কেমিকেল্স অমসুং ফর্তিলাইজর মন্ত্রালয়
কেমিকেল অমসুং ফর্তিলাইজরগী কেন্দ্রগী রাজ্য মন্ত্রী, শ্রী ভগ্বন্ত খুবানা লুচিংবা ভারতকী দেলিগেসন্না 2শুবা ৱর্ল্দ লোকেল প্রদক্সন ফোরমদা শরুক য়ানবগীদমক্তা নেদর্লেন্দগীদমক্তা ঙসি খোঙশানখ্রে
ভারত অমসুং নেদর্লেন্দগী মরক্তা মেদিকেল প্রদক্ত রেগ্যুলেসনগী হীরমদা তেংবাংনবগী মেমোরেন্দম ওফ ইন্তেন্ত (MOI)গী খুৎয়েক পীনবা য়ানা লৈরি
তোঙান-তোঙানবা সেক্তরগী হাই-লেভেল পার্তিসিপেন্ত 800 হেনবনা গ্লোবেল সম্মিত অসিদা শরুক য়াগনি
Posted On:
04 NOV 2023 2:02PM by PIB Imphal
কেমিকেল অমসুং ফর্তিলাইজরগী কেন্দ্রগী রাজ্য মন্ত্রী, শ্রী ভগ্বন্ত খুবানা লুচিংবা ভারতকী দেলিগেসন্না নবেম্বর 6-8, 2023দা নেদর্লেন্দগী দি হেগতা পাংথোক্কদৌরিবা 2শুবা ৱর্ল্দ প্রদক্সন ফোরম (WLPF)তা শরুক য়ানবগীদমক্তা ঙসি খোঙশানখ্রে।
মহাক্কী খোঙচৎ মনুং অসিদা, মেদিকেল প্রদক্ত রেগ্যুলেসনগী মতাংদা তেংবাংনবগী মেমোরেন্দম ওফ ইন্তেন্ত (MOI) অমসু ভারত অমসুং নেদর্লেন্দগী মরক্তা খুৎয়েক পীনবা য়াই। মন্ত্রীনা য়ুরোপিয়ন মেদিসিন এজেন্সীদসু চৎকনি। মহাক্না শ্রীগন্ধা হোল্লেন্দ কন্নর বালাগাগী কন্নর রাজ্যোৎসভা 2023গী থৌরমদা শরুক য়ানবগীদমক্তা ঐন্দোভেন্দসু চৎকনি।
ৱর্ল্দ লোকেল প্রদক্সন প্লেতফোর্ম অসি মেদিসিন অমসুং হেল্থকী অতোপ্পা তেক্নোলোজীশিং হান্নদগী হেনবা চাংদা শিজিন্নবা ফংহনবগী পান্দমগা লোয়ননা WHOনা শেম্বা প্লেতফোর্ম অমনি। ফোরম অসিনা মেম্বর স্তেত অমসুং গ্লোবেল কম্ম্যুনিতীগী মফমদা ক্বালিতী ফরে হায়না থাজবা পীরবা হকশেলগী পোত্থোকশিংবু মতম চানা অমসুং পুম্নমক্কী মফমদা চপ মান্ননা ফংহন্নবা সস্তেনেবল ওইবা লোকেল প্রদক্সন লৈহন্নবগীদমক্তা থৌরাং য়াৎপা, পুন্না থবক পাংথোকমিন্নবা অমসুং পার্ত্নরশিপ লৈহন্নবা চাং নাইবা ফম্বাক অমা পীরি। WLPF সেক্রেতরিএত্তা লৈবা লোকেল প্রদক্সন অমসুং এসিস্তেন্স (LPA) য়ুনিৎ অসিনা ফোরম অসি শিন লাঙবগী মতাংদা ফোরমগী য়ুম্বু ওইগদৌরিবা কিংদম ওফ নেদর্লেন্দগা য়াম্না নক্না থবক তৌমিন্নরি।
মীফম অসিনা ফার্মাস্যুতিকেলগী গ্লোবেল সপ্লাই চেনবু রেজিলিএন্ত ওইহন্নবা অমসুং ভারতনা ফার্মা সেক্তরদা শরুক তম্লিবা মরু ওইবা থৌওং কয়া উৎনবা অতোপ্পা লৈবাকশিংগা লোয়ননা মলতিলেতরেল ওর্গনাইজেসনশিংগা ৱারি শাবগী অচৌবা খুদোংচাবা পীগনি। পনবা য়াবা ৱাফম অমনা, লোকেল প্রদক্সন খুমাং চাউশিলহনবা অমসুং তেক্নোলোজী ত্রান্সফর তৌবদা থেংনরিবা শিংনবা কয়াগী মতাংদা খন্ন-নৈনবা, থৌওংশিং অসিদা থেংনবা অপনবা কয়া মাইয়োক্নবা ঙমগদবা মেকানিজম অমসুং হীরম অসিদা লৈরিবা খুদোংচাবশিং থীদোকপা, ক্বালিতী লৈবা, তেক্ত-কায়দবা অমসুং মথৌ নীংথিনা পাংথোকপা হকশেলগী পোত্থোক অমসুং তেক্নোলোজীশিং ফংবা হেনগৎহন্নবা সস্তেনেবল ওইবা লোকেল প্রদক্সন কেপাসিতী খুমাং চাউশিলহনবগী মালেমগী ওইবা ফম্বাক অমা পীনবা WLPFনা পান্দম থম্লিবনি।
ফোরম অসিনা লোকেল প্রদক্সন কেপাসিতী মপাঙ্গল লৈহনবা অমসুং গ্লোবেল হেল্থ সেক্যুরিতী হেন্না ফগৎহনবদা শরুক তমগদবা থবক ওইনা পাংথোকপা য়াবা থৌওংশিংগী পাউতাক পীবা, পুম্নমক্না শরুক য়াদুনা খন্ন-নৈনবা অমসুং খ্বাইদগী ফবা থবকশিং শেয়র তৌহন্নবা লেপ্তনা তেংবাংগনি। 2শুবা WLPF অসিদা মরী লৈনবা মন্ত্রালয় অমসুং সরকারগী সেনিয়র ওফিসিএল, মালেমগী লুপশিংগী লুচিংবা অমসুং মীহুৎ অমসুং অতোপ্পা দিভেলপমেন্ত পার্ত্নর; মালেম অমসুং রিজনেল ফাইনেন্সিএল ইন্সতিত্যুসনশিংগী সেনিয়র ওইবা মীহুৎ; প্রাইভেত সেক্তর, সিভিল সোসাইতী, অমসুং একাদমিয়াগী মীহুৎশিংগুম্বা তোঙান-তোঙানবা সেক্তরশিংগী হাই লেভেল পার্তিসইপেন্ত 800না হকথেংননা শরুক য়াগনি হায়বগী থাজবা থম্লি। মরম অদুনা, ভারতনা শেল য়াম্না চঙদবা অমসুং ক্বালিতীদা মিৎয়েং চঙবগী মতৌগা লোয়ননা ফার্মাস্যুতিকেলগী সপ্লাই চেন অমসুং গ্লোবেল পব্লিক হেল্থ আউতকমশিংদা লেপ্তনা তেংবাংলিবা মরু ওইবা প্লেয়র ওইবনা থৌরম অসিদা শরুক য়াবা হায়বসি য়াম্না চুনবা থৌওং অমা ওইরিবনি।
***
(Release ID: 1974785)
Visitor Counter : 66