গৃহ মন্ত্ৰালয়

জনজাতীয় যুৱ বিনিময় কাৰ্যসূচীত (টি.আই.ই.পি.) অংশগ্ৰহণ কৰা যুৱ প্ৰতিনিধি দলে সাক্ষাৎ কৰিলে ৰাষ্ট্ৰপতিক

ৰাষ্ট্ৰপতিয়ে তেওঁলোকক দেশৰ সংবিধান আৰু গণতন্ত্ৰৰ ওপৰত সম্পূৰ্ণ বিশ্বাস ৰাখিবলৈ পৰামৰ্শ দিয়ে, আমাৰ গণতান্ত্ৰিক ব্যৱস্থাই সকলোকে সমান সুযোগ প্ৰদান কৰে বুলি কয়

ৰাষ্ট্ৰপতিয়ে কয় যে চৰকাৰে দেশৰ সৰ্বাংগীন উন্নয়নৰ বাবে চেষ্টা কৰি আছে আৰু সকলো নাগৰিককে কোনো বৈষম্য নোহোৱাকৈ সমান সুযোগ প্ৰদান কৰিবলৈ চৰকাৰ প্ৰতিশ্ৰুতিবদ্ধ

আনকি দূৰৱৰ্তী অঞ্চলসমূহতো, চৰকাৰে সকলোৰে বিকাশৰ বাবে পথ, যোগাযোগ, শিক্ষা আৰু স্বাস্থ্য সুবিধাৰ দৰে সুবিধা সৃষ্টি কৰি আছে

কেন্দ্ৰীয় গৃহ মন্ত্ৰী শ্ৰী অমিত শ্বাহে ১৮ অক্টোবৰত নতুন দিল্লীত টি.আই.এ.পি.ই.-ৰ অধীনত জনজাতীয় যুৱক-যুৱতীসকলৰ সৈতে বাৰ্তালাপ কৰিছিল

Posted On: 05 NOV 2023 7:24PM by PIB Guwahati

মধ্য প্ৰদেশ আৰু ছত্তীশগড়ৰ যুৱ প্ৰতিনিধি দলে আজি ৰাষ্ট্ৰপতি ভৱনত ভাৰতৰ ৰাষ্ট্ৰপতি শ্ৰীমতী দ্ৰৌপদী মুৰ্মুক সাক্ষাৎ কৰে। সেই ৰাজ্যসমূহৰ যুৱসকল জনজাতীয় যুৱ বিনিময় কাৰ্যসূচীৰ (টি.আই.ই.পি.) অধীনত দিল্লীত আছে, যিটো কেন্দ্ৰীয় গৃহ মন্ত্ৰালয়ে বাওঁপন্থী উগ্ৰবাদৰ দ্বাৰা আটাইতকৈ বেছি প্ৰভাৱিত অঞ্চলৰ যুৱক-যুৱতীসকলৰ বাবে আয়োজন কৰিছে।

প্ৰতিনিধি দলৰ সদস্যসকলক সম্বোধন কৰি ৰাষ্ট্ৰপতিয়ে তেওঁলোকক দেশৰ সংবিধান আৰু গণতন্ত্ৰৰ ওপৰত সম্পূৰ্ণ বিশ্বাস ৰাখিবলৈ পৰামৰ্শ দিয়ে। তেওঁ  কয়  যে আমাৰ গণতান্ত্ৰিক ব্যৱস্থাই সকলোকে সমান সুযোগ প্ৰদান কৰে। সকলোৱে  কেৱল কঠোৰ পৰিশ্ৰম আৰু নিষ্ঠাৰে তেওঁলোকৰ পথ তৈয়াৰ কৰিব লাগিব। তেওঁ কয় যে তেনেদৰে আগবঢ়াসকলৰ  ভৱিষ্যত উজ্জ্বল। তেওঁ এই কথাত  জোৰ দিয়ে  যে হিংসাৰ জৰিয়তে কেতিয়াও উন্নয়ন লাভ  কৰিব নোৱাৰি।

ৰাষ্ট্ৰপতিয়ে কয় যে চৰকাৰে দেশ আৰু সকলো নাগৰিকৰ সৰ্বাংগীন উন্নয়নৰ বাবে চেষ্টা কৰি আছে। চৰকাৰে  কোনো বৈষম্য অবিহনে সকলোকে সমান সুযোগ প্ৰদান কৰিবলৈ প্ৰতিশ্ৰুতিবদ্ধ। আনকি দূৰৱৰ্তী অঞ্চলসমূহতো, চৰকাৰে সকলোৰে বিকাশৰ বাবে পথ, যোগাযোগ, শিক্ষা আৰু স্বাস্থ্যৰ সুবিধাৰ দৰে সুবিধা প্ৰদান  কৰি আহিছে। যুৱসকলৰ বৃত্তিগত দক্ষতা বৃদ্ধি আৰু তেওঁলোকক নিযুক্তিৰ সুযোগ প্ৰদান কৰাৰ বাবে বহু কেইখন  আইটিআই আৰু দক্ষতা বিকাশ কেন্দ্ৰ স্থাপন কৰা হৈছে।

ৰাষ্ট্ৰপতিয়ে কয় যে শিক্ষা হৈছে ব্যক্তিগত আৰু সামূহিক বিকাশৰ ভেটি। তেওঁ  যুৱ প্ৰতিনিধিসকলক শিক্ষাৰ গুৰুত্ব বুজিবলৈ আৰু শিক্ষাৰ গুৰুত্বৰ বিষয়ে আনক সজাগ কৰিবলৈ আহ্বান জনায়।  তেওঁ তেওঁলোকক আমাৰ পূৰ্বপুৰুষৰ পৰা অনুপ্ৰেৰণা লাভ কৰিবলৈ আৰু তেওঁলোকৰ মূল্যবোধ তথা  আদৰ্শ আত্মস্থ কৰি ভাৰতক শক্তিশালী কৰিবলৈ পৰামৰ্শ দিয়ে।

ইয়াৰ পূৰ্বে কেন্দ্ৰীয় গৃহমন্ত্ৰী  শ্ৰী অমিত শ্বাহে ২০২৩ চনৰ ১৮ অক্টোবৰত নতুন দিল্লীত টিআইএপিইৰ অধীনত ২০০ জনজাতীয় যুৱক-যুৱতীৰ সৈতে বাৰ্তালাপ কৰিছিল।  গৃহমন্ত্ৰীয়ে কৈছিল  যে হিংসাই চাকৰিৰ সৃষ্টি  কৰিব নোৱাৰে আৰু মৌলিক আন্তঃগাঁথনিৰ বিকাশ তথা সৃষ্টিৰ বাবে সমাজৰ মূলসুঁতিত যোগদান কৰাটো প্ৰয়োজনীয়। শ্ৰী শ্বাহে লগতে কৈছিল যে জনজাতীয় যুৱক-যুৱতীসকলে ভুল পথত খোজকাঢ়িব নোৱাৰিব বা আনক তেনে কৰিবলৈ অনুমতি নিদিয়াটোও তেওঁলোকৰ  দায়িত্ব। গৃহমন্ত্ৰীয়ে কৈছিল যে জনজাতীয় যুৱকসকল

মূলসুঁতিলৈ  উভতি অহা সকলোক ক'ব লাগে যে প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত আজি প্ৰতিটো ক্ষেত্ৰতে দেশখন আগবাঢ়িছে আৰু প্ৰতিটো ক্ষেত্ৰতে জনজাতীয় লোকসকলৰ বাবে যথেষ্ট সুযোগ সৃষ্টি হৈছে।

গৃহ মন্ত্ৰালয়ে যোৱা ১৫  বছৰ ধৰি জনজাতীয় যুৱ বিনিময় কাৰ্যসূচী (টি.আই.ই.পি.) আয়োজন কৰি  আহিছে। যুৱ পৰিক্ৰমা আৰু ক্ৰীড়া মন্ত্ৰালয়ৰ অধীনত নেহৰু যুৱ কেন্দ্ৰ সংগঠনৰ (এনৱাইকেএছ) জৰিয়তে এই কাৰ্যসূচী চলি আহিছে। এই কাৰ্যসূচীৰ অধীনত, বাওঁপন্থী উগ্ৰবাদৰ দ্বাৰা আটাইতকৈ বেছি প্ৰভাৱিত ভিতৰুৱা অঞ্চলৰ জনজাতীয় সম্প্ৰদায়ৰ যুৱক-যুৱতীসকলক সমগ্ৰ দেশৰ মুখ্য চহৰ আৰু মহানগৰসমূহলৈ লৈ যোৱা হয়।

২০২৩ চনৰ নৱেম্বৰত দিল্লীত জনজাতীয় যুৱ বিনিময় কাৰ্যসূচীৰ আয়োজন কৰা হৈছে। দিল্লীত আয়োজিত  কাৰ্যসূচীৰ সময়ত প্ৰতিনিধিসকলে আইআইআইটি দিল্লীৰ ইনকিউবেচন চেণ্টাৰ আৰু ইনোভেচন লেব আৰু মানেচাৰৰ হোণ্ডা ফেক্টৰী ভ্ৰমণ কৰাৰ লগতে  যুৱকসকলক শিক্ষা, দক্ষতা বিকাশ আৰু কেৰিয়াৰ পৰামৰ্শ আৰু উদ্যোগ আৰু ব্যৱসায়ৰ ওপৰত নিৰ্দেশনা প্ৰদান কৰা হয়। ইয়াৰ উপৰি যুৱ সংসদ, জনজাতীয় গৱেষণা প্ৰতিষ্ঠান ভ্ৰমণ, চিআৰপিএফ শিবিৰৰ জ্যেষ্ঠ বিষয়াসকলৰ নিৰ্দেশনা আৰু যুৱ প্ৰশাসনিক বিষয়াসকলৰ দ্বাৰা আৰক্ষীত নিযুক্তি, নিৰ্দেশনা আৰু উৎসাহৰ বাবে পৰামৰ্শ, দিল্লীৰ গুৰুত্বপূৰ্ণ স্থানসমূহ ভ্ৰমণ, সাংস্কৃতিক কাৰ্যসূচী আৰু বক্তৃতা প্ৰতিযোগিতা আদিৰো আয়োজন কৰা  হৈছে।।

****

 

DM/BM



(Release ID: 1974922) Visitor Counter : 75