অসিদা গৃহ মন্ত্রীনা মখোয়দা হিংসানা থবকশিং পীবা ঙমলোই অমসুং চাউখৎ-থৌরাং অমসুং বেসিক ইনফ্রাস্ত্রকচর শেমগৎনবগীদমক খুন্নাইগী মেনস্ত্রীমদা য়াওশিনবা তঙাই ফদে হায়খি। শ্রী শাহনা মখা তারদুনা হায়খি ত্রাইবেল নহারোলনা অরানবা লমবীদা চত্থনবা অমসুং অতোপ্পদসু চৎহনদনবা থৌদাং লৌগদবনি। গৃহ মন্ত্রীনা ত্রাইবেল নহারোলনা প্রধান মন্ত্রী শ্রী নরেন্দ্র মোদীজীগী লুচিং মখাদা লৈবাক অসিনা ঙসি লম খুদিংমক্তা খুমাং চাউশিল্লি অমসুং লম খুদিংমক্তা ত্রাইবেল মীয়ামগী খুদোংচাবা মরাং কাইনা লৈ পাউদম্নবা মখোয়দা হায়খি।

গৃহ মন্ত্রালয়না হৌখিবা চহি 15 অসিদা ত্রাইবেল য়ুথ একচেঞ্জ প্রোগ্রাম (TYEP) পাঙথোক্তুনা লাকখি। প্রোগ্রাম অসি য়ুথ এফিয়র্স এন্দ স্পোর্তস মন্ত্রালয়গী মখাদা নেহরু য়ুবা কেন্দ্র সঙ্গাথন (NYKS)কী খুত্থাংদা পাঙথোক্লি। প্রোগ্রাম অসিগী মখাদা লেফ ৱিং এক্সত্রিমিজম্না খ্বাইদগী শোকহল্লবা মনুং হঞ্জিনবা মফমশিংদগী ত্রাইবেল ফুরুপশিংগীনহা ওইরিবা নুপা অমদি নুপীশিংবু লৈবাক অসিগী অচৌবা সহরশিং অমসুং মেত্রোপোলিতেনশিংদা পুরি।

নবেম্বর 2023দা দিল্লীদা ত্রাইবেল য়ুথ একচেঞ্চ প্রোগ্রাম অমা পাঙথোকখি। দিল্লীগী প্রোগ্রাম মনুংদা IIT দিল্লীগী ইনক্যুবেসন সেন্তর অমসুং ইন্নোবেসন লেবতা অমসুং মনেসারগী হোন্দা ফেক্তরীদা চৎখি, মসিনা নহারোলবু এজুকেসন, স্কিল দিবেলপমেন্ত অমসুং ওন্তপ্রিনোরশিপ অমসুং বিজিনেসকী মতমদা কেরিয়র কাউন্সেলিং অমসুং গাইদেন্স পীগনি। মসিগী মথক্তা য়ুথ পার্লিয়ামেন্তনা ত্রাইবেল রিসর্চ ইন্সতিত্যুত্তা CRPF কেম্পতা লৈরিবা মকোক থংবা ওফিসরশিংনা লমজিংদুনা চৎকনি অমসুং পুলিস রিক্রুৎমেন্তগীদমক কাউন্সেলিং পীগনি অমসুং নহা ওইরিবা এদমিনিস্ত্রেতিব ওফিসরশিংনা লমজিং লমতাক্কনি অমসুং পুক্নিং থৌগৎকনি, দিল্লীগী মরু ওইবা মফমশিংদা তুর চৎকনি, কলচরেল প্রোগ্রাম অমসুং স্পীচ কম্মিতিসন পাঙথোক্কনি।

****



(Release ID: 1974941) Visitor Counter : 56